Best CNG Cars: ధరలు పెరగకముందే ఈ CNG కార్లు కొనేయండి.. పెట్రోల్ ఖర్చుల నుంచి బిగ్ రిలీఫ్

Fuel Saving Cars | మీరు కార్ కొనాలని ప్లాన్ చేస్తున్నారా, అయితే రోజురోజుకూ పెరుగుతున్న పెట్రోల్, డీజిల్ ధరల కారణంగా ఈ 5 సిఎన్‌జి (CNG) కార్లు బెస్ట్ ఆప్షన్లుగా మారనున్నాయి.

ధరలు పెరగకముందే ఈ CNG కార్లు కొనేయండి

Source : X.com

Best CNG Cars | పశ్చిమాసియాలో నెలకొన్న ఉద్రిక్తతల కారణంగా భారత్ సహా పలు దేశాల్లో ఇంధన ధరలు పెరుగుతున్నాయి. కొన్ని దేశాల్లో గత రెండు నెలల్లోనే 100 శాతానికి పైగా పెట్రోల్, డీజిల్ ధరలు పెరిగాయి. వాటితో పోల్చితే భారత్‌లో ఇంధన ధరలు చాలా తక్కువగానే పెరిగాయని నిపుణులు చెబుతున్నారు. కానీ పెట్రోల్, డీజిల్ ధరలు కేవలం వాహనాలకు మాత్రమే కాదు.. వీటిపై ఆధారపడిన, ఉపయోగించే అన్ని రంగాలపై ప్రభావం చూపుతాయి. ఇది సామాన్యుడి  జేబుపై తీవ్ర ప్రభావాన్ని చూపుతుంది.

ఒకవేళ మీరు కారు కొనాలని ప్లాన్ చేస్తున్నారా.. అధిక ఇంధన ధరల నుంచి తప్పించుకోవాలనుకుంటే, ఫ్యాక్టరీ ఫిట్టెడ్ సీఎన్‌జీ (CNG) కార్లు మీకు బెస్ట్ ఛాయిస్. మీ కోసం మార్కెట్లో అందుబాటులో ఉన్న అత్యంత పొదుపైన, ప్రత్యామ్నాయంగా ఈ కార్లు నిలుస్తున్నాయి. ఇలాంటి పరిస్థితుల్లో ప్రజలు సీఎన్‌జీ కార్లు కొనుగోలు చేయాలని చూస్తున్నారు. మీ బడ్జెట్ తక్కువగా ఉండి, సాధారణ ఖర్చుతో ఒక మంచి సిఎన్‌జి కార్ కొనాలనుకుంటే, మార్కెట్లో ఈ రేంజ్‌లో అనేక అద్భుతమైన ఆప్షన్లు అందుబాటులో ఉన్నాయి. ఆ బడ్జెట్ ఫ్రెండ్లీ సిఎన్‌జి కార్ల వివరాలు ఇక్కడ తెలుసుకోండి. 

మారుతి సుజుకి వ్యాగన్ఆర్
భారత్‌లో చిన్న కుటుంబాలకు ఎంతో ప్రజాదరణ పొందిన మారుతి వ్యాగన్ఆర్ సీఎన్‌జీ అద్భుతమైన మైలేజీకి పేరుగాంచింది. ఇది దాదాపు ఒక కిలో సిఎన్‌జికి 34 కిలోమీటర్ల వరకు మైలేజ్ ఇస్తుంది. దీని ప్రారంభ ఎక్స్-షోరూమ్ ధర సుమారు రూ. 6 లక్షలు ఉంటుంది. వాహనాల ధరలు ఆయా రాష్ట్రాల్లో ఒక్కోలా ఉంటాయని తెలిసిందే.

మారుతి సుజుకి ఎస్-ప్రెస్సో
మీ బడ్జెట్ 5 లక్షల లోపు ఉన్నట్లయితే, ఇది మీకు ఫస్ట్ ఛాయిస్ కావచ్చు. రూ.4.62 లక్షల ప్రారంభ ధరతో లభించే మారుతి సుజుకి ఎస్ ప్రెస్సో కారు ఒక కేజీ CNG తో 32.73 కిలోమీటర్ల మైలేజీని ఇస్తుంది.

మారుతి సుజుకి స్విఫ్ట్ 
యువతకు ఎంతో ఇష్టమైన ఈ హ్యాచ్‌బ్యాక్‌లో మారుతి సుజుకీ స్విఫ్ట్ కొత్త జెడ్-సిరీస్ ఇంజన్‌ను అందించారు. ఇది ఎస్-CNG టెక్నాలజీతో పనిచేస్తుంది. ఒక కిలోగ్రాముకి 32.85 కిలోమీటర్ల మైలేజీతో దూసుకెళ్తుందని కంపెనీ తెలిపింది. ఈ కారు ప్రారంభ ధర సుమారు 7.45 లక్షల రూపాయలుగా ఉంది.

టాటా పంచ్ సిఎన్‌జి
టాటా సంస్థ భారతీయులు నమ్మే బ్రాండ్లలో ఒకటి. టాటా పంజ్ CNG భారత్‌లో అత్యంత సురక్షితమైన (5 స్టార్ రేటింగ్ కలిగిన)  మైక్రో SUV. టాటా పంచ్ సిఎన్‌జి డ్యూయల్ సిలిండర్ టెక్నాలజీతో అందుబాటులో ఉంది. దీనివల్ల కారు బూట్ స్పేస్ (లగేజీ పెట్టుకునే స్థలం) అస్సలు తగ్గదు. పంచ్ సీఎన్జీ ప్రారంభ ధర దాదాపు రూ. 6.75 లక్షలు, కాగా ఈ కారు కిలోగ్రాముకి సుమారు 27 కిలోమీటర్ల మైలేజీని అందిస్తుంది.

హ్యుందాయ్ ఎక్స్టర్ 
మైక్రో SUV హ్యుందాయ్ ఎక్స్‌టర్ తన స్టైలిష్ లుక్, ప్రీమియం ఫీచర్లతో ఫేమస్ అయింది. ఈ CNG కార్ కిలోగ్రాముకి 27 కిలోమీటర్ల వరకు మైలేజ్ ఇస్తుంది. దీని ప్రారంభ ధర రూ. 5.80 లక్షల వరకు ఉంటుంది.

సీఎన్జీ కార్ల ఉపయోగాలు (CNG Car Uses)
పెట్రోల్‌, డీజిల్ ఇంధనాలతో పోలిస్తే సిఎన్‌జి చాలా చౌక. దాంతోపాటు ఇది పర్యావరణానికి అనుకూలం కావడంతో ఇంజన్ లైఫ్‌ను కూడా పెంచుతుంది.

మరిన్ని చదవండి

వేసవిలో బ్రేకులు ఫెయిలయ్యే ప్రమాదం ఎందుకు పెరుగుతుంది? ఈ జాగ్రత్తలు పాటిస్తే సరి

కుటుంబ ప్రయాణాలకు అనువైన టాప్‌ ఎంపీవీలు ఇవే! ధర, ఫీచర్స్‌ ఇతర వివరాలు తెలుసుకోండి!