Hardik Pandya Test Retirement: హార్దిక్‌ పాండ్య సంచలన నిర్ణయం.. టెస్టు క్రికెట్‌కు వీడ్కోలు యోచనలో ఆల్‌రౌండర్‌!
టీమ్ఇండియా క్రికెటర్ హార్దిక్‌ పాండ్య సంచలన నిర్ణయం తీసుకోబోతున్నాడని తెలిసింది. సుదీర్ఘ ఫార్మాట్‌కు అతడు గుడ్‌బై చెప్పే యోచనలో ఉన్నాడని సమాచారం.
టీమ్ఇండియా యువ ఆల్‌రౌండర్‌ హార్దిక్‌ పాండ్య సంచలన నిర్ణయం తీసుకోబోతున్నాడని తెలిసింది. సుదీర్ఘ ఫార్మాట్‌కు అతడు గుడ్‌బై చెప్పే యోచనలో ఉన్నాడని సమాచారం. వెన్నెముక ఇబ్బందులు, ఫిట్‌నెస్‌ సమస్యలతో అతడు ఇందుకు సిద్ధమయ్యాడని అంటున్నారు. ఏదేమైనా అతడు టెస్టు జట్టు పరిగణనలో లేకపోవడం గమనార్హం!
ఐసీసీ టీ20 ప్రపంచకప్‌లో హార్దిక్‌ పాండ్య చివరి సారి ఆడాడు. టోర్నీ ముగియగానే అతడికి సెలక్టర్లు విశ్రాంతినిచ్చారు. న్యూజిలాండ్‌ సిరీసుకు ఎంపిక చేయలేదు. చాన్నాళ్లుగా అతడి ఫిట్‌నెస్‌పై గందరగోళం నెలకొంది. వెన్నెముక శస్త్రచికిత్స తర్వాత అతడు మునుపట్లా బౌలింగ్‌ చేయడం లేదు. ఇకపై చేస్తాడో లేదో స్పష్టంగా చెప్పడం లేదు. దాంతో టెస్టు జట్టు ప్రణాళికల్లోంచి అతడిని తొలగించారు.
'కొంత కాలంగా హార్దిక్‌ పాండ్య గాయాలతో ఇబ్బంది పడుతున్నాడు. టెస్టు క్రికెట్‌కు వీడ్కోలు పలకడంపై ఆలోచిస్తున్నట్టు అధికారికంగా మాకైతే చెప్పలేదు. ఒకవేళ అతడు వీడ్కోలు పలికితే తెలుపు బంతి క్రికెట్‌పై దృష్టి సారించొచ్చు. ఏదేమైనా అతడు మా టెస్టు జట్టు ప్రణాళికల్లో లేడు. అతడు గుడ్‌బై చెబితే మాత్రం జట్టుకు లోటే! మేం ప్రత్యామ్నాయ ఆటగాళ్లను సిద్ధం చేసుకోవాలి' అని బీసీసీఐ అధికారి ఒకరు ఇన్‌సైడ్‌ స్పోర్ట్‌కు తెలిపారు.
'హార్దిక్‌ వయసు 28. టెస్టు క్రికెట్‌కు వీడ్కోలు పలకాలని నిర్ణయించుకుంటే మాత్రం టీమ్‌ఇండియాకు పెద్ద లోటే. భారత్‌కు దొరికిన అత్యుత్తమ ఆల్‌రౌండర్లలో అతనొకడు. రాబోయే రెండేళ్లలో ప్రపంచకప్‌లు ఉన్నాయి కాబట్టి పరిమిత ఓవర్ల క్రికెట్లో అతడి సేవలు అవసరం. అతడు తిరిగి బౌలింగ్‌ చేయడం చాలా ముఖ్యం' అని బీసీసీఐ అధికారి వెల్లడించారు.
Also Read: IND vs NZ Mumbai Test: ఈ చిత్రం మాటల్లో చెప్పలేనిది! అక్షర్‌, అజాజ్‌, రచిన్‌, జడేజా చిత్రాలు వైరల్‌!
Also Read: Ashwin on Ajaz Patel: 10 వికెట్ల అజాజ్‌ పటేల్‌ను టీమ్ఇండియా గౌరవించిన తీరు చూడండి..!
Also Read: Sara Tendulkar: మోడలింగ్‌లోకి సారా తెందూల్కర్‌..! ప్రచారచిత్రం అద్దిరిపోయిందిగా!!
Also Read: Yuvraj Singh Comeback Rumor: యువరాజ్‌ సర్‌ప్రైజ్‌..! సెంకడ్‌ ఇన్నింగ్స్‌పై మళ్లీ ట్వీట్‌
Also Read: Watch Video: ఇదేమి అంపైరింగ్‌ సామీ..! కాళ్లు పైకెత్తి వైడ్‌ ఇచ్చిన అంపైర్‌.. అవాక్కైన ఫ్యాన్స్‌!
Also Read: Harbhajan singh: క్రికెట్‌కు భజ్జీ వీడ్కోలు ..! వచ్చే వారం గుడ్‌బై చెప్పేస్తాడట!
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి
టాప్ హెడ్ లైన్స్
ట్రెండింగ్ వార్తలు
