Israel Strike On Iran: ఇజ్రాయెల్ దాడుల్లో ఇరాన్ రక్షణ మంత్రితో పాటు ఆర్మీ చీఫ్ మృతి.. రిపోర్ట్స్!
ఇజ్రాయెల్ దాడుల్లో ఇరాన్ రక్షణ మంత్రి అమీర్ నాసిర్జాదే, గార్డ్స్ కమాండర్ మహమ్మద్ పాక్పూర్ మృతిచెందారని సమాచారం. ఈ మేరకు కథనాలు వస్తున్నాయి.
టెహ్రాన్: ఇరాన్, ఇజ్రాయెల్ మధ్య మరో యుద్ధం మొదలైంది. ఇరు దేశాలు ఎయిర్ స్ట్రైక్స్, బాంబు దాడులు చేసుకోవడంతో పరిస్థితి మరీ భయానకంగా మారింది. ఈ క్రమంలో ఇజ్రాయెల్ జరిపిన దాడుల్లో ఇరాన్ రక్షణ మంత్రి అమీర్ నాసిర్జాదే, రివల్యూషనరీ గార్డ్స్ కమాండర్ మహమ్మద్ పాక్పూర్ చనిపోయినట్లు తెలుస్తోంది. ఇజ్రాయెల్ ఆర్మీతో సంబంధం ఉన్న రెండు వర్గాలు, మరో వర్గం సైతం వీరిద్దరూ మృతిచెందారని తెలిపాయి. రాజధాని టెహ్రాన్లో అత్యున్నత స్థాయి సమావేశంలో పాల్గొన్న సమయంలో ఇజ్రాయెల్ బలగాలు జరిపిన దాడుల్లో వీరిద్దరూ చనిపోయారని అంతర్జాతీయ మీడియాలో కథనాలు వస్తున్నాయి. అయితే ఇరాన్ ప్రభుత్వం గానీ, అధికారులు గానీ దీనిపై స్పందించాల్సి ఉంది. ఇటీవల సైతం దాడుల్లో వారు చనిపోయారని ప్రచారం జరగగా, తరువాత ఇరాన్ ప్రభుత్వం ఆ వార్తల్ని తీవ్రంగా ఖండించింది.
గల్ఫ్ దేశాల్లో సెగలు రేపుతున్న యుద్ధం..
మధ్యప్రాచ్యంలో యుద్ధ జ్వాలలు గల్ఫ్ దేశాలకు వ్యాపించాయి. ఇరాన్ తమపై జరుగుతున్న దాడులకు ప్రతీకారంగా 'ఆపరేషన్ గ్రేట్ రివెంజ్'ను ప్రారంభించింది. అమెరికా సైనిక స్థావరాలను లక్ష్యంగా చేసుకుని వందలాది బాలిస్టిక్ క్షిపణులను ప్రయోగించింది. ముఖ్యంగా ఖతార్లోని అల్-ఉదైద్ ఎయిర్ బేస్, బహ్రెయిన్లోని అమెరికా 5వ నౌకాదళ ప్రధాన కార్యాలయంపై దాడులు జరగడంతో యుద్ధ వాతావరణం నెలకొంది. తమ భూభాగాలను అమెరికా దాడులకు వేదికగా ఉపయోగిస్తే తీవ్ర పరిణామాలు ఉంటాయని ఇరాన్ హెచ్చరించడంతో గల్ఫ్ దేశాలు అప్రమత్తమయ్యాయి.
⭕️The IDF completed a broad strike on strategic defense systems of the Iranian regime.
— Israel Defense Forces (@IDF) February 28, 2026
The IDF struck multiple strategic aerial defense systems, including an advanced SA-65 system in the Kermanshah area of western Iran. pic.twitter.com/p3UI3aB50y
ఈ పరిణామాలతో దుబాయ్, అబుదాబి, దోహా వంటి ప్రధాన నగరాల్లో జనజీవనం స్తంభించిపోయింది. అంతర్జాతీయ విమానాశ్రయాలు మూసివేయబడగా, గగనతలంపై ఆంక్షలు విధించారు. క్షిపణి దాడుల భయంతో ప్రజలు ఇళ్లకే పరిమితం కాగా, ప్రభుత్వాలు అత్యవసర పరిస్థితిని ప్రకటించాయి. కువైట్, యూఏఈలలోని అమెరికా స్థావరాల సమీపంలో భారీ పేలుళ్లు సంభవించడంతో స్థానికులు భయాందోళనలకు గురవుతున్నారు. అనేక దేశాలు తమ రక్షణ వ్యవస్థలను సిద్ధం చేసి, ఇరాన్ క్షిపణులను అడ్డుకునే ప్రయత్నం చేస్తున్నాయి. ఈ పరిణామాలు గల్ఫ్ ప్రాంతాన్ని అస్థిరతలోకి నెట్టాయి.
Let the world know that we did not start this war pic.twitter.com/9G3vbJYw1D
— Iran Military Monitor (@IRIran_Military) February 28, 2026
టాప్ హెడ్ లైన్స్
ట్రెండింగ్ వార్తలు
