శ్రీలంకపై నెగ్గినా వరల్డ్ కప్ నుంచి పాకిస్తాన్ ఔట్.. సెమీఫైనల్స్కు న్యూజిలాండ్
పాకిస్తాన్ జట్టు పోరాటం ముగిసింది. టీ20 ప్రపంచ కప్ 2026 నుండి పాక్ జట్టు నిష్క్రమించింది. 3 పాయింట్లతో సమానంగా ఉన్నప్పటికీ మెరుగైన రన్ రేట్ ఉన్న న్యూజిలాండ్ సెమీఫైనల్స్ చేరింది.
కొలంబో: పాకిస్తాన్ శనివారం నాడు అధికారికంగా T20 ప్రపంచ కప్ 2026 నుండి నిష్క్రమించింది. తొలుత బ్యాటింగ్ లో అద్భుతంగా రాణించినప్పటికీ పాక్ జట్టు వరల్డ్ కప్ నుంచి నిష్క్రమించింది. 5 పరుగుల తేడాతో లంకపై పాక్ జట్టు విజయం సాధించింది. కానీ దారుణమైన రన్ రేట్ కారణంగా ఇంటిదారి పట్టిన లంక జట్టు, తమతో పాటు పాక్ ను రేసు నుంచి తప్పించింది. సూపర్ 8 మ్యాచులో ఫస్ట్ బ్యాటింగ్ కు దిగిన పాక్ జట్టు 20 ఓవర్లలో 8 వికెట్లు కోల్పోయి 212 పరుగులు చేసింది. ఛేజింగ్ లో కెప్టెన్ దాసున్ షనక (31 బంతుల్లో 76 నాటౌట్) చివరివరకూ పోరాడినా 5 రన్స్ తో లంక ఓటమిపాలైంది.
శ్రీలంకతో జరిగిన మ్యాచ్లో నెట్ రన్ రేట్ (NRR) అవసరాలను పాకిస్తాన్ అందుకోలేకపోయింది. దాంతో గ్రూప్ 2 నుండి చివరి సెమీఫైనల్ స్థానాన్ని న్యూజిలాండ్ దక్కించుకుంది. పాయింట్ల పట్టికలో కివీస్ను అధిగమించాలంటే పాకిస్తాన్ శ్రీలంకను కనీసం 67 పరుగుల తేడాతో ఓడించాల్సి ఉంది. అంటే లంక జట్టును 147 పరుగుల మార్కును దాటకుండా ఆపాల్సి ఉంది. అయితే, దారుణంగా ఓడిపోతుందనుకున్న లంక జట్టును కెప్టెన్ షనక ఆదుకున్నాడు. మెరుపు ఇన్నింగ్స్ తో ఓ దశలో లంక గెలుస్తుందనిపించింది. చివరి ఓవర్లో లంక విజయానికి 28 పరుగులు అవసరం కాగా షనక ఓ ఫోర్, 3 సిక్సర్లు బాది ఆశలు రేపాడు. కానీ షాహిన్ ఆఫ్రిది చివరి 2 బాల్స్ డాట్ చేయడంతో పాక్ కంటి తుడుపు విజయం సాధించింద.
పాకిస్తాన్ ఇంటికి తిరుగు ప్రయాణం
శ్రీలంక జట్టు 148వ రన్ చేసిన తరువాత పాకిస్తాన్ సెమీస్ క్వాలిఫికేషన్ కలలు ఆవిరయ్యాయి. ఆ తర్వాత విజయం సాధించినా అది కేవలం అకాడమిక్ మాత్రమే, ఎందుకంటే వారి NRR ఇకపై న్యూజిలాండ్ +1.390ని దాటలేదు. సాహిబ్జాదా ఫర్హాన్ ఒకే టోర్నమెంట్లో అత్యధిక పరుగులు చేసిన విరాట్ కోహ్లీ రికార్డును బద్దలు కొట్టాడు. 60 బంతుల్లో 100 పరుగులు చేసిన అతను మొత్తం టోర్నీలో 383 పరుగులు చేశాడు. జట్టును సెమీఫైనల్ చేర్చడానికి ఇది సరిపోలేదు. ఫర్హాన్, ఫఖర్ జమాన్ (84) కలిసి ప్రపంచ రికార్డు స్థాయిలో 176 పరుగుల ఓపెనింగ్ భాగస్వామ్యాన్ని నెలకొల్పారు. దాంతో నిర్ణీత 20 ఓవర్లలో పాకిస్తాన్ 212/8 భారీ స్కోరు సాధించింది.
గ్రూప్ 2 చివరి స్టాండింగ్స్
| టీమ్ | స్టేటస్ | పాయింట్లు |
| ఇంగ్లాండ్ | క్వాలిఫైడ్ (1వ) | 6 |
| న్యూజిలాండ్ | క్వాలిఫైడ్ (2వ) | 3 |
| పాకిస్తాన్ | ఎలిమినేటెడ్ | 3 |
| శ్రీలంక | ఎలిమినేటెడ్ | 0 |
టాప్ హెడ్ లైన్స్
ట్రెండింగ్ వార్తలు
