Rs 24 Crore Buffalo: వీర్యంతో ఏటా రూ.2 కోట్లు లాభం.. దేశంలోనే ఇదే అత్యంత ఖరీదైన దున్నపోతు!

ఆ దున్నపోతు వీర్యానికి భారీ డిమాండ్ ఉంది. దీని కోసం దేశవిదేశాల నుంచి ఆర్డర్లు వస్తున్నాయి. మరి ఆ దున్నపోతు ఖరీదు ఎంతో తెలుసా?

దేశంలోనే అత్యంత ఖరీదైన దున్నపోతు

దేశంలో అత్యంత ఖరీదైన దున్నపోతు గురించి విన్నారా? అవును రాజస్థాన్ అజ్‌మేర్‌లో ఇటీవల నిర్వహించిన పుష్కర్‌లో ఈ దున్నపోతు గురించి ప్రపంచానికి తెలిసింది. దీని పేరు 'భీమ్'. 14 అడుగుల పొడవు, 1500 కిలోల బరువు ఉన్న ఈ దున్నపోతు విలువ ఎంతో తెలుసా? అక్షరాల రూ.24 కోట్లు. షాక్ అయ్యారా? ఇంకా దీని ప్రత్యేకతలు చూడండి.

వీర్యం కోసం..

ఈ 'భీమ్' వీర్యంతో దాని యజమాని అర్వింద్ జంగిడ్ ఏడాదికి రూ.2 కోట్లు సంపాదిస్తున్నారు. 14 ఫీట్ల పొడవు, 6 అడుగుల ఎత్తుండే ఈ భారీ దున్న వీర్యంతో పుట్టిన గేదెలు పెద్దయ్యాక రోజుకు 20-30 లీటర్ల పాలు ఇస్తున్నాయట.

అందుకే ఈ దున్నపోతు వీర్యానికి మార్కెట్లో భారీ డిమాండ్ ఉంది. దేశ, విదేశాల నుంచి ఈ వీర్యం కోసం ఆర్డర్లు వస్తున్నాయట. ఎట్టిపరిస్థితుల్లోనూ ఈ దున్నపోతును అమ్మే ప్రసక్తే లేదని యజమాని చెబుతున్నారు. 

ఏం తింటుంది? 

అయితే భీమ్ రోజూ కేజీ నెయ్యి, అరకేజీ వెన్న, 200 గ్రా. తేనె, 25లీ. పాలు, కేజీ జీడిపప్పు తింటుందట. దీని తిండి, ఇతర అవసరాలకు నెలకు రూ.2 లక్షలు ఖర్చవుతాయని అర్వింద్ తెలిపారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి