War 2 First Song: 'వార్ 2' కోసం 'బ్రహ్మాస్త్ర' టీం... 'ఆవన్ జావన్'కు, 'బ్రహ్మాస్త్ర' సినిమాలోని 'కేసరియా'కు కనెక్షన్... ఏమిటో తెలుసా?

Hrithik Roshan Kiara Advani Song: దర్శకుడు అయాన్ ముఖర్జీ తెరకెక్కించిన 'వార్ 2'లోని హృతిక్ రోషన్, కియారా అద్వానీ డ్యూయెట్ సాంగ్ కోసం 'బ్రహ్మాస్త్ర' సినిమాలోని 'కేసరియా' టీం రంగంలోకి దిగింది.

'వార్ 2' కోసం 'బ్రహ్మాస్త్ర' టీం

Source : https://x.com/yrf

'వార్ 2' సినిమా ఫీవర్ మొదలైంది. ఆగస్టు 14న థియేటర్లలోకి మూవీ రానుంది. ట్రైలర్ విడుదల తర్వాత సినిమాపై బజ్ మరింత పెరిగింది. మ్యాన్ ఆఫ్ మాసెస్ ఎన్టీఆర్ ఓ హీరోగా నటించడం వల్ల తెలుగు రాష్ట్రాల్లో క్రేజ్ నెలకొంది. ఇందులో పాటల కోసం ఆడియన్స్ ఎదురు చూస్తున్నారు. అయితే, ఫస్ట్ సాంగ్‌లో ఎన్టీఆర్ ఉండరు. ఆ పాటను హృతిక్ రోషన్, కియారా అద్వానీ మీద తీశారు. ఆ సాంగ్ అప్డేట్ ఏమిటంటే... 

'వార్ 2'లో ఫస్ట్ సాంగ్ రిలీజ్ ఈ వారమే!
హృతిక్ రోషన్, కియారా అద్వానీ మీద 'వార్ 2' కోసం 'ఆవన్ జావన్' అని ఓ సాంగ్ తెరకెక్కించారు. ఈ వారం ఆ పాటను విడుదల చేయనున్నట్లు యష్ రాజ్ ఫిలిమ్స్ సంస్థ తెలిపింది. దాంతో పాటు మరొక ఇంట్రెస్టింగ్ అప్డేట్ ఏమిటంటే... 

వార్ 2 కోసం రంగంలోకి 'బ్రహ్మాస్త్ర' సాంగ్ టీం!
'వార్ 2' సినిమాకు అయాన్ ముఖర్జీ దర్శకత్వం వహిస్తున్న సంగతి తెలిసిందే. ఈ సినిమా కంటే ముందు ఆయన తీసిన సినిమా 'బ్రహ్మాస్త్ర'. అందులోని 'కేసరియా' సాంగ్ దేశం అంతటినీ ఊపేసింది. ఇప్పుడు మరోసారి ఆ సాంగ్ టీంను అయాన్ 'వార్ 2' కోసం రంగంలోకి దించారు.

'వార్ 2' సినిమాలో ఓ డ్యూయెట్ సాంగ్ ఉంది. అదే హృతిక్ రోషన్, కియారా అద్వానీ మీద చిత్రీకరించిన పాట 'ఆవన్ జావన్'. ఆ పాట కోసం తన బ్లాక్ బస్టర్ 'కేసరియా' సంగీత బృందాన్ని రంగంలోకి దించారు అయాన్ ముఖర్జీ. ప్రీతమ్, అరిజిత్ సింగ్, అమితాబ్ భట్టాచార్య కలిసి 'వార్ 2'లో సాంగ్ కోసం పని చేశారు. త్వరలో (అంటే ఈ వారం) ఆ పాటను విడుదల చేసి మరింత హైప్ పెంచాలని చిత్ర యూనిట్ భావిస్తోంది. 'వార్ 2' నుంచి వచ్చే మొదటి పాట ఇదే. ఇందులో హృతిక్, కియారా మధ్య ప్రేమను చూపించబోతున్నారట.

'వార్ 2'లో ఫస్ట్‌ సాంగ్ రిలీజ్ ఈ వారమే!

#AavanJaavan #War2 #HrithikRoshan #KiaraAdvani pic.twitter.com/ryetLgRfeG

— ABP Desam (@ABPDesam) July 29, 2025

War 2 Release Date: సినిమా విషయానికి వస్తే... ఆగస్టు 14న ప్రపంచ వ్యాప్తంగా హిందీ, తెలుగు, తమిళ భాషలలో 'వార్ 2' థియేటర్లలో విడుదల కానుంది. ప్రస్తుతం ఈ సినిమా పనుల్లో దర్శకుడు అయాన్ బిజీగా ఉన్నారు. ఈ సినిమాను యష్ రాజ్ ఫిల్మ్స్‌ భారీ ఎత్తున నిర్మించింది.