Aaya Sher Song: ఆయా షేర్ కోసం రెండున్నర ఎకరాల్లో సెట్స్... సాంగ్ సెట్ స్టోరీ తెలుసా?

The Paradise Songs: నేచురల్ స్టార్ నాని లేటెస్ట్ సినిమా 'ది ప్యారడైజ్'లో 'ఆయా షేర్...' సాంగ్ రెండున్నర ఎకరాల్లో భారీ సెట్ వేశారు. ఆ సాంగ్ స్టోరీ సెట్ కహాని తెలుసా?

Nani's The Paradise: భారీ స్లమ్ సామ్రాజ్యం.. 'ఆయా షేర్' సాంగ్ కోసం ఇంత ఖర్చా?

Source : https://www.instagram.com/slv_cinemas/

నేచురల్ స్టార్ నాని (Nani) లేటెస్ట్ పాన్ ఇండియా సినిమా 'ది ప్యారడైజ్' (The Paradise Movie). ఇందులోని 'ఆయా షేర్' సాంగ్ (Aaya Sher Song) ఇటీవల విడుదలైంది. చార్ట్ బస్టర్ గా నిలిచింది. మిలియన్స్ వ్యూస్, ఇంకా బోలెడు ఇన్‌స్టా రీల్స్‌... వైరల్ అయ్యిందీ పాట. 'ఆయా షేర్' కోసం 'ది ప్యారడైజ్' దర్శక నిర్మాతలు భారీ స్లమ్ సామ్రాజ్యాన్ని సృష్టించారు. ఈ పాటలో హీరోను స్లమ్‌ సామ్రాట్‌లా చూపించేందుకు ప్రత్యేకంగా సెట్స్ రూపొందించారు. ఆ వివరాల్లోకి వెళితే... 

రెండున్నర ఎకరాల్లో భారీ సెట్స్!
'ఆయా షేర్' సాంగ్ కోసం రెండున్నర ఎకరాల్లో భారీ సెట్స్ వేశారు. వాటిలో ఒకటి హీరో హౌస్ (కమాన్ సెట్). ఆ నిర్మాణం వెడల్పు 60 అడుగులు, ఎత్తు 45 అడుగులు, లోతు 25 అడుగులు. దీని కోసం దాదాపు 25 మంది కార్మికులు సుమారు 20 రోజుల పాటు శ్రమించారు. 

వాటర్ బాడీ విలేజ్ సెట్ 'ఆయా షేర్...' పాటలో మరో హైలెట్. ఇది రెండున్నర ఎకరాల విస్తీర్ణంలో రూపొందించారు. డమ్మీ కాకుండా 60 ఇళ్లు నిర్మించారు. ఆ ఊరి కోసం 50 మంది కార్మికులు 30 రోజుల పాటు శ్రమించారు. సుమారు 500 మంది ఆ ఊరిలో ఉండేలా అసలైన ఇళ్లతో సెట్ డిజైన్ చేశారు. వాటర్ బాడీ కోసం 100 ట్యాంకర్ల నీరు తీసుకువచ్చి వారం పాటు నింపారు. మరో చెరువు కూడా తవ్వారు.

'ది ప్యారడైజ్' సెట్స్‌లో మరో భారీ డంప్ యార్డ్ ఒకటి. దానిని 120 అడుగుల పొడవు, 50 అడుగుల వెడల్పు, 30 అడుగుల ఎత్తుతో రూపొందించారు. దాదాపు 25 మంది నెల రోజులు శ్రమించి సెట్‌ను రూపొందించారు. ప్రకృతికి విఘాతం కలిగించకుండా ఆర్ట్ డిపార్ట్‌మెంట్ పలు జాగ్రత్తలు తీసుకుని సెట్స్ వేశారు. సహజత్వంగా ఉండటం కోసం ఏజింగ్ టెక్నిక్స్ కూడా ఉపయోగించారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by ABP Desam (@abpdesam)

'ది ప్యారడైజ్' సినిమాకు శ్రీకాంత్ ఓదెల దర్శకత్వం వహిస్తున్నారు. దీనికి ముందు నాని హీరోగా నటించిన 'దసరా'తో ఆయన దర్శకుడిగా పరిచయం అయ్యారు. ఆ సినిమా ప్రొడ్యూస్ చేసిన సుధాకర్ చెరుకూరి ఈ 'ప్యారడైజ్'ను కూడా నిర్మిస్తున్నారు. ఆగస్టు 21న ఈ సినిమా విడుదల కానుంది.