Kavitha Arrest: ఖమ్మం జిల్లా వెలుగుమట్లలో హైడ్రామా! నిరవధిక దీక్ష చేస్తున్న కవిత అరెస్టు! 

Kavitha Arrest: సోమవారం మధ్యాహ్నం ఖమ్మంలోని జడ్పీ కూడలి వద్ద మొదలైంది. వెలుగమట్ల బాధితులకు అండగా ఉంటానని హామీ ఇచ్చిన కవిత, వారితో కలిసి భారీ ఎత్తున నిరసన చేపట్టారు.

ఖమ్మం జిల్లా వెలుగుమట్లలో హైడ్రామా! నిరవధిక దీక్ష చేస్తున్న కవిత అరెస్టు! 

Source : Social Media

Show Quick Read

Key points generated by AI, verified by newsroom

• వెలుగుమట్ల భూ బాధితులకు న్యాయం చేయాలని కవిత నిరసన చేపట్టారు.
• ఖమ్మంలో నిరసన తెలిపిన కవిత, పోలీసుల అదుపులోకి తీసుకున్నారు.
• అంబేడ్కర్ భవన్‌లో నిరాహార దీక్ష కొనసాగించారు, ప్రభుత్వంపై విమర్శలు చేశారు.
• తెల్లవారుజామున పోలీసులు కవిత, ఇతర నాయకులను అరెస్ట్ చేసి తరలించారు.

Kavitha Arrest: ఖమ్మంలో కొన్ని రోజులుగా చోటు చేసుకుంటున్న రాజకీయ పరిణామాలు రాష్ట్రవ్యాప్తంగా ఉత్కంఠ రేపుతున్నాయి. వెలుగుమట్ల భూ బాధితుల సమస్య పరిష్కారం కోరుతూ తెలంగాణ జాగృతి అధ్యక్షురాలు కవిత చేపట్టిన పోరాటం తీవ్ర రూపం దాల్చింది. మంగళవారం తెల్లవారుజామున పోలీసులు ఆమెను, ఇతర నేతలను అరెస్టు చేసి హైదరాబాద్‌ తరలించారు. బాధితులకు న్యాయం జరిగే వరకు వెనక్కి తగ్గేది లేదని కవిత స్పష్టం చేశారు. 

జడ్పీ కూడలిలో మొదలైన నిరసన

ఈ వివాదం సోమవారం మధ్యాహ్నం ఖమ్మంలోని జడ్పీ కూడలి వద్ద మొదలైంది. వెలుగమట్ల బాధితులకు అండగా ఉంటానని హామీ ఇచ్చిన కవిత, వారితో కలిసి భారీ ఎత్తున నిరసన చేపట్టారు. న్యాయం చేయాలంటూ ఆమె రోడ్డుపైనే బైఠాయించడంతో ట్రాఫిక్ స్తంభించిపోయింది. వాహనాలు కిలోమీటర్ల మేర నిలిచిపోయాయి. పరిస్థితి చేయి దాటిపోతుండటంతో పోలీసులు జోక్యం చేసుకొని ఆమెను అదుపులోకి తీసుకున్నారు. సాయంత్రం వరకు ఆమెను పోలీస్ స్టేషన్‌లోనే ఉంచిన అధికారులు, చీకటిపడ్డాక విడుదల చేశారు. 

అంబేడ్కర్‌ భవన్‌లో నిరవధిక దీక్ష 

పోలీస్ స్టేషన్‌ నుంచి విడుదలైన కవిత నేరుగా ఇంటికి వెళ్లకుండా తన పోరాటాన్ని మరింత ఉద్ధృతం చేశారు. రాత్రి సమయంలో ఆమె నేరుగా ఖమ్మంలోని అంబేడ్కర్ భవన్‌కు చేరుకున్నారు.  అక్కడ నిరాహార దీక్షకు దిగారు. 

కాంగ్రెస్‌ ప్రభుత్వం, ముఖ్యమంత్రి రేవంత్ రెడ్డి లక్ష్యంగా కవిత విమర్శలు చేశారు. భూదాన్ భూముల బాధితులకు ప్రభుత్వం అన్యాయం చేస్తోందని, వారికి పూర్తి స్థాయి న్యాయం జరిగే వరకు పోరాటం ఆగదని ఆమె స్పష్టం చేశారు. పేదవాడి భూమిని రక్షించుకోవడానికి ఎంతటి త్యాగానికైనా సిద్ధమని ఆమె ప్రకటించారు. 

తెల్లవారుజామున పోలీసులు మెరుపుదాడి 

మంగళవారం ఉదయం ఖమ్మంలో పరిస్థితి మరో మలుపు తిరిగింది. అంబేడ్కర్‌ భవన్‌లో దీక్ష చేస్తున్న కవిత, విశారదన్ మహరాజ్‌, ఇతర నాయకులను పోలీసులు అదుపులోకి తీసుకున్నారు. తెల్లవారు జామున జరిగిన ఈ అరెస్టు ఉద్రిక్తతకు దారి తీసింది. అరెస్టు చేసిన నాయకులను పోలీసులు ప్రత్యేక వాహనాల్లో హైదరాబాద్‌  తరలించారు. దీక్షా శిబిరాన్ని ఖాళీ చేయించి, అక్కడ ఎటువంటి అవాంఛనీయ ఘటన జరగకుండా భారీ బందోబస్తు ఏర్పాటు చేశారు. అరెస్టు అయిన వారిలో జాగృతి నాయకులు, వెలుగుమట్ల బాధితులు ఉన్నారు. 

వెలుగుమట్ల సమస్య ఏంటీ

దశాబ్దాలుగా వెలుగుమట్ల ప్రాంతంలోని భూదాన్ భూములు విషయంలో గందరగోళం నెలకొంది. తమకు కేటాయించిన భూములకు సంబంధించిన పట్టాలు రాకపోవడం లేదా ఆ భూములు ఇతరులు ఆక్రమించుకోవడం పట్ల బాధితులు ఆవేదన వ్యక్తం చేస్తున్నారు. ఈ సమస్యను రాజకీయ కోణంలో కాకుండా మానవీయ కోణంలో చూడాలని కవిత డిమాండ్ చేస్తున్నారు. ప్రభుత్వం మొండి వైఖరి వీడి, పేదలకు దక్కాల్సిన హక్కులను కల్పించాలని ఒత్తిడి తెస్తున్నారు.  

 

మరిన్ని చదవండి

ఖమ్మంలో సెగలు రేపుతున్న కవిత దీక్ష! భూబాధితుల కోసం అంబేద్కర్ భవన్‌లో నిరవధిక పోరాటం!