Farm Laws Repeal: సాగు చట్టాలపై భాజపా షాకింగ్ కామెంట్స్.. కావాలంటే మళ్లీ తీసుకొస్తారట!

సాగు చట్టాలను కావాలంటే తిరిగి తీసుకొస్తామని కొందరు భాజపా నేతలు సంచలన వ్యాఖ్యలు చేశారు.

సాగు చట్టాలపై భాజపా షాకింగ్ కామెంట్స్..!

నూతన సాగు చట్టాలను రద్దు చేస్తున్నట్లు ప్రధాని మోదీ ఇటీవల ప్రకటించారు. రైతులకు ఇబ్బంది కలిగించి ఉంటే క్షమించాలని కూడా అన్నారు. అయితే తాజాగా కొందరు భాజపా నేతలు చేస్తోన్న వ్యాఖ్యలు రైతులను అయోమయంలో పడేస్తున్నాయి. అవసరమైతే కొద్ది రోజుల తర్వాత సాగు చట్టాలను తిరిగి తీసుకురావొచ్చని రాజస్థాన్ గవర్నర్ కల్‌రాజ్ మిశ్రా అన్నారు.

" కొత్త సాగు చట్టాల వల్ల కలిగే లాభాలను రైతులకు వివరించేందుకు ప్రభుత్వం ప్రయత్నించింది, కానీ కొంతమంది రైతులు.. ఆ చట్టాలను రద్దు చేయాలని డిమాండ్ చేశారు. దీంతో ప్రభుత్వం వాటిని వెనక్కి తీసుకోవాలనుకుంది. కానీ కావాలనుకుంటే వాటిని మళ్లీ తిరిగి తీసుకురావొచ్చు. కానీ రైతులు రద్దు చేయాలని డిమాండ్ చేస్తున్నారు కనుక ప్రస్తుతం వాటిని వెనక్కి తీసుకుంటుంది ప్రభుత్వం.                                                             "

-కల్‌రాజ్ మిశ్రా, రాజస్థాన్ గవర్నర్

రాజస్థాన్ గవర్నర్ చేసిన వ్యాఖ్యలను పలువురు భాజపా నేతలు సమర్థించారు. ప్రభుత్వం కావాలనుకుంటే వాటిని తిరిగి తీసుకురావొచ్చన్నారు.

[quote author=సాక్షి మహారాజ్, భాజపా ఎంపీ]ఈ సాగు చట్టాల రద్దుకు, ఎన్నికలకు ఎలాంటి సంబంధం లేదు. మోదీకి దేశమే ముఖ్యం. మళ్లీ ఇవి పార్లమెంటుకు వస్తాయి రద్దు చేస్తారు. కావాలనుకుంటే మళ్లీ రీడ్రాఫ్ట్ చేసి చట్టాలుగా మారుస్తారు. అయితే మోదీ తీసుకున్న నిర్ణయాన్ని మేం స్వాగతిస్తున్నాం.                                                    [/quot

రైతులకు క్షమాపణలు..

దాదాపు ఏడాదిగా నూతన సాగు చట్టాలను రద్దు చేయాలని రైతులు ఆందోళన చేస్తున్నారు. అయితే వీటిపై వెనక్కి తగ్గేదే లేదని పలుమార్లు చెప్పిన మోదీ సర్కార్ ఎట్టకేలకు ఈ చట్టాలను వెనక్కి తీసుకుంటున్నట్లు ప్రకటించింది. ప్రధాని నరేంద్ర మోదీ స్వయంగా ఈ ప్రకటన చేసి అందరినీ ఆశ్చర్యపరిచారు. ఉత్తర్‌ప్రదేశ్, పంజాబ్ అసెంబ్లీ ఎన్నికలు దగ్గరపడుతోన్న వేళ మోదీ తీసుకున్న ఈ నిర్ణయంపై విశ్లేషకులు కూడా భిన్నాభిప్రాయలు వ్యక్తం చేస్తున్నారు. ఎన్నికల్లో గెలుపు కోసమే మోదీ ఈ నిర్ణయం తీసుకున్నట్లు విశ్లేషకులు అంటున్నారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి