Ritu Varma: రీతూ వర్మ కొత్త అవతార్: గోపీచంద్ 33లో సత్యవతిగా... ఫస్ట్ లుక్ చూశారా?

Gopichand 33 Update: గోపీచంద్ హీరోగా సంకల్ప్ రెడ్డి దర్శకత్వంలో శ్రీనివాసా చిట్టూరి ఓ సినిమా నిర్మిస్తున్నారు. అందులో కథానాయికగా రీతూ వర్మ ఎంపిక అయ్యారు. ఇవాళ ఆమె లుక్ విడుదల చేశారు.

గోపీచంద్ జంటగా రీతూ వర్మ... సంకల్ప్ రెడ్డి సినిమాలో ఫస్ట్ లుక్ చూశారా?

Source : https://www.instagram.com/p/DVsFyfxAfFW/?img_index=2

రీతూ వర్మ (Ritu Varma) హైదరాబాదీ అమ్మాయి. కథానాయికగా ఆమెకు విజయం అందించిన 'పెళ్లి చూపులు' నుంచి మొదలు పెడితే... 'మజాకా' వరకు మోడ్రన్ రోల్స్ ఎక్కువ చేశారు. బట్, ఫర్ ఏ ఛేంజ్... రీతూ వర్మ లుక్ ఛేంజ్ చేశారు యంగ్ డైరెక్టర్ సంకల్ప్ రెడ్డి (Sankalp Reddy). ఆ లుక్ ఏమిటి? ఆ సినిమా ఏమిటి? అనేది చూడండి. 

గోపీచంద్ సరసన రీతూ వర్మ
Ritu Varma Role In Gopichand 33: మ్యాచో స్టార్ టి గోపీచంద్ కథానాయకుడిగా యంగ్ అండ్ విజనరీ సంకల్ప్ రెడ్డి దర్శకత్వంలో ఓ భారీ యాక్షన్ ఎంటర్‌టైనర్‌ రూపొందుతోంది. ఈ సినిమాను శ్రీనివాసా సిల్వర్ స్క్రీన్ పతాకం మీద శ్రీనివాసా చిట్టూరి నిర్మిస్తున్నారు. పవన్ కుమార్ ప్రజెంటర్. గోపీచంద్ 33వ సినిమా కావడంతో #Gopichand33 వర్కింగ్ టైటిల్ ఫిక్స్ చేశారు. ఇందులో రీతూ వర్మ కథానాయికగా ఎంపిక అయ్యారు. 

మార్చి 10న హీరోయిన్ రీతూ వర్మ పుట్టినరోజు (Ritu Varma Birthday). అందుకని, గోపీచంద్ - సంకల్ప్ రెడ్డి సినిమాలో ఆమె ఫస్ట్ లుక్ విడుదల చేశారు. సత్యవతి పాత్రలో నటిస్తున్నట్టు తెలిపారు. బాణం పట్టుకుని గురి పెట్టిన రీతూ వర్మ లుక్ కొంచెం కొత్తగా ఉందని చెప్పాలి.

 

 

 

 

 

View this post on Instagram

 

 

 

 

 

 

 

 

 

 

 

A post shared by Srinivasaa Silver Screen (@srinivasaasilverscreenoffl)

గోపీచంద్33 సినిమాను భారీ నిర్మాణ వ్యయంతో రూపొందిస్తున్నామని, తెలుగు చిత్ర పరిశ్రమలో ఇప్పటి వరకు ఎప్పుడూ, ఏ సినిమాలోనూ చూడనటువంటి పతాక సన్నివేశాలు - యాక్షన్ సీన్స్ ప్రేక్షకులకు మరచిపోలేని అనుభూతి ఇస్తాయని చిత్ర బృందం చెబుతోంది. ఈ సినిమాకు ఛాయాగ్రహణం: సౌందర్ రాజన్, కూర్పు: చోటా కె ప్రసాద్, ఫైట్ మాస్టర్స్: వెంకట్ - పృథ్వీ - రియల్ సతీష్, డ్యాన్స్ మాస్టర్స్: శంకర్ - విజయ్ పోలంకి.