Sweating in Babies : పిల్లలకు చెమట ఎక్కువగా పడుతోందా? అయితే జాగ్రత్త, అస్సలు విస్మరించవద్దు

Babies Health : పిల్లలకు ఎక్కువగా చెమటలు పడితే ప్రమాదానికి సంకేతం కావచ్చు. అసలు రీజన్ ఏంటి? నిపుణులు ఏమంటున్నారో ఇప్పుడు తెలుసుకుందాం.

చిన్నపిల్లలకు చెమట పడితే జాగ్రత్త

పిల్లల శరీర విధానం పెద్దల కంటే చాలా భిన్నంగా పనిచేస్తుంది. పిల్లల్లో స్వేద గ్రంథులు సరిగ్గా అభివృద్ధి చెందవు. దీని కారణంగా వారి శరీరానికి చాలా తక్కువ చెమట పడుతుంది.

అయితే మీ శిశువుకు ఎక్కువగా, పదేపదే చెమటలు పడితుంటే అది ప్రమాదకరమైన సంకేతం కావచ్చని చెప్తున్నారు. వైద్యుల అభిప్రాయం ప్రకారం.. సాధారణంగా పిల్లలకు చెమటలు పట్టవు. ఎందుకంటే వారి చెమట గ్రంథులు పరిపక్వం చెందవు. పరిపక్వత చెందే వరకు అవి ఈ పనిని చేయవు.

అలాంటప్పుడు పిల్లలు తమ శరీర ఉష్ణోగ్రతను నిర్వహించడంలో ఇబ్బంది పడతారు. దీనివల్ల పిల్లల శరీరం కొద్దిగా వేడిగా మారవచ్చు. ఎర్రగా మారవచ్చు.

అయితే పిల్లలు పాలు తాగుతూ లేదా నిద్రపోతున్నప్పుడు తరచుగా చెమటలు పడితే అది సాధారణం కాదని గుర్తించాలి. ఇది ఏదైనా దీర్ఘకాలిక వ్యాధికి సంకేతం కూడా కావచ్చు.

అలాంటప్పుడు పిల్లలకు గుండె సంబంధిత సమస్యలు, ఇన్ఫెక్షన్లు, జీవక్రియ లేదా ఎండోక్రైన్ రుగ్మతలు వచ్చే ప్రమాదం చాలా ఎక్కువ.

అంతేకాకుండా ఇది శిశువు శరీరంలో అధిక థైరాయిడ్ హార్మోన్లు ఉత్పత్తి చేస్తుంది. ఈ స్థితిలో సిస్టిక్ ఫైబ్రోసిస్ అంటే ఒక రకమైన శ్వాసకోశ రుగ్మత కూడా ఉండవచ్చు.

దీనివల్ల పిల్లలలో లవణాల స్రావం విధానం మారుతుంది. శరీరం సాధారణంగా ఎలా స్పందిస్తుందో.. దానికంటే చాలా భిన్నంగా స్పందించడం ప్రారంభిస్తుంది.