Gajwel Hit and Run Case: గజ్వేల్ లో విషాదం - హిట్ అండ్ రన్ ఘటనలో ఇద్దరు పోలీసు కానిస్టేబుళ్లు మృతి
Gajwel Hit and Run Case : గజ్వేల్ పట్టణం జాలిగామ బైపాస్ వద్ద ఆదివారం తెల్లవారుజామున ఘోర రోడ్డుప్రమాదం చోటు జరిగింది. గుర్తుతెలియని వాహనం ఒకటి ఢీకొని ఇద్దరు కానిస్టేబుళ్లు అక్కడికక్కడే మృతిచెందారు.
Gajwel Accident : మనల్ని 24 గంటలూ రక్షిస్తున్న పోలీసుల ప్రాణాలు తీశారు కొందరు గుర్తుతెలియని వ్యక్తులు. గుర్తుతెలియని వాహనం ఢీకొట్టడంతో ఇద్దరు కానిస్టేబుళ్లు మృతి చెందారు. సిద్ధిపేట జిల్లా గజ్వేల్ సమీపంలో హిట్ అండ్ రన్ ఘటన చూపరులకు కంటతడి పెట్టిస్తోంది. గజ్వేల్ పట్టణం జాలిగామ బైపాస్ వద్ద ఘోర రోడ్డుప్రమాదం చోటు జరిగింది. వాహనం ఢీకొన్న కొన్ని నిమిషాల్లోనే కానిస్టేబుళ్లు అక్కడికక్కడే మృతిచెందారు.
స్పాడ్ డెడ్
వివరాల్లోకి వెళితే.. సిద్ధిపేట జిల్లా గజ్వేల్ పట్టణం జాలిగామ బైపాస్ వద్ద ఆదివారం తెల్లవారుజామున ఘోర రోడ్డుప్రమాదం చోటు జరిగింది. గుర్తుతెలియని వాహనం ఒకటి ఢీకొని ఇద్దరు కానిస్టేబుళ్లు అక్కడికక్కడే మృతిచెందారు. మృతులను పరంధాములు(43), పూస వేంకటేశ్వర్లు(42) గా పోలీసులు గుర్తించారు. పరంధాములు సిద్దిపేట జిల్లా రాయపోల్ పోలీస్ స్టేషన్ లో విధులు నిర్వహిస్తుండగా.. దౌల్తాబాద్ పోలీస్ స్టేషన్ లో పూస వేంకటేశ్వర్లు కానిస్టేబుల్గా పని చేస్తున్నారు. జాలిగామ బైపాస్ వద్ద వీరు ప్రయాణిస్తున్న బైక్ ను ఓ వాహనం ఢీకొట్టింది. దీంతో ఇరువురూ అక్కడికక్కడే ప్రాణాలు కోల్పోయారు. అయితే, అనుమానిత వాహనం, దానిని నడిపింది ఎవరన్న వివరాలు తెలియాల్సి ఉంది.
Also Read : Road Accident: రంగారెడ్డి జిల్లాలో ఘోర ప్రమాదం - చిరు వ్యాపారులపైకి దూసుకెళ్లిన లారీ, నలుగురు మృతి
సీసీటీవీలో నమోదు
స్థానికుల ద్వారా సమాచారం అందుకున్న పోలీసులు ఘటన స్థలానికి చేరుకుని మరణించిన వారి వివరాలను సేకరించారు. మృతి చెందిన వారిని పోలీస్ కానిస్టేబుళ్లు వెంకటేష్, పరంధాములుగా వారు గుర్తించారు. మృతులది సిద్దిపేట జిల్లా పెద్దాకోడూరు, గాడిచర్లపల్లి గ్రామమని తెలిపారు. దౌల్తాబాద్, రాయపోల్ పోలీస్ స్టేషన్లలో కానిస్టేబుల్గా విధులు నిర్వర్తిస్తున్నారని చెప్పారు. ఇక ఇద్దరు కానిస్టేబుల్స్ మృతి చెందిన ఘటనపై కేసు నమోదు చేసుకుని పోలీసులు దర్యాప్తు చేస్తున్నారు. సీసీ ఫుటేజీ సహాయంతో కానిస్టేబుళ్ల బైక్ను ఢీకొట్టిన వాహనాన్ని గుర్తించే పనిలో పోలీసులు ఉన్నారు. అయితే.. ఇద్దరు కానిస్టేబుల్స్ మృతి చెందడంతో.. వారి కుటుంబాల్లో విషాద ఛాయలు అలుముకున్నాయి.
మారథాన్ లో పాల్గొనాల్సి ఉండడంతో..
మృతులు పరంధాములు, పూస వేంకటేశ్వర్లు ఈసీఎల్ లో జరుగుతున్న మారథాన్ లో ఈ ఇద్దరు పాల్గొనాల్సి ఉంది. అక్కడ నిర్వహిస్తున్న రన్నింగ్లో వీళ్లు ఇద్దరూ పాల్గొనేందుకు బైక్ పై వెళ్తుండగా ఈ ప్రమాదం జరిగినట్లు పోలీసులు తెలిపారు.
పోలీస్ కానిస్టేబుల్స్ మృతి పట్ల హరీష్ రావు తీవ్ర దిగ్బ్రాంతి
సిద్దిపేటకు చెందిన ఇద్దరు పోలీస్ కానిస్టేబుల్స్ పరందాములు (పెద్దకోడూరు), వెంకటేశ్వర్లు (గాడి చెర్ల పల్లి) రోడ్డు ప్రమాదం లో మృతి చెందడంపై మాజీ మంత్రి ఎమ్మెల్యే హరీష్ రావు తీవ్ర దిగ్బ్రాంతి వ్యక్తం చేశారు. వారి మృతిపట్ల సంతాపం తెలిపారు. పోలీస్ ఉద్యోగం లో నిబద్దత కలిగిన యువ కానిస్టేబుల్స్ మృతి చెందడం బాధాకరమని ఆవేదన వ్యక్తం చేశారు. కానిస్టేబుల్స్ ఉద్యోగులుగా కాకుండా సామాజిక సేవకులుగా, వీరు యువతలో ఎంతో స్ఫూర్తి నిచ్చారని పేర్కొన్నారు. సిద్దిపేటలో జరిగిన హాఫ్ మారథాన్ లో పాల్గొని ఎంతో చైతన్యం తెచ్చారని, ఇతర సామాజిక సేవల్లో వారు అందించిన సేవలను కొనియాడారు. సమాజానికి సేవ చేస్తున్న కానిస్టేబుల్స్ ఇత చిన్న వయస్సులోనే ప్రాణాలు కోల్పోవడం బాధాకరమన్నారు. వారి కుటుంబానికి అన్ని విధాలుగా అండగా ఉంటానాని, ప్రగాఢ సానుభూతి తెలిపారు.
Also Read : Road Accident: అడుగు దూరంలో నిలిచి అందనంత దూరానికి - చిన్నారి ఉసురు తీసిన లారీ, తెలంగాణలో తీవ్ర విషాద ఘటన
టాప్ హెడ్ లైన్స్
ట్రెండింగ్ వార్తలు
