నష్టాల నుంచి రికవర్ అవుతున్న Ola Electric .. బ్యాటరీ ఉత్పత్తిపై ఫోకస్, దిగిరానున్న EV ధరలు

Ola Electric Report: బుధవారం స్టాక్ మార్కెట్లు లాభాలతో ముగిశాయి; Ola Electric షేర్లు కూడా లాభాలను నమోదు చేశాయి. గత కాలంతో పోలిస్తే, ఈసారి తమ నష్టాలు తగ్గినట్లు ఆ సంస్థ వెల్లడించింది.

ఓలా కంపెనీ

Source : Ola

Show Quick Read

Key points generated by AI, verified by newsroom

• ఓలా ఎలక్ట్రిక్ Q4FY26లో నష్టాలు తగ్గి, ఆదాయం రూ. 265 కోట్లకు చేరింది.
• కస్టమర్ సర్వీస్ సమయం 9 రోజుల నుండి 1 రోజుకు తగ్గింది.
• 6 GWh గీగాఫ్యాక్టరీ సిద్ధమైంది, బ్యాటరీ సామర్థ్యం 20 GWhకి పెరుగుతుంది.
• ఎలక్ట్రిక్ స్కూటీల రిజిస్ట్రేషన్లు 20% పెరిగాయి, డిమాండ్ పెరుగుతోంది.

Ola Electric: భారత స్టాక్ మార్కెట్ బుధవారం స్వల్ప లాభాలతో ముగిసింది. ఈ సమయంలో ఇన్వెస్టర్ల ప్రత్యేక నిఘా ఎలక్ట్రిక్ వాహనాల కంపెనీలపై నెలకొంది. ఓలా ఎలక్ట్రిక్ షేర్లు దాదాపు 1 శాతం పెరిగి 36.96 రూపాయలకు చేరుకుంది. ఓలా కంపెనీ తన క్యూ4 ఆర్థిక సంవత్సరం26 (Q4FY26) అప్‌డేట్‌లో నష్టాలు తగ్గడం, సేవల మెరుగుదల, బ్యాటరీ విస్తరణ ప్లాన్‌కు సంబంధించిన సమాచారాన్ని అందించింది.

ఓలా కంపెనీ లేటెస్ట్ ఆప్డేట్స్.. 
ఓలా కంపెనీ ప్రకారం, మార్చి 2026 త్రైమాసికంలో దాని రెవెన్యూ (ఆదాయం) తగ్గి 265 కోట్లకు చేరుకుంది, ఇది గతేడాది ఇదే త్రైమాసికంలో రూ. 611 కోట్లుగా ఉంది. అయితే, ఈ సమయంలో కంపెనీ నష్టాలు చాలా వరకు తగ్గాయి. Q4FY26 లో నికర నష్టం 500 కోట్లుగా ఉంది, గతేడాది ఇదే కాలంలో ఇది 870 కోట్ల రూపాయలుగా ఉండేది. ఓలా ఎలక్ట్రిక్ తన గ్రాస్ మార్జిన్ కూడా మెరుగైంది. అలాగే ఆపరేటింగ్ EBITDA నష్టం కూడా గతంలో కంటే తగ్గింది. పూర్తి FY26 లో కంపెనీ మొత్తం రెవెన్యూ 2,253 కోట్ల రూపాయలు ఉంది. వార్షిక నికర నష్టం తగ్గి 1,833 కోట్లకు  చేరుకుంది.

సర్వీస్ క్వాలిటీలో మెరుగుదల
ఓలా కంపెనీ తన సర్వీస్ క్వాలిటీ (సేవా నాణ్యత) లో పెద్ద మార్పు కనిపించిందని కూడా తెలిపింది. అక్టోబర్ 2025 లో కస్టమర్ల సర్వీస్‌కు సగటున 9 రోజులు పట్టేది. అదే మార్చి 2026 నాటికి ఈ సమయం తగ్గి దాదాపు 1 రోజుకు చేరుకుందని పేర్కొంది. వారంటీ ఖర్చులు కూడా రూ. 555 కోట్ల నుండి తగ్గి కేవలం 59 కోట్ల రూపాయలకు తగ్గింది. 

బ్యాటరీ వ్యాపారంలో విస్తరణ
ఈ నష్టాల తర్వాత ఓలా ఇప్పుడు బ్యాటరీ విస్తరణపై ఫోకస్ చేసింది. ఓలా ఎలక్ట్రిక్ బ్యాటరీ వ్యాపారంలో పెద్ద ఎత్తున విస్తరణ చేపట్టే ప్రణాళికను కూడా వివరించింది. కంపెనీ 6 GWh గీగాఫ్యాక్టరీ పని దాదాపు పూర్తయింది . దీనిని ఓలా త్వరలోనే ప్రారంభించనుంది. కంపెనీ వచ్చే ఏడాది నాటికి బ్యాటరీ సామర్థ్యాన్ని 20 GWh వరకు పెంచడానికి సిద్ధమవుతోంది.

ఎలక్ట్రిక్ స్కూటీలకు పెరిగిన డిమాండ్
 ఏప్రిల్ 2026లో తన వాహనాల రిజిస్ట్రేషన్లు 20 శాతం పెరిగాయని ఓలా కంపెనీ తెలిపింది. రోడ్‌స్టర్ ఎలక్ట్రిక్ మోటార్ సైకిళ్ల డిమాండ్ వేగంగా పెరుగుతోంది. కంపెనీ ఈ సెగ్మెంట్‌లో దాదాపు 50 శాతం మార్కెట్ వాటా కలిగి ఉన్నట్లు తెలిపింది.  FY27 మొదటి త్రైమాసికంలో ఆర్డర్లు రెట్టింపు వరకు పెరగొచ్చని భావిస్తోంది. మెరుగైన సర్వీస్, స్ట్రాంగ్ సప్లై, పెరుగుతున్న డిమాండ్ వల్ల భవిష్యత్తులో భారీ ప్రయోజనం చేకూరుతుందని కంపెనీ నమ్మకం ఉంచింది. 

ఓలా ఎలక్ట్రిక్ ప్రస్తుతం భారత ఎలక్ట్రిక్ టూ-వీలర్ (EV 2W) సెగ్మెంట్‌లో అత్యధిక మార్కెట్ వాటాతో కొనసాగుతోంది. కంపెనీ విడుదల చేసిన సరికొత్త ఆర్థిక ఫలితాలు, నష్టాలు తగ్గాయని చూపిస్తున్నప్పటికీ, గతేడాదితో పోలిస్తే రెవెన్యూ తగ్గింది. సర్వీస్ డెలివరీ సమయాన్ని 9 రోజుల నుండి 1 రోజుకు తగ్గించడం తమ కస్టమర్లలో నమ్మకాన్ని పెంచుతోంది. ఓలా కంపెనీ సొంతంగా బ్యాటరీ సెల్స్ తయారు చేయడంపై ఫోకస్ చేస్తోంది. వారి 'గీగాఫ్యాక్టరీ' అందుబాటులోకి వస్తే, బ్యాటరీల దిగుమతి ఖర్చులు భారీగా తగ్గుతాయి. దాంతో భవిష్యత్తులో వాహనాల ధరలు మరింత తగ్గే అవకాశం ఉంది.

మరిన్ని చదవండి

Electric Bike లో క్లచ్‌ పనితీరు ఏంటీ? Honda కొత్త EVలో ఫేక్ క్లచ్ ఇవ్వడానికి కారణమిదే

150 కిలోమీటర్లకుపైగా రేంజ్ కలిగిన బైక్‌లు ఇవే! పెట్రోల్ ధరలు పెరుగుతున్న వేళ బెస్ట్ ఈవీ ఆప్షన్ కూడా చూడొచ్చు!