AC ఆన్‌లో ఉన్నా Petrol ఖర్చులు తగ్గించుకోవచ్చు.. డ్రైవింగ్ చేసేటప్పుడు ఇవి పాటించండి

Car AC Settings To Save Fuel: వేసవిలో మీ కారు ACని సరిగ్గా ఉపయోగిస్తే మంచి కూలింగ్‌తో పాటు పెట్రోల్‌ను కూడా ఆదా చేయవచ్చు. కొన్ని సాధారణ సెట్టింగ్స్ ద్వారా మీరు హాయిగా ప్రయాణించవచ్చు.

ఏసీ ఆన్‌లో ఉన్నా పెట్రోల్ ఖర్చులు తగ్గించుకోవచ్చు

Source : freepik

Save Fuel with Car AC Settings | వేసవి కాలంలో కార్లు, బైక్స్ నడిపేటప్పుడు చాలా జాగ్రత్తలు తీసుకోవాలి. ముఖ్యంగా సమ్మర్ సీజన్లో కార్లలో AC వాడకం ఒక అవసరంగా మారిపోయింది. తీవ్రమైన ఎండలు, పెరుగుతున్న ఉష్ణోగ్రతల కారణంగా AC లేకుండా జర్నీ ఊహించుకోలేం.  కానీ చాలా మంది ACని సరైన పద్ధతిలో ఉపయోగించకపోవడం వల్ల పెట్రోల్, డీజిల్ వినియోగం పెరిగి కార్ మైలేజ్ తగ్గుతుంది. సాధారణంగా AC ఎంత వేగంగా ఆన్ చేస్తే, కార్ అంత త్వరగా అవుతుందని వాహనదారులు భావిస్తారు. కానీ వాస్తవం అందుకు భిన్నంగా ఉంటుంది.

సరైన AC సెట్టింగ్స్, కొన్ని చిన్న చిట్కాలను పాటించడం ద్వారా మెరుగైన కూలింగ్‌తో పాటు ఇంధనాన్ని మీరు ఆదా చేయవచ్చు. కార్ ACని స్మార్ట్‌గా ఉపయోగించడం వల్ల మీ పర్సుపై పడే భారం తగ్గడమే కాకుండా, AC సిస్టమ్ లైఫ్ (జీవిత కాలం) పెరుగుతుందని నిపుణులు చెబుతున్నారు. ముఖ్యంగా లాంగ్ జర్నీలలో, నగర ట్రాఫిక్‌లో ఈ పద్ధతి చాలా ప్రయోజనకరంగా ఉంటుంది. 

ప్రారంభంలో ACని ఇలా వాడాలి

వేసవిలో ఎండలో నిలిపి ఉంచిన కార్ కేబిన్ కొంత సమయానికే చాలా వేడెక్కిపోతుంది. అలాంటప్పుడు కార్‌లో కూర్చోగానే నేరుగా ACని ఫుల్ స్పీడ్‌లో పెడితే సరిపోతుందని భావిస్తారు. కానీ మొదట కొన్ని సెకన్లపాటు కిటికీలు తెరిచి లోపలి వేడి గాలిని బయటకు పోనివ్వాలి. ఆ తర్వాతే కారులో ACని ఆన్ చేయాలి. మొదట బ్లోవర్‌ను మీడియం స్పీడ్‌లో ఉంచాలని నిపుణులు సూచిస్తున్నారు. దీనివల్ల కేబిన్ త్వరగా చల్లబడుతుంది. 

మొదట బ్లోవర్ మీడియంలో పెట్టడంతో AC సిస్టమ్‌పై అకస్మాత్తుగా ఎక్కువ ఒత్తిడి పడదు. కార్‌లో 'రీసర్క్యులేషన్ మోడ్' (Recirculation Mode) ఉపయోగించడం చాలా ప్రయోజనకరంగా భావిస్తారు. దీనివల్ల బయట ఉండే వేడి గాలి లోపలికి రాదు. దాంతో కేబిన్ త్వరగా చల్లగా అవుతుంది. అందుకే ACని స్మార్ట్ పద్ధతిలో ఉపయోగిస్తే మెరుగైన కూలింగ్‌తో పాటు ఇంధనం కూడా ఆదా అవుతుంది.

మైలేజీని పెంచే చిన్న చిన్న అలవాట్లు 

చాలా సార్లు డ్రైవింగ్ సమయంలో చేసే చిన్న పొరపాట్లు మీ పెట్రోల్ ఖర్చును పెంచేస్తాయి. ఒకవేళ కార్ చాలా సేపటి వరకు నిలిచి ఉంటే, ఇంజన్ ఆన్ చేసి AC రన్ చేయడం వల్ల ఇంధనం ఎక్కువ ఖర్చవుతుంది. AC Temperature చాలా తక్కువగా సెట్ చేయడంతో కూడా ఇంజన్‌పై అదనపు ఒత్తిడి పెరుగుతుంది. ఉష్ణోగ్రతను 22 నుండి 24 డిగ్రీల మధ్య ఉంచాలని నిపుణులు సలహా ఇస్తున్నారు. ఎందుకంటే ఇది కూలింగ్, మైలేజ్ రెండింటికీ బెస్ట్ అని భావిస్తున్నారు. 

టైమ్ టు టైమ్ AC సర్వీసింగ్ చేయించడం, ఎయిర్ ఫిల్టర్ శుభ్రంగా ఉంచుకోవాలి. మురికిగా ఉన్న ఫిల్టర్ AC కూలింగ్‌ను తగ్గిస్తుంది. దీనివల్ల ఇంజన్ పై ప్రెజర్ తగ్గుతుంది. డ్రైవింగ్ సమయంలో ఈ సులభమైన విషయాలు పాటిస్తే వేసవిలో సౌకర్యవంతమైన ప్రయాణంతో పాటు కొంచెం పెట్రోల్‌ను ఆదా చేయవచ్చు.

మరిన్ని చదవండి

ఎస్‌యూవీల హవాలోనూ తగ్గని మారుతి డిజైర్ జోరు! వినియోగదారుల మనసులు గెలుచుకుంటున్న విషయాలు ఇవే!

ఇంధన ధరల టెన్షన్‌కు చెక్.. మార్కెట్లో బెస్ట్ హైబ్రిడ్ కార్లు ఇవే.. వర్కౌట్ అవుతుందా ?