Upcoming Telugu Movies : ఒకే వారంలో 8 మూవీస్ - ఓటీటీ మూవీస్, వెబ్ సిరీస్‌ల ఫుల్ లిస్ట్ ఇదే!

This Week Telugu Movies : కామెడీ, యూత్ ఫుల్ ఎంటర్టైనర్స్, హారర్, యాక్షన్ ఎంటర్టైనర్స్ వరకూ ఈ వారం 8 సినిమాలు థియేటర్లలోకి రానున్నాయి. ఓటీటీల్లోనూ మూవీస్/వెబ్ సిరీస్‌లు అందుబాటులోకి రానున్నాయి.

ఈ వారం రిలీజ్ కాబోయే మూవీస్

Source : https://www.youtube.com/watch?v=arVT9vuwaa0

This Week Telugu Movie In December Second Week : ఇయర్ ఎండింగ్‌లో మూవీ లవర్స్‌కు ఫుల్ వినోదాల విందు అందనుంది. డిసెంబర్ రెండో వారంలో ఏకంగా 8 సినిమాలు థియేటర్లలో సందడి చేయబోతున్నాయి. యూత్ ఫుల్ ఎంటర్టైనర్స్ నుంచి హారర్ థ్రిల్లర్, బయోపిక్స్ వరకూ ఇందులో ఉన్నాయి. దీంతో పాటే ఓటీటీల్లో మూవీస్, వెబ్ సిరీస్‌లు కూడా స్ట్రీమింగ్ కానున్నాయి. మరి ఆ లిస్ట్ ఓసారి చూస్తే...

సుమ కొడుకు మూవీ 'మోగ్లీ'

ఫేమస్ యాంకర్ సుమ కొడుకు రోషన్ కనకాల కొడుకు సరికొత్త లవ్ ఎంటర్టైనర్ 'మోగ్లీ' ఈ నెల 12న ప్రేక్షకుల ముందుకు రానుంది. 'కలర్ ఫోటో' ఫేం సందీప్ రాజ్ మూవీకి దర్శకత్వం వహించగా... సాక్షి మడోల్కర్ హీరోయిన్‌గా నటించారు. వైవా హర్ష కీలక పాత్ర పోషించాడు. తాను ప్రేమించిన అమ్మాయి కోసం ఓ యువకుడు చేసిన పోరాటమే 'మోగ్లీ' అని తెలుస్తోంది.

కార్తీ 'అన్నగారు వస్తారు'

తమిళ స్టార్ కార్తీ లేటెస్ట్ యాక్షన్ ఎంటర్టైనర్ 'వా వాతియార్' తెలుగులో 'అన్నగారు వస్తారు' పేరుతో రిలీజ్ చేస్తున్నారు. నలన్ కుమార స్వామి దర్శకత్వం వహిస్తుండగా... కృతి శెట్టి హీరోయిన్‌గా నటించారు. కార్తీ పోలీస్ ఆఫీసర్‌గా కనిపించనుండగా... హీరోయిన్ ఆత్మలతో మాట్లాడే పాత్రలో కనిపించనున్నట్లు తెలుస్తోంది. ఈ నెల 12న సినిమా ప్రేక్షకుల ముందుకు రానుంది.

హారర్ థ్రిల్లర్ 'ఈషా'

అఖిల్ రాజ్, త్రిగుణ్, హెబ్బా పటేల్ కీలక పాత్రలు పోషించిన రీసెంట్ హారర్ థ్రిల్లర్ 'ఈషా'. శ్రీనివాస్ మన్నె దర్శకత్వం వహించిన ఈ మూవీని దామోదర ప్రసాద్ సమర్పణలో హేమ వెంకటేశ్వరరావు నిర్మించారు. బన్నీ వాస్, వంశీ నందిపాటి సంయుక్తంగా రిలీజ్ చేస్తుండగా... ఈ నెల 12న థియేటర్లలోకి రానుంది. హార్ట్ పేషెంట్స్, ధైర్యం లేని వారు ఈ మూవీ చూడకపోవడమే మంచిదని బన్నీ వాస్ తెలిపారు.

'ఘంటసాల' బయోపిక్

లెజెండరీ సింగర్ ఘంటసాల జీవిత చరిత్ర ఆధారంగా తెరకెక్కిన బయోపిక్ 'ఘంటసాల'. కృష్ణ చైతన్య ఘంటసాల పాత్రలో నటించగా... మృదుల, సుమన్, సాయికిరణ్ కీలకపాత్రలు పోషించారు. ఈ మూవీ కూడా శుక్రవారమే ప్రేక్షకుల ముందుకు రానుంది.

'నా తెలుగోడు'

హరినాథ్ పొలిచర్ల హీరోగా స్వీయ దర్శక నిర్మాణంలో రూపొందించిన సందేశాత్మక చిత్రం 'నా తెలుగోడు'. తనికెళ్ల భరణి, రఘుబాబు, జరీనా వహాబ్, రోనీ కౌలా, నైరా పాల్ తదితరులు కీలక పాత్రలు పోషించారు. ఈ నెల 12న సినిమా థియేటర్లలో రిలీజ్ కానుంది.

సస్పెన్స్ థ్రిల్లర్ 'మిస్ టీరియస్'

రోహిత్ సహాని, అబిద్ భూషణ్, రియా కపూర్, మేఘనా రాజ్ పుత్ తదితరులు ప్రధాన పాత్రల్లో నటించిన లేటెస్ట్ సస్పెన్స్ థ్రిల్లర్ 'మిస్ టీరియస్'. ఈ నెల 12న సినిమా ప్రేక్షకుల ముందుకు రానుంది.

యూత్ ఎంటర్టైనర్ 'ఇట్స్ ఓకే గురు'

సాయి చరణ్, ఉషశ్రీ జంటగా నటించిన లేటెస్ట్ యూత్ ఫుల్ ఎంటర్టైనర్ 'ఇట్స్ ఓకే గురు'. క్రాంతి ప్రసాద్ నిర్మించిన ఈ మూవీ ఈ నెల 12న ప్రేక్షకుల ముందుకు రానుంది.

ఓటీటీ మూవీస్/వెబ్ సిరీస్‌ల లిస్ట్

• అమెజాన్ ప్రైమ్ వీడియో - మెర్వ్ (డిసెంబర్ 10), టెల్ మి సాఫ్టీ (డిసెంబర్ 12)
• నెట్ ఫ్లిక్స్ - గుడ్ బై జూన్ (డిసెంబర్ 12), వేక్ అప్ డెడ్ మ్యాన్ (మూవీ - డిసెంబర్ 12), సింగిల్ పాపా (హిందీ వెబ్ సిరీస్ - డిసెంబర్ 12), మ్యాన్ వర్సెస్ బేబీ (వెబ్ సిరీస్ - డిసెంబర్ 11)
• ఆహా - 3 రోజెస్ (తెలుగు సిరీస్ - డిసెంబర్ 12)
• జీ5 - సాలీ మొహబ్బత్ (డిసెంబర్ 12)
• జియో హాట్ స్టార్ - సూపర్ మ్యాన్ (మూవీ డిసెంబర్ 11)

మరిన్ని చదవండి

ఓటీటీలోకి వచ్చేస్తోన్న దుల్కర్ 'కాంత' - రూమర్లకు చెక్... స్ట్రీమింగ్ ఎప్పటినుంచంటే?