Stranger Things Series Season 5 OTT : అవెయిటెడ్ 'స్ట్రేంజర్ థింగ్స్' వెబ్ సిరీస్ - ఫైనల్ సీజన్ ఎప్పటి నుంచి స్ట్రీమింగ్ అంటే?

Stranger Things Season 5 OTT Platform : సూపర్ హిట్ వెబ్ సిరీస్ 'స్ట్రేంజర్ థింగ్స్' సీజన్ 5 వచ్చేస్తోంది. ఈ సిరీస్‌లో ఇదే ఫైనల్ సీజన్ అని ఇంటర్నేషనల్ ఓటీటీ 'నెట్ ఫ్లిక్స్' తెలిపింది.

'స్ట్రేంజర్ థింగ్స్' సిరీస్ సీజన్ 5 ఓటీటీ స్ట్రీమింగ్

Source : https://x.com/whatonnetflix/status/2003174041763393820/photo/1

Stranger Things Series Season 5 OTT Release Date Locked : ఎక్కువగా ఫేమస్ అయిన సైన్స్ ఫిక్షన్ వెబ్ సిరీస్ అంటే మనకు గుర్తొచ్చేది 'స్ట్రేంజర్ థింగ్స్'. ఇప్పటివరకూ వచ్చిన 4 సీజన్స్ పిల్లల నుంచి పెద్దల వరకూ అందరినీ అలరిస్తూ... ఓటీటీలో సూపర్ రెస్పాన్స్ అందుకున్నాయి. ఇప్పుడు తాజాగా ఫైనల్ సీజన్ ఓటీటీలోకి వచ్చేందుకు రెడీ అవుతోంది.

ఎప్పటి నుంచి స్ట్రీమింగ్ అంటే?

'స్ట్రేంజర్ థింగ్స్' వెబ్ సిరీస్ సీజన్ 5 ఈ నెల 26 నుంచి ఇంటర్నేషనల్ ఓటీటీ 'నెట్ ఫ్లిక్స్‌'లో స్ట్రీమింగ్ కానుంది. ఈ సిరీస్‌లో ఇదే పైనల్ సీజన్. గత సీజన్స్ కంటే కొత్త సీజన్‌లో చాలామంది చైల్డ్ ఆర్టిస్టులు ఉన్నట్లు డైరెక్టర్ రాస్ డఫర్ తెలిపారు. 'స్ట్రేంజర్ థింగ్స్ 5' వాల్యూమ్ 2లో 5, 6, 7 ఎపిసోడ్స్ ఈ నెల 26 నుంచి ఓటీటీలో అందుబాటులో ఉంటాయి. చివరిదైన ఎనిమిదో ఎపిసోడ్ మాత్రం నూతన సంవత్సరంలో జనవరి 1 నుంచి స్ట్రీమింగ్ కానుంది. కొన్ని సెలక్ట్ చేసిన థియేటర్లలోనూ ఈ సిరీస్ ప్రదర్శించనున్నట్లు 'నెట్ ఫ్లిక్స్' వెల్లడించింది.

Hitman aa raha hai upside down ko seedha karne ❤️‍🔥
Watch Stranger Things 5: Volume 2, out 26 December at 6:30 AM IST, only on Netflix.#Collab pic.twitter.com/V9F1B4izDM

— Netflix India (@NetflixIndia) December 23, 2025

'స్ట్రేంజర్ థింగ్స్' సీజన్ 4 2022లో రిలీజ్ అయ్యి సూపర్ రెస్పాన్స్ అందుకుంది. 'స్క్విడ్ గేమ్' తర్వాత చాలా కాలం పాటు 'నెట్ ఫ్లిక్స్' టాప్ ట్రెండింగ్‌లో రెండో స్థానంలో నిలిచింది. గత సీజన్ల కంటే మరింత సస్పెన్స్, థ్రిల్‌తో ఈ సీజన్ ఉండబోతోందని అర్థమవుతోంది. ఫైనల్ సీజన్ ఎపిసోడ్స్ రన్ టైంను సైతం 'నెట్ ఫ్లిక్స్' అనౌన్స్ చేసింది.

ఎపిసోడ్ 5 - 1 గంట 8 నిమిషాలు, ఎపిసోడ్ 6 - 1 గంట 15 నిమిషాలు, ఎపిసోడ్ 7 - 1 గంట 6 నిమిషాలు, ఎపిసోడ్ 8 - 2 గంటల 8 నిమిషాలుగా ఉండనున్నట్లు తెలిపింది. ఫైనల్ ఎపిసోడ్ మాత్రం జనవరి 1 నుంచి అందుబాటులోకి రానుంది.

స్టోరీ ఏంటంటే?

1980ల కాలంలో జరిగే ఓ సైన్స్ ఫిక్షన్ స్టోరీ. హాకిన్స్ పట్టణంలో 'అప్ సైడ్ డౌన్' అనే సమాంతర ప్రపంచం నుంచి వచ్చే రాక్షసులను... ఎలెవన్ అనే సూపర్ పవర్స్ ఉన్న అమ్మాయితో పాటు ఓ చిన్నారుల బృందం ఎలా ఎదుర్కొంది అనేదే స్టోరీ. సీజన్ 1లో విల్ అనే చిన్నారి అదృశ్యం కాగా... అతన్ని వెతికే క్రమంలో విల్ ఫ్రెండ్స్‌కు ఓ అతీంద్రయ శక్తులున్న అమ్మాయి కనిపిస్తుంది. ఆమె సాయంతో విల్‌ను వెతకుతుండగా వారికి సమాంతర ప్రపంచం కనిపిస్తుంది.

సీజన్ 2లో విల్ తిరిగి రావడం ఓ భారీ రాక్షసుడు సమాంతర ప్రపంచం నుంచి వచ్చి పట్టణాన్ని ఆక్రమించేందుకు యత్నిస్తాడు. అతన్ని వీరు ఎలా అడ్డుకున్నారనేదే స్టోరీ. సీజన్ 3లో అతీంద్రయ శక్తులున్న ఎలెవన్ పోర్టల్‌ను మూసేయగా... ఆ గేట్‌ను మళ్లీ తెరిచేందుకు కొందరు యత్నిస్తారు. దాన్ని ఎలా అడ్డుకున్నారు? సీజన్ 4లో కొత్త విలన్ పట్టణంలోకి వచ్చి పిల్లలను చంపడం ప్రారంభిస్తాడు. ఎలెవన్ తన శక్తులతో అతన్ని ఎలా అడ్డుకుంది? అనే వాటిని చూపించారు. 

మరిన్ని చదవండి

నేరుగా ఓటీటీలోకే కోటి కుమారుడు మర్డర్ మిస్టరీ '11:11' - నాలుగేళ్ల గ్యాప్... ఎందులో స్ట్రీమింగ్ అంటే?