In Pics: తిరుమలలో సీజేఐ జస్టిస్ ఎన్వీ రమణ.. పద్మావతి అమ్మవారి దర్శనం

పద్మావతి అమ్మవారి ఆలయంలో జస్టిస్ ఎన్వీ రమణ కుటుంబం

తిరుమల పర్యటనకు వచ్చిన సుప్రీంకోర్టు ప్రధాన న్యాయమూర్తి జస్టిస్ ఎన్వీ రమణ గురువారం సాయంత్రం తిరుచానూరు పద్మావతి అమ్మవారిని దర్శించుకున్నారు.

ఆలయానికి చేరుకున్న జస్టిస్ ఎన్వీ రమణకు అర్చకులు పూర్ణ కుంభంతో స్వాగతం పలికారు. గుడిలో నిర్వహించిన ప్రత్యేక పూజల్లో జస్టిస్ రమణ దంపతులు పాల్గొన్నారు. ఆ తర్వాత తీర్థ ప్రసాదాలు పుచ్చుకున్నారు.

గురువారం ఉదయం ఎన్వీ రమణ దంపతులు ఢిల్లీ నుంచి రేణిగుంట విమానాశ్రయానికి చేరుకున్నారు.

విజయదశమి పర్వదినాన్ని ప్రజలందరూ సుఖ సంతోషాలతో జరుపుకోవాలని కోరుకుంటున్నానని ఎన్వీ రమణ అన్నారు.