Car Brake Failure: వేసవిలో బ్రేకులు ఫెయిలయ్యే ప్రమాదం ఎందుకు పెరుగుతుంది? ఈ జాగ్రత్తలు పాటిస్తే సరి

Brake Failure in Summer: వేసవిలో, అధిక ఉష్ణోగ్రతలు వాహనాల బ్రేక్ వ్యవస్థలపై తీవ్రమైన ఒత్తిడిని కలిగిస్తాయి. సరైన నిర్వహణ మరియు కొన్ని సాధారణ జాగ్రత్తల ద్వారా, బ్రేక్ వైఫల్యాన్ని నివారించవచ్చు.

సమ్మర్‌లో కార్ల మెయింటనెన్స్

Source : freepik

Show Quick Read

Key points generated by AI, verified by newsroom

• వేసవిలో వేడెక్కే రోడ్లు, తరచుగా బ్రేకులు బ్రేక్ సిస్టమ్‌ను బలహీనపరుస్తాయి.
• బ్రేక్ ఫ్లూయిడ్‌ను ఎప్పటికప్పుడు మార్చడం, అధిక వేగాన్ని తగ్గించడం ముఖ్యం.
• బ్రేకుల నుండి శబ్దాలు, వైబ్రేషన్లు ప్రమాద సంకేతాలు, తక్షణ తనిఖీ అవసరం.
• కొండ ప్రాంతాలలో ఇంజన్ బ్రేకింగ్‌ను వాడటం, టైర్‌లలో సరైన గాలి ఒత్తిడి.

Summer Car Care | వేసవి కాలం కేవలం మనుషులకే కాదు, వాహనాలు, వస్తువులకు కూడా నష్టాన్ని కలిగిస్తుంది. తీవ్రమైన ఎండ, నిరంతరం పెరుగుతున్న ఉష్ణోగ్రతలు మీ బైక్, కార్లపై ప్రభావం చూపుతాయి. అందుకే సమ్మర్ సీజన్‌లో బ్రేక్ ఫెయిల్యూర్ కేసులు ఎక్కువగా కనిపిస్తుంటాయి. చాలా మంది తమ కుటుంబంతో, లేక నచ్చిన వ్యక్తులతో లాంగ్ జర్నీకి బయలుదేరే ముందు కేవలం ఇంజన్,  టైర్లను మాత్రమే చెక్ చేస్తారు. కానీ బ్రేక్ సిస్టమ్‌పై ఫోకస్ చేయకపోవడంతో ఇబ్బంది పడతారు. 

బ్రేక్ సిస్టమ్స్ చెక్ చేయకపోవడం ప్రయాణం సమయంలో పెద్ద ప్రమాదానికి దారితీయవచ్చు. ముఖ్యంగా హైవేలు లేదా కొండ ప్రాంతాల రోడ్లపై బ్రేకులు అకస్మాత్తుగా పడకపోతే మీ పరిస్థితి అత్యంత ప్రమాదకరంగా మారుతుంది. అందువల్ల, వేసవిలో డ్రైవింగ్ చేసేటప్పుడు కొంచెం అదనపు జాగ్రత్తలు తీసుకోవాలని నిపుణులు సూచిస్తున్నారు. సరైన సమయంలో సర్వీసింగ్, కొన్ని సులభమైన చిట్కాలు పాటిస్తే మీ జర్నీ మరింత సురక్షితంగా, ఒత్తిడి లేకుండా మార్చగలవు.

వేసవిలో బ్రేక్ సిస్టమ్ ఎందుకు వీక్ అవుతుంది
వేసవిలో రోడ్డు ఉష్ణోగ్రత సైతం ఎక్కువగా ఉంటుంది. నిరంతరం డ్రైవింగ్, పదేపదే బ్రేకులు వేయడం వల్ల బ్రేక్ ప్యాడ్‌లు, డిస్క్‌లు వేగంగా వేడెక్కుతాయి. ఎక్కువ వేడి ఉత్పత్తి అయినప్పుడు బ్రేక్ ఫ్లూయిడ్ (ఆయిల్) ప్రభావం తగ్గిపోవచ్చు, దీనివల్ల కొన్నిసార్లు బ్రేకులు సరిగ్గా పనిచేయవు. చాలా సార్లు ప్రజలు బ్రేక్ ఆయిల్‌ను చాలా కాలం పాటు మార్చరు. ఇది మీ సమస్యను మరింత పెంచుతుంది. వాహనంలో ఓవర్‌లోడ్‌తో డ్రైవింగ్ చేయడం వల్ల కూడా బ్రేక్ సిస్టమ్‌పై అడిషనల్ ప్రెజర్ పడుతుంది.

కార్ లేదా బైక్ బ్రేక్‌ల నుండి శబ్దం వస్తున్నా, వైబ్రేషన్ అనిపించినా లేదా బ్రేక్ వేసినప్పుడు వాహనం ఆలస్యంగా ఆగినా, అలాంటప్పుడు అస్సలు నిర్లక్ష్యం చేయకూడదు. ఈ సంకేతాలన్నీ బ్రేక్ సిస్టమ్‌ను వెంటనే తనిఖీ చేయాల్సిన అవసరం ఉంది. టైమ్‌కు స్పందించి శ్రద్ధ పెట్టడం ద్వారా పెద్ద ప్రమాదం నుండి తప్పించుకోవచ్చు.

ప్రయాణంలో ఈ విషయాలు గుర్తుంచుకోండి
వేసవి కాలంలో సుదూర ప్రయాణాలకు బయలుదేరే ముందు వాహనం పూర్తి బ్రేక్ సిస్టమ్‌ను తప్పకుండా చెక్ చేయించండి. బ్రేక్ ఫ్లూయిడ్ లెవెల్ సరిగ్గా ఉండాలి. అవసరమైతే దానిని మార్పించాలి. ఎక్కువ స్పీడ్‌తో డ్రైవింగ్ చేయడం, అకస్మాత్తుగా బ్రేకులు వేయడం వంటివి తగ్గించాలి. దీనివల్ల బ్రేకులు త్వరగా వేడెక్కుతాయి. కొండ ప్రాంతాలలో డ్రైవింగ్ చేసేటప్పుడు పదేపదే బ్రేక్‌లను నొక్కే బదులు ఇంజన్ బ్రేకింగ్‌ను ఉపయోగించడం మంచిదని భావించాలి. 

డ్రైవింగ్ చేస్తున్నప్పుడు బ్రేక్‌ల నుండి ఏదైనా కాలిన వాసన వస్తే, వెంటనే కారు ఆపి, బ్రేక్ సిస్టమ్ కాసేపు చల్లగా అయ్యేలా చూడండి. అలాగే, టైర్ గాలి ప్రెజర్ సరిగ్గా ఉండేలా చూసుకోవాలి. ఎందుకంటే దీని ప్రభావం కూడా బ్రేకింగ్‌పై పడుతుంది. ఇలాంటి చిన్న చిన్న జాగ్రత్తలు పాటిస్తే వేసవిలో సురక్షితమైన, సౌకర్యవంతంగా జర్నీ ఆస్వాదించవచ్చు.

మరిన్ని చదవండి

ఇంధన ధరల టెన్షన్‌కు చెక్.. మార్కెట్లో బెస్ట్ హైబ్రిడ్ కార్లు ఇవే.. వర్కౌట్ అవుతుందా ?

కారులో ఎయిర్‌బ్యాగ్స్ ఉన్నప్పటికీ ఈ తప్పులు చేస్తే ప్రాణాలకే ప్రమాదం.. బీ అలర్ట్