అన్వేషించండి

Sara Tendulkar: మోడలింగ్‌లోకి సారా తెందూల్కర్‌..! ప్రచారచిత్రం అద్దిరిపోయిందిగా!!

సారా తెందూల్కర్‌ మోడలింగ్‌లోకి అడుగుపెట్టింది! ఓ దుస్తుల బ్రాండ్‌కు ఆమె బ్రాండ్‌ అంబాసిడర్‌గా వ్యవహరిస్తోంది.

By : ABP Desam | Updated at : 07 Dec 2021 12:41 PM (IST)

సారా తెందూల్కర్‌

టీమ్‌ఇండియా క్రికెట్‌ దిగ్గజం సచిన్‌ తెందూల్కర్‌ కుమార్తె సారా తెందూల్కర్‌ మోడలింగ్‌లోకి అడుగుపెట్టింది! ఓ దుస్తుల బ్రాండ్‌కు ఆమె బ్రాండ్‌ అంబాసిడర్‌గా వ్యవహరిస్తోంది. ఇందుకు సంబంధించిన ప్రోమో వీడియోను ఆమె తాజాగా ఇన్‌స్టాగ్రామ్‌లో పోస్ట్ చేసింది.

View this post on Instagram

A post shared by Sara Tendulkar (@saratendulkar)

వెల్ష్‌ నటి, ఇప్పటికే బాలీవుడ్‌లో పనిచేస్తున్న బనితా సంధు, ముంబయి వ్యాపారవేత్త జయ్‌దేవ్‌ ష్రాఫ్‌ కుమార్తె తానియాతో కలిసి సారా ఈ ప్రచార చిత్రంలో నటించారు. బాలీవుడ్‌ నటుడు సునీల్‌ శెట్టి కుమారుడు అహాన్ శెట్టితో తానియా రిలేషన్‌షిప్‌లో ఉందని సమాచారం.

సారా తెందూల్కర్‌ విదేశాల్లో చదువుకున్నారు. తన శరీర సౌష్ఠవాన్ని మల్లెతీగలా ఉంచుకొనేందుకు ఆమె ఎన్నో కసరత్తులు చేస్తుంది. ఫిట్‌నెస్‌ వీడియోలు, చిత్రాలను ఇన్‌స్టాలో పోస్ట్‌ చేస్తుంది. ఇక తన స్నేహితురాళ్లతో కలిసిన చిత్రాలను ఎక్కువగా పంచుకుంటుంది.

ఇన్‌స్టాలో సారాకు 1.5 మిలియన్‌ ఫాలోవర్లు ఉన్నారు. ఆమెలోని ఫ్యాషన్‌ ఇన్‌స్టింక్ట్‌ను అప్పుడప్పుడు బయట పెడుతుంటుంది. అలాంటి చిత్రాలను ఎన్నో పంచుకుంది. దాంతో ఆమెకు అభిమానులు పెరుగుతున్నారు. ఇక సచిన్ తెందూల్కర్‌ ఐపీఎల్‌లో ముంబయి ఇండియన్స్‌కు మెంటార్‌గా ఉండగా, సోదరుడు అర్జున్‌ తెందూల్కర్‌ ముంబయికే ఎంపికయ్యాడు. అవకాశం కోసం ఎదురు చూస్తున్నాడు.