ICMR on Covid Vaccine: బూస్టర్ డోస్ అవసరమా? ఐసీఎంఆర్ ఏం చెప్పిందంటే?

దేశంలో బూస్టర్ డోస్ ఆవశ్యకతపై ఐసీఎంఆర్ కీలక వ్యాఖ్యలు చేసింది.

బూస్టర్ షాట్ అవసరమా?

దేశంలో కొవిడ్ వ్యాక్సిన్ బూస్టర్ షాట్‌పై పెద్ద చర్చే నడుస్తోంది. కొంతమంది వేసుకుంటే మంచిదని, మరికొందరు రెండు డోసులు వేసుకున్నాం.. మరొకటి కూడానా? మా వల్ల కాదు అంటున్నారు. మరి ఇలాంటి సందర్భంలో బూస్టర్ షాట్ ఆవశ్యకతపై భారత వైద్య పరిశోధన మండలి (ఐసీఎంఆర్) స్పష్టత ఇచ్చింది. 

ఏం చెప్పిందంటే?

శాస్త్రీయ ఆధారాల ప్రకారం బూస్టర్ షాట్ కచ్చితంగా తీసుకోవాలని ఎక్కడా లేదని ఐసీఎంఆర్‌లో అంటురోగాల విభాగం హెడ్ డా. సమీరన్ పాండా తెలిపారు. ప్రజా ఆరోగ్యమే అన్నింటికంటే ముఖ్యమని ఆయన అన్నారు.

" శాస్త్రీయ ఆధారాలు, ఎన్‌టీఏజీఐ చెప్పే వాటినే ఆరోగ్యశాఖ అమలు చేస్తుంది. ఏదైనా పాలసీ తీసుకోవాలంటే ఈ రెండు చేసే సూచనలు కీలకం. ముఖ్యంగా శాస్త్రీయ ఆధారాలు ఉంటేనే ఇలాంటి పాలసీలు తీసుకుంటాం. దేశంలో ప్రస్తుతం ఉన్న పరిస్థితుల ప్రకారం బూస్టర్ డోస్ తీసుకోవాల్సిన అవసరం ఉందని ఎక్కడా శాస్త్రీయ ఆధారాలు లేవు.                                                          "

-డా. సమీరన్ పాండా, అంటురోగాల విభాగం హెడ్, ఐసీఎంఆర్

బూస్టర్ డోసుల కంటే దేశంలోని 80 శాతం మందికి రెండు డోసుల వ్యాక్సిన్ పూర్తి చేయడంపై దృష్టి పెట్టాలన్నారు. ప్రస్తుతానికి ఈ అవసరమే ఎక్కువగా ఉందని ఆయన అభిప్రాయపడ్డారు. ఇలా చేయడం వల్ల కరోనా నుంచి మరింత రక్షణ వస్తుందన్నారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి