Coconut Water vs Lemon Water : కొబ్బరి నీరు vs నిమ్మరసం.. ఎండ ఎక్కువగా ఉన్నప్పుడు ఏది తాగితే మంచిది?
Coconut Water or Lemonade : సమ్మర్లో డీహైడ్రేషన్కి గురి అవ్వడం ఎక్కువగా కనిపిస్తుంది. అయితే ఆ సమయంలో కొబ్బరి నీరు తాగితే మంచిదా? లేక నిమ్మరసం మంచి ఫలితాలు ఇస్తుందా? చూసేద్దాం.
Coconut Water or Lemon Water for Dehydration : భారతదేశంలో వేడి రోజురోజుకూ పెరుగుతోంది. ముఖ్యంగా హ్యూమిడిటీ ఎక్కువగా ఉండటం వల్ల ఉష్ణోగ్రత కంటే ఇంకా ఎక్కువగా వేడి అనిపిస్తోంది. ఈ పరిస్థితుల్లో డీహైడ్రేషన్, హీట్ స్ట్రోక్, కిడ్నీ సమస్యలు వంటి ప్రమాదాలు పెరుగుతున్నాయి. అందుకే ఈ సమయంలో శరీరాన్ని హైడ్రేటెడ్గా ఉంచుకోవడం చాలా ముఖ్యం. హైడ్రేషన్ కోసం ఎక్కువమంది నీటితో పాటు.. వివిధ రకాల డ్రింక్స్ తీసుకుంటారు. ముఖ్యంగా కూల్ డ్రింక్స్ వద్దనుకునేవారు కొబ్బరి నీరు, నిమ్మరసం వంటివి తాగుతారు. మరి ఈ రెండింటిలో ఏది మంచిదో చూసేద్దాం.
కొబ్బరి నీరు తాగితే..
కొబ్బరి నీళ్లను నేచురల్ ఎనర్జీ డ్రింక్గా చెప్తారు. కొబ్బరి నీళ్లలో పొటాషియం, సోడియం, మెగ్నీషియం, కాల్షియం వంటి పోషకాలు ఉంటాయి. ఇవి శరీరానికి నేచురల్ ఎలక్ట్రోలైట్ డ్రింక్లా పనిచేసి.. శరీరంలోని నీటి లోపాన్ని త్వరగా పూర్తి చేస్తాయి. అలాగే తక్కువ కేలరీలు ఉంటాయి.
ఎప్పుడు తాగితే మంచిదంటే..
కొబ్బరి నీళ్లు ఎండలో తిరిగిన తర్వాత, వ్యాయామం చేసిన తర్వాత, తేలికపాటి డీహైడ్రేషన్ ఉన్నప్పుడు తీసుకుంటే మంచిది. ఓ గ్లాస్ లేదా 100 ఎమ్ఎల్ తీసుకుంటే సరిపోతుంది. ఎక్కువ తీసుకోవాల్సిన అవసరం లేదని చెప్తున్నారు నిపుణులు.
నిమ్మరసంతో తాగితే
నిమ్మరసాన్ని రోజువారీ హైడ్రేషన్ డ్రింక్గా చెప్పవచ్చు. దీనిని ఇంట్లోనే సింపుల్గా తయారు చేసుకోవచ్చు. దీనిలో విటమిన్ C, ఉప్పు వేసుకుంటే సోడియం, కొంత పొటాషియం ఉంటాయి. ఇవి శరీరానికి తక్షణమే రిఫ్రెష్మెంట్ ఇస్తాయి. ఇమ్యూనిటీ పెంచడంలో కూడా హెల్ప్ చేస్తాయి.
నిమ్మరసం ఎప్పుడు తాగితే మంచిది?
రోజంతా హైడ్రేటెడ్గా ఉండాలనుకుంటే నిమ్మరసం ఎప్పుడైనా తాగవచ్చు. వేడి ఎక్కువగా ఉన్న రోజుల్లో కూడా దీనిని సాల్ట్ వేసుకుని తయారు చేసుకోవచ్చు. పైగా తక్కువ ఖర్చుతో డీహైడ్రేషన్ దూరం చేసుకోవచ్చు.
డీహైడ్రేషన్ తగ్గించాలనుకుంటే ఏది బెస్ట్..
మీరు రోజువారీ హైడ్రేషన్ కావాలనుకుంటే తక్కువ ఖర్చులో నిమ్మరసం చేసుకోవచ్చు. ఎండలో తిరిగి వెంటనే డీహైడ్రేషన్ లక్షణాల నుంచి రికవరీ అవ్వాలంటే.. ఎలక్ట్రోలైట్స్ కోసం కొబ్బరి నీరు తీసుకోవచ్చు. అయితే వీటిని తాగేప్పుడు రుచి కోసం షుగర్ వేసుకోకపోవడమే మంచిది. ఈ రెండూ కూడా ప్యాక్ట్ డ్రింక్స్ అందుబాటులో ఉంటాయి. కానీ వాటిని తాగకపోవడమే బెస్ట్. చక్కగా నిమ్మరసాన్ని ఇంట్లో తయారు చేసుకోండి. కొబ్బరి తాజాగా కొట్టించి తాగండి.
వేసవిలో హైడ్రేషన్ కోసం తాగాలనుకుంటే రెండూ మంచివే. కానీ డీహైడ్రేషన్ ఎక్కువ అయితే ORS తీసుకోవాలి. ఈ రెండింటీ కంటే అది బెస్ట్ ఫలితాలు ఇస్తుంది. అలాగే రోజూ తాగేందుకు సులభంగా, చవకగా కావాలనుకుంటే నిమ్మరసం బెస్ట్. ఎండలో తిరిగిన తర్వాత లేదా అలసటగా ఉన్నప్పుడు కొబ్బరి నీరు మంచి ఆప్షన్.
గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.
టాప్ హెడ్ లైన్స్
ట్రెండింగ్ వార్తలు
