Chewing Gum Beetroot Juice : బీట్రూట్ జ్యూస్ తాగి చూయింగ్ గమ్ నమిలితే బీపీ తగ్గుతుందా? పరిశోధకులు ఏం చెప్పారంటే
Study On Blood Pressure : బీట్రూట్ జ్యూస్ తాగిన తర్వాత.. చూయింగ్ గమ్ నమలడం వల్ల రక్తపోటు తాత్కాలికంగా తగ్గుతుందని తాజా అధ్యనం తెలిపింది. దీని గురించిన ఇంట్రెస్టింగ్ విషయాలు ఇప్పుడు చూసేద్దాం.
- నైట్రేట్ అధిక ఆహారం, చక్కెర గమ్ తాత్కాలికంగా రక్తపోటు తగ్గిస్తాయి.
- నోటి బ్యాక్టీరియా నైట్రేట్లను నైట్రైట్‌లుగా మార్చి బీపీ నియంత్రిస్తుంది.
- చక్కెర గమ్ సిస్టోలిక్ 3 mmHg, డయాస్టోలిక్ 2 mmHg తగ్గించింది.
- ఈ ప్రభావం తాత్కాలికమే, ఎక్కువ చక్కెర గమ్ వాడకం దంతాలకు హానికరం.
Beetroot Chewing Gum Combination : ఈ రోజుల్లో అధిక రక్తపోటు (బీపీ) సమస్య సర్వసాధారణమైపోయింది. దానిని కంట్రోల్ చేయడానికి ప్రతిరోజూ మందులు తీసుకోవడంతో పాటు.. తాము తినే, తాగే వాటి విషయంలో కూడా చాలా జాగ్రత్తలు తీసుకుంటున్నారు. కానీ ఇటీవల జరిగిన ఒక కొత్త, విలక్షణమైన పరిశోధనలో ఇంట్రెస్టింగ్ విషయాలు బయటకు వచ్చాయి. అదేటంటే.. పరిశోధకుల ప్రకారం బీట్రూట్ వంటి నైట్రేట్ అధికంగా ఉండే ఆహార పదార్థాలను తీసుకున్న తర్వాత చక్కెర కలిపిన చూయింగ్ గమ్ తింటే అధిక రక్తపోటును కొంతకాలం నియంత్రించవచ్చు.
నైట్రేట్లకు, రక్తపోటుకు మధ్య సంబంధం ఇదే..
బీట్రూట్, పాలకూర, కేల్ వంటి కూరగాయలలో సహజంగా నైట్రేట్ అనే మూలకం ఉంటుంది. అయితే మన శరీరం ఈ నైట్రేట్‌ను నేరుగా ఉపయోగించుకోలేదు. అందువల్ల మన నోటిలోని బ్యాక్టీరియా మొదట దానిని నైట్రైట్గా మారుస్తుంది. నైట్రైట్గా ఏర్పడిన తర్వాత అది రక్తనాళాలను సడలించి.. వెడల్పు చేస్తుంది. దీనివల్ల శరీరంలో రక్త ప్రసరణ మెరుగుపడి, రక్తపోటు తగ్గుతుంది.
Also Read : మెగ్నీషియం లోపం వల్ల మైగ్రేన్ పెరుగుతుందా? బీపీ, నిద్ర, గుండె ఆరోగ్యంపై దీని ప్రభావం ఇదే
బీట్రూట్ జ్యూస్, చూయింగ్ గమ్తో పరిశోధన
లండన్‌లోని కింగ్స్ కాలేజీకి చెందిన డాక్టర్ ఆండ్రూ వెబ్, అతని బృందం ఆరోగ్యవంతులపై ఈ ప్రయోగాన్ని నిర్వహించారు. ముందుగా అధ్యయనంలో పాల్గొన్న ప్రజలందరికీ బీట్రూట్ రసం ఇచ్చారు. తరువాత వారిని 2 గ్రూపులుగా విభజించారు. ఒక గ్రూపుకు చక్కెర ఉన్న చూయింగ్ గమ్, మరియు మరొక గ్రూపునకు చక్కెర లేని చూయింగ్ గమ్ ఇచ్చారు. దీనిని 3 నుంచి 6 గంటల పాటు నమలడానికి ఇచ్చారు. ఈ సమయంలో వారి రక్తం, లాలాజలం, రక్తపోటు స్థాయిలను పరిశీలించారు. వారం తర్వాత కూడా అదే ప్రయోగాన్ని పునరావృతం చేశారు. కానీ ఈసారి రెండు బృందాలకు చూయింగ్ గమ్‌ను మార్చారు.
పరిశోధన ఫలితం ఇదే
ఈ అధ్యయనంలో చక్కెర ఉన్న గమ్ నమిలే వారి నోటిలో లాలాజల ఆమ్లత్వం పెరిగినట్లు కనుగొన్నారు. pH స్థాయి 1.4 పాయింట్లు తగ్గినట్లు గుర్తించారు. దీని కారణంగా వారి నోటిలో నైట్రైట్ పరిమాణం 45 శాతం అధికంగా, వారి శరీరంలో 25 శాతం అధికంగా ఉన్నట్లు కనుగొన్నారు. ఫలితంగా వారి సిస్టోలిక్ రక్తపోటు సుమారు 3 mmHg, డయాస్టోలిక్ రక్తపోటు 2 mmHg తగ్గినట్లు గుర్తించారు.
Also Read : బీపీ ఎక్కువ, తక్కువ ఉన్నా, గుండె సమస్యలు ఉన్నా.. లైంగిక కోరికను పెంచే ట్యాబ్లెట్స్ వాడకూడదా?
అధిక రక్తపోటుకు ఇది శాశ్వత చికిత్సా?
అధిక రక్తపోటు ఉన్న రోగులు ప్రతిరోజూ చక్కెర చూయింగ్ గమ్ నమలడం ప్రారంభించాలని ఈ పరిశోధన అర్థం కాదని పరిశోధకులు స్పష్టం చేశారు. ఈ చూయింగ్ గమ్ ప్రభావం కొన్ని గంటలు మాత్రమే ఉంటుందని తెలిపారు. అంతేకాకుండా ఎక్కువసేపు చక్కెర చూయింగ్ గమ్ నమలడం వల్ల దంతాలు దెబ్బతినడమే కాకుండా జీవక్రియపై కూడా ప్రతికూల ప్రభావం పడుతుందని తెలిపారు.
గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.
టాప్ హెడ్ లైన్స్
ట్రెండింగ్ వార్తలు
