Indian National Flag: 15 వేల ఫీట్ల ఎత్తులో 76 అడుగుల మువ్వన్నెల జెండా

15వేల అడుగుల ఎత్తులో 76 అడుగుల భారీ జాతీయ జెండా రెపరెపలాడింది. లద్దాఖ్‌లో ఇండియన్ ఆర్మీ ఈ జెండాను ఎగురవేసింది.

15 వేల ఫీట్ల ఎత్తులో 76 అడుగుల మువ్వన్నెల జెండా

కేంద్ర‌పాలిత ప్రాంతం ల‌ద్దాఖ్‌లో మువ్వన్నెల జెండా రెపరెపలాడింది. హాన్లే వ్యాలీలో 15 వేల అడుగుల అత్యంత ఎత్త‌యిన ప్ర‌దేశంలో 76 అడుగుల పొడవుగ‌ల‌ జాతీయ ప‌తాకాన్ని ఎగురవేశారు. ఇండియ‌న్ ఆర్మీ, ఫ్లాగ్ ఫౌండేష‌న్ క‌లిసి ఈ జాతీయ ప‌తాకాన్ని రూపొందించారు. 

#AzadiKaAmritMahotsav
A 76 ft tall #NationalFlag at 15000ft constructed by #IA and Flag foundation Of India, hoisted overlooking the #Hanle Valley by #TheUltimateForce. #IA @adgpi @NorthernComd_IA @lg_ladakh @jtnladakh @R_K_Mathur @jtnladakh @LAHDC_LEH @LAHDC_K @FerozKhan_Kgl pic.twitter.com/9lhRpB6jXt

— @firefurycorps_IA (@firefurycorps) November 21, 2021

ఇండియ‌న్ ఆర్మీలోని ఫైర్ అండ్ ఫ్యూరీ కార్ప్స్ త‌న ట్విట్ట‌ర్ ఖాతాలో ఈ వీడియోను పోస్ట్ చేసింది. గత ఏడాది లద్దాఖ్, జమ్ముకశ్మీర్‌ను రెండు కేంద్ర పాలిత ప్రాంతాలుగా మారుస్తూ కేంద్రం నిర్ణయం తీసుకుంది. తూర్పు లద్దాఖ్‌లో చైనాతో ఇప్పటికే భారత్‌కు సరిహద్దు సమస్యలు నెలకొన్నాయి. మన భూభాగాన్ని చైనా దురాక్రమణ చేసేందుకు ప్రయత్నించగా భారత్ అడ్డుకుంటోంది. ఈ సమస్యలపైనే త్వరలో రెండు దేశాల సైనికాధికారులు మరోసారి చర్చించనున్నారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి