Nomophobia : మొబైల్ పడుతుంటే ఆందోళనగా, టెన్షన్​గా ఉందా? అయితే మీకు ఆ ఫోబియా ఉన్నట్లే, జాగ్రత్త

Anxiety Disorder with Mobile Addiction : మొబైల్ మన జీవితంలో భాగం. అది దూరమైతే ఆందోళన, ఇతర ఇబ్బందులు పడుతుంటే మీరు మానసిక ఆరోగ్యంతో ఇబ్బంది పడుతున్నట్లేనని జాగ్రత్తగా ఉండాలని అంటున్నారు నిపుణులు.

మొబైల్తో మానసిక ఆందోళన

ఫోన్ గురించి అనవసరంగా ఆందోళన పడుతూ.. కిందపడితే పగిలిపోతుందని భయపడతున్నారా? అయితే అది ఏమాత్రం నార్మల్ కాదని.. అదొక మానసిక ఆందోళన కావొచ్చని అంటున్నారు. అది నోమోఫోబియా కావొచ్చు అంటున్నారు.

నామోఫోబియా అనేది ఒక కొత్త మానసిక సమస్య. ఇది ముఖ్యంగా యువతలో వేగంగా పెరుగుతోందట. ఈ సమస్య ఉండేవారికి మొబైల్ విరిగిపోయినా లేదా పూర్తిగా పోవడం వల్ల తన ప్రపంచం మొత్తం ముగిసిపోయినట్లు భావిస్తారట.

ఆ సమయంలో గుండె వేగంగా కొట్టుకోవడం, చెమటలు పట్టడం, చేతులు వణకడం, ఆందోళన వంటి లక్షణాలు కనిపిస్తాయట. మెదడుకు ప్రమాదం ఉందని అనిపించినప్పుడు శరీరం ఇలా ప్రతిస్పందిస్తుందట.

ఈ సమస్య పదే పదే వస్తుంటే మొబైల్​పై మీరు బాగా ఆధారపడ్డారనేదానికి సంకేతం అంటున్నారు మానసిక ఆరోగ్య నిపుణులు. ఈ ఆందోళనను స్పష్టమైన సంకేతంగా చెప్తున్నారు.

ఈ మానసిక సమస్యను నివారించడానికి అత్యంత ముఖ్యమైనది డిజిటల్ డిటాక్స్. అంటే మొబైల్ వినియోగాన్ని తగ్గించడం. సమయానుసారం సాంకేతికతకు దూరంగా ఉండడం చేయాలంటున్నారు.

యోగా, ధ్యానంతో కూడిన దినచర్యను పాటించాలని సూచిస్తున్నారు. ఇది ఆందోళన, భయాన్ని తగ్గించి.. ఫోన్ వాడకాన్ని దూరం చేయడంలో హెల్ప్ చేస్తుంది.

మొబైల్ పడిపోయినప్పుడు గాడ్జెట్ విరిగిపోతుందనే భయం, ఆందోళన ఉంటే.. ఇది మీ మానసిక ఆరోగ్యానికి సంబంధించిన హెచ్చరిక కావచ్చు. అటువంటి పరిస్థితిలో నిపుణుడి సలహా తీసుకోవడం మంచిది.