Investment Tips: ఈ గవర్నమెంట్ స్కీమ్స్లో ఇన్వెస్ట్ చేస్తే FD ల కంటే ఎక్కువ బెనిఫిట్స్..
NPS Rules | సురక్షిత పెట్టుబడితో అధిక రాబడి కావాలని చూస్తున్నారా.. అయితే FD కంటే ఎక్కువ లాభం అందించే ప్రభుత్వ పథకాలు చాలా ఉన్నాయి. ఇన్వెస్ట్ చేసి మీరు ట్యాక్స్ బెనిఫిట్స్ పొందవచ్చు.
Fixed Deposits | భారత్లో చాలా మంది ఇప్పటికీ ఇన్వెస్ట్మెంట్ కోసం ఫిక్స్డ్ డిపాజిట్ (FD)ని అత్యంత సురక్షితమైన ఛాయిస్ అని భావిస్తారు. బ్యాంకులో డబ్బు డిపాజిట్ చేసి, నిర్ణీత సమయం తర్వాత వడ్డీ తిరిగి పొందుతారు. తక్కువ రిస్క్ ఉండటంతో ప్రజలు స్టాక్ మార్కెట్, మ్యూచువల్ ఫండ్స్ను పక్కనపెట్టి.. ఫిక్స్డ్ డిపాజిట్లలో నగదు పెడుతుంటారు. కానీ గత కొన్ని సంవత్సరాలలో FDలపై వడ్డీ చాలా మంది కోరుకునేలా రావడం లేదనేది గ్రహించాలి. ఈ పరిస్థితిలో చాలా మంది ఎక్కువ బెనిఫిట్స్ పొందాలనే కోరికతో రిస్క్ ఉన్న పెట్టుబడులపై ఫోకస్ చేస్తున్నారు.
అయితే ఆ పెట్టుబడుల కారణంగా మీ డబ్బు కోల్పోయే ప్రమాదం ఉంది. ప్రభుత్వం కొన్ని పథకాలను తీసుకురాగా, ఇవి సురక్షితమైనవి. చాలా సందర్భాల్లో FDల కంటే మెరుగైన వడ్డీ, రాబడిని అందిస్తాయి. ఈ పథకాలలో దీర్ఘకాలంలో మంచి ప్రయోజనం పొందవచ్చు. మీరు మనీ సెక్యూరిటీతో పాటు మంచి రాబడి పొందాలనుకుంటే, ఈ ప్రభుత్వ పెట్టుబడి పథకాల గురించి తెలుసుకుంటే మీకు ప్రయోజనం.
RBI ఫ్లోటింగ్ రేట్ సేవింగ్స్ బాండ్స్
మీరు భద్రతతో పాటు మంచి వడ్డీ ఉన్న పెట్టుబడిని కోరుకుంటే, RBI ఫ్లోటింగ్ రేట్ సేవింగ్స్ బాండ్స్ను కూడా పరిశీలించవచ్చు. ఇవి నేరుగా రిజర్వ్ బ్యాంక్ ఆఫ్ ఇండియా ద్వారా జారీ అవుతాయి. ఇందులో పెట్టుబడి చాలా సురక్షితమైనదిగా భావిస్తారు. ఈ బాండ్ల ప్రత్యేకత ఏమిటంటే, వాటి వడ్డీ రేటు ఎప్పటికప్పుడు మారవచ్చు.
దీనివల్ల పెట్టుబడిదారులు ప్రస్తుత మార్కెట్ ప్రకారం ప్రయోజనం పొందవచ్చు. ఈ బాండ్లపై దాదాపు 8.05 శాతం వరకు వడ్డీ లభిస్తుంది. ఇది చాలా బ్యాంక్ FDల కంటే ఎక్కువ. ఇందులో పెట్టుబడి పెట్టే ప్రక్రియ కూడా చాలా ఈజీ. దీనిని RBI రిటైల్ ప్లాట్ఫారమ్ ద్వారా కొనుగోలు చేయవచ్చు.
NPSలో మెరుగైన రిటైర్మెంట్ ఫండ్
నేషనల్ పెన్షన్ సిస్టమ్ (NPS) అనేది ప్రభుత్వ రిటైర్మెంట్ స్కీమ్. ఇది ప్రధానంగా భవిష్యత్తులో ఆర్థిక భద్రతను దృష్టిలో ఉంచుకుని రూపొందించారు. ఈ పథకంలో పెట్టుబడి పెట్టిన మొత్తాన్ని ప్రభుత్వ బాండ్లు, ఈక్విటీ వంటి వివిధ ఆస్తులలో పెట్టుబడి పెడతారు. దీనివల్ల దీర్ఘకాలంలో మెరుగైన రాబడి వచ్చే అవకాశముంది. NPS అతిపెద్ద ప్రయోజనం ఏమిటంటే, ఇది రిటైర్మెంట్ కోసం బలమైన ఫండ్ను అందించడంలో మీకు సహాయపడుతుంది.
సాధారణంగా, NPSలో పెట్టుబడి పెట్టేవారు దాదాపు 8 శాతం వరకు సగటు రాబడిని పొందవచ్చు. 60 సంవత్సరాల తర్వాత, అందులో జమ చేసిన కొంత భాగాన్ని విత్గ్రా చేసుకోవచ్చు, అయితే మిగిలిన మొత్తాన్ని పెన్షన్ ఫండ్గా ఉపయోగిస్తారు. అలాగే, ఈ పథకంలో పెట్టుబడి పెట్టడం ద్వారా ఆదాయపు పన్ను (Income Tax) నిబంధనల ప్రకారం పన్ను మినహాయింపు ప్రయోజనం కూడా లభిస్తుంది.
నేషనల్ సేవింగ్స్ సర్టిఫికేట్
నేషనల్ సేవింగ్స్ సర్టిఫికేట్ (NSC) కూడా ప్రభుత్వం అందించే ప్రజాదరణ పొందిన పథకాల్లో ఒకటి. ఇది సురక్షితమైన, స్థిరమైన రాబడిని కోరుకునే వారికి మంచిదని చెప్పవచ్చు. NSC సాధారణంగా 5 సంవత్సరాల మెచ్యూరిటీ వ్యవధిని కలిగి ఉంటుంది. మీ పెట్టుబడిపై నిర్ణీత వడ్డీ లభిస్తుంది. ప్రస్తుతం ఈ పథకంపై దాదాపు 7.7 శాతం వడ్డీని అందిస్తున్నారు.
ఇందులో పెట్టుబడి పెట్టడం ద్వారా ఆదాయపు పన్ను చట్టంలోని సెక్షన్ 80C కింద పన్ను మినహాయింపు ప్రయోజనం (Tax Benefits) పొందవచ్చు. చిన్న మొత్తంతో పెట్టుబడిని ప్రారంభించే సౌలభ్యం దీన్ని సామాన్యులకు మరింత చేరువ చేస్తుంది. మీరు దీర్ఘకాలికంగా సురక్షితమైన పెట్టుబడితో పాటు ట్యాక్స్ బెనిఫిట్స్ పొందాలనుకుంటే, NSC మంచి ఆప్షన్ కావొచ్చు.
టాప్ హెడ్ లైన్స్
ట్రెండింగ్ వార్తలు
