Doctor Vikrant Singh Diet : డాక్టర్ విక్రాంత్ సింగ్ 6 ఏళ్లుగా ఫాలో అవుతున్న డైట్ ఇదే.. బీపీ, ప్రీడయాబెటిస్ రివర్స్ అయిందట, మరి నిపుణుల సలహా ఏంటి?

Doctor Vikrant Singh Eating Habits : డాక్టర్ విక్రాంత్ 6 ఏళ్లుగా ఫాలో అవుతున్న డైట్ గురించి వీడియో చేశారు. దీనిని ఫాలో అవ్వడం వల్ల తన బీపీ, షుగర్ కంట్రోల్ అయిందని తెలిపారు. మరి నిపుణులు ఏమంటున్నారంటే

డాక్టర్ విక్రాంత్ 6 ఏళ్లుగా ఫాలో అవుతున్న డైట్ ఇదే

Source : Instagram

Show Quick Read

Key points generated by AI, verified by newsroom

• డాక్టర్ విక్రాంత్ ఆరేళ్లుగా లోకార్బ్ డైట్ పాటిస్తున్నారు.
• బీపీ, షుగర్ నియంత్రణకు ఇది సహాయపడిందంటున్నారు.
• అయితే, ఈ డైట్ వైద్య సలహా తర్వాతే అనుసరించాలని సూచించారు.
• ఫైబర్ ఆరోగ్యం, జీవక్రియలకు చాలా ముఖ్యమని నిపుణులు తెలిపారు.

Dr. Vikrant Singh 6-Year Diet Routine : డాక్టర్ విక్రాంత్ సింగ్ చాలామంది తెలుగు వారికి తెలిసిన ఫేమస్ డాక్టర్. కరీంనగర్​కు చెందిన వారే అయినా.. ఇన్​స్టాగ్రామ్​ ద్వారా ఎక్కువమందికి రీచ్ అయ్యారు. ఆయన ఇచ్చే హెల్త్ టిప్స్, వంట నూనె గురించి ఆయన చేసే రీల్స్​ చాలా వైరల్ అయ్యాయి. తీసుకునే ఆహారం, డ్రింక్స్, లైఫ్ స్టైల్​ గురించి పలు సూచనలు చేసే ఆయన.. తాజాగా ఆయన డైలీ ఏమి తింటారో తెలిపారు. మరి ఈ డాక్టర్ ఫాలో అయ్యే డైట్ ఏంటో.. ఆయనకు ఎలాంటి ప్రయోజనాలు లభించాయో.. దీనిని ఎవరు ఫాలో అవ్వాలో, అవ్వకూడదో చూసేద్దాం.

డాక్టర్ విక్రాంత్ డైట్..

డాక్టర్ విక్రాంత్ ఆస్పత్రికి వచ్చే ముందు.. 11 గంటల సమయంలో కొంచెం అన్నం.. ఎక్కువ కూర, ఎక్కువ పెరుగు తింటారని తెలిపారు. పైగా కూర కూడా నాన్​వెజ్ తింటారట. నేను నాన్ వెజిటేరియన్, వెజిటేరియన్ కాదు కాబట్టి పుష్కలంగా నాన్​వెజ్ తింటాను. వెజిటెబుల్స్ తినను. అవి నాకు పడవు అని చెప్పారు. తక్కువ అన్నంలో ఎక్కువ కూర.. ఎక్కువ పెరుగు వేసుకుని మాత్రమే తింటాను. అంతే. మళ్లీ రాత్రి మూడు లేదా నాలుగు ఉడికించిన కోడిగుడ్లు తింటాను. లోపలి పూర్ణంతో సహా తింటాను అని తెలిపారు. రోజు మొత్తంలో ఆయన ఇవే తింటారట. అలాగే ఉదయాన్నే పరగడుపుతో బ్లాక్ కాఫీ తాగుతారట. అదీ కూడా షుగర్ లేకుండా నెయ్యి వేసుకుని. 

View this post on Instagram

Embed Instagram Post

ఆరేళ్లుగా ఇదే డైట్

నేను తినేది ఇది. అందరూ ఇవే తినమని చెప్పట్లేదని అదే వీడియోలో తెలిపారు డాక్టర్ విక్రాంత్. అంతేకాకుండా దీనిని 6 ఏళ్లుగా కంటిన్యూ చేస్తున్నానని.. దీనిని ఫాలో అవ్వడం వల్ల బీపీ, షుగర్ అదుపులోకి వచ్చాయని తెలిపారు. ఇలా తింటే బరువు పెరగరు, వీక్​నెస్ రాదు అని తెలిపారు. కానీ దీనినే ఫాలో అవ్వాలనకుంటే మాత్రం కచ్చితంగా వైద్యుల సలహా తీసుకోవాల్సిందేనని సూచించారు. 

డాక్టర్ విక్రాంత్​ డైట్​పై ఫిట్​నెస్ నిపుణులు ఏమంటున్నారంటే.. 

డాక్టర్ విక్రాంత్ షేర్ చేసిన ఈ డైట్​ గురించి సెలబ్రెటీ ఫిట్నెస్ కోచ్ విశ్వ రెస్పాండ్ అయ్యారు. డాక్టర్ తీసుకునేది లోకార్బ్ డైట్ అని.. మీ డైట్లో నుంచి ఒకేసారి కార్బ్ పూర్తిగా తీసేశారో అప్పుడు వాటర్ లాస్, వెయిట్ లాస్ జరుగుతుందని తెలిపారు. అలాగే డాక్టర్ తన ప్రీడయాబెటిస్, బీపీ రివర్స్ అయిందన్నారు.. దాని గురించి చెప్పాలంటే పరిశోధనల ప్రకారం.. మీరు బరువు కాస్త తగ్గితే.. బీపీ, షుగర్ అనేవి కంట్రోల్ అవుతాయని తెలిపారు. అంత మాత్రాన దీనిని అందరూ ఫాలో అవ్వకూడదని తెలిపారు విశ్వ. 

ఫైబర్ తీసుకుంటే మరీ మంచిది

ఫిట్​నెస్ కోచ్​గా ఇలాంటి డైట్ ఫాలో అయ్యేవారికి నేను ఇచ్చే సూచన ఏదైనా ఉంది అంటే.. అది ఫైబర్ అని తెలిపారు. డాక్టర్ ఫైబర్ తనకి అవసరం లేదు తినను అంటున్నారు కానీ.. మన డైట్​లో కచ్చితంగా ఫైబర్ ఉండేలా చూసుకోవాలని విశ్వ తెలిపారు. స్టడీల ప్రకారం ఫైబర్ తీసుకుంటే మెటబాలీజం పెరుగుతుందని తెలిపారు. ఫైబర్ తీసుకోవడం వల్ల మలబద్ధకం ఒకటే కాదు.. హార్ట్ హెల్త్, గట్ హెల్త్ కూడా మెరుగుపడుతుందని వివరించారు. 

డాక్టర్ విక్రాంత్​ బాడీకి సెట్ అయినట్లు ఈ డైట్ అందరికీ సెట్ కాదని.. లిమిటెడ్​గా బ్యాలెన్స్ డైట్ తీసుకుంటే ఆరోగ్యానికి మేలు జరుగుతుందని తెలిపారు విశ్వ. ఈ ఫైబర్ కూడా డాక్టర్ తన డైట్లో యాడ్ చేసుకుంటే మరిన్ని మంచి ఫలితాలు చూడగలుగుతారని సూచించారు.

గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.

మరిన్ని చదవండి

మహిళల్లో ఐరన్, B12 లోపానికి ప్రధాన కారణాలు.. లక్షణాలు, నివారణ మార్గాలు ఇవే

రోజూ యోగా చేస్తే శారీరక, మానసిక ఆరోగ్యానికి కలిగే లాభాలు ఇవే.. మగవారికి, ఆడవారికి ఈ ప్రయోజనాలు అందుతాయి