Kochi Stampede: కొచ్చి వర్సిటీలో టెక్ ఫెస్ట్ లో తొక్కిసలాట- నలుగురు విద్యార్థులు మృతి, శశిథరూర్ దిగ్భ్రాంతి

stampede at CUSAT University in Kochi: కేరళలోని ఓ యూనివర్సిటీలో విషాదం చోటుచేసుకుంది. టెక్ ఫెస్ట్ లో తొక్కిసలాట జరగడంతో నలుగురు విద్యార్థులు మృతిచెందారు.

కొచ్చి వర్సిటీలో తొక్కిసలాట- నలుగురు విద్యార్థులు మృతి, అసలేం జరిగిందంటే!

Kerala Stampede News : కేరళలోని ఓ యూనివర్సిటీలో విషాదం చోటుచేసుకుంది. వర్సిటీలో జరిగిన టెక్ ఫెస్ట్ లో ఒక్కసారిగా తొక్కిసలాట (Kochi Stampede) జరగడంతో నలుగురు విద్యార్థులు మృతిచెందారు. మరో 60 మంది విద్యార్థులు గాయపడ్డారని తెలుస్తోంది. కేరళలోని కొచ్చి యూనివర్సిటీ ఆఫ్​ సైన్స్​ అండ్ టెక్నాలజీలో శనివారం రాత్రి ఈ ఘటన జరిగింది. ఆడిటోరియం బయట ఉన్న విద్యార్థులు ఒక్కసారిగా లోపలికి రావడం వల్లే ప్రమాదం జరిగిందని అధికారులు తెలిపారు.

Cochin Stampede Updates: క్యాంపస్‌లోని ఓపెన్ ఆడిటోరియంలో నిఖితా గాంధీతో మ్యూజిక్ కన్సార్ట్ (music concert by Nikhita Gandhi ) నిర్వహించారు. అదే సమయంలో తొక్కిసలాట జరగడంతో విషాదం చోటుచేసుకుంది. ఆరోగ్య మంత్రి వీణా జార్జ్ ఆదేశాలతో కలమస్సేరి మెడికల్ కాలేజీలో విద్యార్థులకు చికిత్స అందించేందుకు అధికారులు ఏర్పాట్లు చేశారు. మరో 18 మంది స్టూడెంట్స్ ను ప్రైవేటు ఆసుపత్రిలో చేర్చినట్లు ఆరోగ్య మంత్రి వీణా జార్జ్ తెలిపారు. వీరిలో ఒకరి తలకు గాయం అయిన విద్యార్థి పరిస్థితి విషమంగా ఉందని చెప్పారు.  


Photo: Twitter/ANI Video

కొచ్చి వర్సీటీలో జరిగిన తొక్కిసలాట ఘటనపై ఎర్నాకుళం జిల్లా కలెక్టర్ NSK ఉమేష్ స్పందించారు. నలుగురు విద్యార్థులు చనిపోగా, మరో ఇద్దరికి తీవ్ర గాయాలయ్యాయని తెలిపారు.  వారిని ఆస్టర్ ఆసుపత్రికి తరలించి చికిత్స అందిస్తున్నట్లు వెల్లడించారు. తొక్కిసలాట జరిగిన వెంటనే కలమస్సేరి మెడికల్ కాలేజీకి తరలించి 50 మందికి చికిత్స అందిస్తున్నారు. వారిలో 15 మందిని అబ్వర్వేషన్ లో పెట్టారు. వారి పరిస్థితి నిలకడగా ఉందని కలెక్టర్ తెలిపారు.

#WATCH | Kerala | Four students died and several were injured in a stampede at CUSAT University in Kochi. The accident took place during a music concert by Nikhita Gandhi that was held in the open-air auditorium on the campus. Arrangements have been made at the Kalamassery… pic.twitter.com/FNvHTtC8tX

— ANI (@ANI) November 25, 2023

టెక్ ఫెస్ట్ లో భాగంగా నిఖితా గాంధీ మ్యూజిక్ కన్సార్ట్ ను వర్సిటీలోని ఓపెన్ ఆడిటోరియంలో నిర్వహించారు. ఈ ప్రోగ్రామ్ కు కొందర్ని మాత్రమే అనుమతించారు. భారీ సంఖ్యలో అక్కడికి చేరుకున్న వారు ఎంట్రీ పాస్ లేనందున ఆడిటోరియం బయట నుంచే ప్రోగ్రామ్ వీక్షించారు. ఈ క్రమంలో ఒక్కసారిగా వర్షం కురవడంతో పరిస్థితి అదుపు తప్పింది. వానలో తడిచిపోతామని.. ఆడిటోరియం బయట ఉన్న వారు భారీ సంఖ్యలో ఆడిటోరియంలోకి చొచ్చుకు రావడంతో తొక్కిసలాట జరిగింది. వాస్తవానికి ఇది మూడు రోజుల పాటు జరిగే టెక్ ఫెస్ట్ కాగా, రెండో రోజులో భాగంగా మ్యూజిక్ కన్సార్ట్ నిర్వహించగా.. వర్షం రావడంతో తొక్కిసలాట జరిగి కొందరు విద్యార్థులు చనిపోయారు.  

శశిథరూర్ దిగ్భ్రాంతి
కొచ్చిన్ యూనివర్శిటీ ఆఫ్ సైన్స్&టెక్నాలజీలో జరిగిన ఫెస్ట్ లో తొక్కిసలాట ఘటనపై కేంద్ర మాజీ మంత్రి శశిథరూర్ దిగ్భ్రాంతి వ్యక్తం చేశారు. వర్షం పడిన కారణంగా వర్సిటీ క్యాంపస్ లో తొక్కిసలాట జరిగి నలుగురు విద్యార్థులు ప్రాణాలు కోల్పోవడం బాధాకరం అన్నారు. విద్యార్థుల మృతిపట్ల సంతాపం ప్రకటిస్తూ, వారి కుటుంబాలకు ప్రగాఢ సానుభూతి తెలిపారు.

My shock, sorrow & profound condolences at the awful news of a stampede at a cultural festival at the Cochin University of Science&Technology (CUSAT), which has taken the lives of four students. They were just trying to escape from the rain!https://t.co/90QFJOsLf2

— Shashi Tharoor (@ShashiTharoor) November 25, 2023

ఎలక్షన్ ఫాంటసీ గేమ్ ను ఆడండి. 10వేల రూపాయల విలువైన గాడ్జెట్లు పొందండి. 🏆*T&C Apply