Thalapathy66 Launch: విజయ్ - రష్మిక - 'దిల్' రాజు మూవీ ఓపెనింగ్ ఫొటోలు

విజయ్, రష్మికపై చిత్రీకరించిన ముహూర్తపు సన్నివేశానికి క్లాప్ ఇస్తున్న 'దిల్' రాజు 

విజయ్, రష్మిక జంటగా వంశీ పైడిపల్లి దర్శకత్వంలో 'దిల్' రాజు, శిరీష్ నిర్మిస్తున్న సినిమా పూజా కార్యక్రమాలతో ఈ రోజు ప్రారంభమైంది. హీరో హీరోయిన్ మీద చిత్రీకరించిన ముహూర్తపు సన్నివేశానికి నిర్మాత 'దిల్' రాజు క్లాప్ ఇచ్చారు.

విజయ్ 66వ చిత్రమిది. అందుకని, 'Thalapathy66' అని వ్యవహరిస్తున్నారు. ఇందులో నటుడు శరత్ కుమార్ కీలక పాత్రలో నటిస్తున్నారు. పూజా కార్యక్రమాల అనంతరం రెగ్యులర్ షూటింగ్ స్టార్ట్ చేశారు. 

ఈ చిత్రానికి తమన్ సంగీతం అందిస్తున్నారు. పూజా కార్యక్రమాల్లో ఆయన పాల్గొన్నారు. అలాగే, 'దిల్' రాజు కుమార్తె హన్షితా రెడ్డి, మనవడు ఆరాన్శ్‌ తదితరులు సందడి చేశారు. 

విజయ్, రష్మిక చిత్ర ప్రారంభోత్సవంలో ఒక దృశ్యం