InPics: ముగిసిన టోక్యో ఒలింపిక్స్... అట్టహాసంగా ముగింపు వేడుకలు

టోక్యో ఒలింపిక్స్

టోక్యో ఒలింపిక్స్‌ ముగిశాయి. 17 రోజుల పాటు విశ్వ క్రీడల సంబరాన్ని ప్రపంచానికి అందించిన టోక్యో ఒలింపిక్స్‌.. ఘనంగా ముగిశాయి.

ఒలింపిక్స్‌ ఆరంభమైనప్పటి నుంచి జాతీయ స్టేడియంలో వెలుగుతున్న భారీ జ్వాలను ఆర్పేశారు. ప్రేక్షకుల్లేకుండానే సాగిన ఈ ముగింపు వేడుకల్లో అథ్లెట్లు నృత్యాలు చేస్తూ.. సరదాగా గడిపారు.

‘మనం పంచుకున్న ప్రపంచం’ అనే నేపథ్యంతో సాగిన ఈ ముగింపు వేడుకలు ఆద్యంతం అలరించాయి. అథ్లెట్ల సందడి, నృత్యాలు, విన్యాసాలు, బాణాసంచా వెలుగులు, రంగురంగుల విద్యుత్‌ దీపాల కాంతులు.. ఇలా క్రీడల ముగింపు కార్యక్రమం అట్టహాసంగా జరిగింది.

జపాన్‌ జాతీయ పతాకాన్ని ఎగరేయడంతో మొదలైన కార్యక్రమం.. టోక్యో గవర్నర్‌ యురికో నుంచి ఒలింపిక్‌ జెండాను తీసుకున్న అంతర్జాతీయ ఒలింపిక్‌ కమిటీ అధ్యక్షుడు థామస్‌ బాక్‌ దాన్ని 2023లో క్రీడలు జరిగే పారిస్‌ మేయర్‌ హిడాల్గోకు అందించడంతో ముగిసింది.

తర్వాతి ఒలింపిక్స్ 2024లో పారిస్‌లో జరగనున్నాయి. గతంలో 1900, 1924లో ఒలింపిక్స్‌ నిర్వహించారు. అంటే వందేళ్ల తర్వాత పారిస్‌ విశ్వక్రీడలకు ఆతిథ్యమివ్వనుంది.

లండన్‌ (1908, 1984, 2012) తర్వాత మూడుసార్లు ఒలింపిక్స్‌కు ఆతిథ్యమిచ్చిన రెండో నగరంగా పారిస్‌ నిలవనుంది. 2024లో 32 క్రీడల్లో, 306 ఈవెంట్లలో పోటీలు జరుగుతాయి.

కాంస్యం గెలిచిన రెజ్లర్‌ బజ్‌రంగ్‌ పునియా భారత త్రివర్ణ పతకాన్ని చేతబూని భారత బృందాన్ని నడిపించగా.. మన అథ్లెట్లు టోక్యోకు గుడ్‌బై చెప్పారు.

టోక్యో ఒలింపిక్స్ ముగింపు వేడుకల్లో భారత ఆటగాళ్ల సందడి.

క్రీడా గ్రామంలో భారత బృందం సందడి.