Hyderabad Crime News: తుపాకీతో కాల్చుకుని హైడ్రా కమిషనర్ గన్మెన్ ఆత్మహత్యాయత్నం.. బెట్టింగ్ యాప్స్తో నష్టాలు!
తుపాకీతో కాల్చుకుని హైడ్రా కమిషనర్ రంగనాథ్ గన్మెన్ కృష్ణ చైతన్య ఆత్మహత్యాయత్నం చేశాడు. బెట్టింగ్ యాప్స్తో నష్టాలు, అప్పులతో తుపాకీతో కాల్చుకున్నట్లు అనుమానిస్తున్నారు.
హైదరాబాద్: హైడ్రా (HYDRAA) కమిషనర్ ఏవీ రంగనాథ్ వ్యక్తిగత భద్రతా అధికారి (గన్మెన్) కృష్ణ చైతన్య ఆత్మహత్యాయత్నం చేయడం కలకలం రేపింది. ఈ సంఘటనకు సంబంధించి పూర్తి వివరాలు ఇలా ఉన్నాయి. హైదరాబాద్లోని హయత్ నగర్ పరిధిలో ఉన్న తన నివాసంలో కృష్ణ చైతన్య తన సర్వీస్ రివాల్వర్తో కాల్చుకుని ఆత్మహత్యకు ప్రయత్నించారు. కాల్పుల శబ్దం విన్న కుటుంబ సభ్యులు వెంటనే స్పందించి, తీవ్ర రక్తస్రావంతో ఉన్న ఆయన్ని చికిత్స నిమిత్తం ఎల్బీనగర్లోని కామినేని ఆసుపత్రికి తరలించారు. ప్రస్తుతం ఆయన ఆరోగ్య పరిస్థితి అత్యంత విషమంగా ఉన్నట్లు వైద్యులు తెలిపారు.
అప్పులు, బెట్టింగ్ వ్యసనం
ప్రాథమిక సమాచారం ప్రకారం, కృష్ణ చైతన్య గత కొంతకాలంగా ఆన్లైన్ బెట్టింగ్ యాప్స్కు బానిసైనట్లు తెలుస్తోంది. ఈ క్రమంలో ఆయన భారీగా డబ్బులు నష్టపోయారని, ఆ నష్టాలను పూడ్చుకోవడానికి పలువురి వద్ద పెద్ద మొత్తంలో అప్పులు చేసినట్లు సమాచారం. ఆర్థిక ఇబ్బందులు ముదిరిపోవడం, అప్పుల వారి ఒత్తిడి తట్టుకోలేక తీవ్ర మానసిక వేదనకు గురై ఈ విపరీత నిర్ణయం తీసుకున్నట్లు పోలీసులు భావిస్తున్నారు.
నేటి కాలంలో ఆన్లైన్ బెట్టింగ్ ప్రమాదాలు
ఈ ఘటన ఆన్లైన్ గేమింగ్, బెట్టింగ్ యాప్స్ ఎంతటి ప్రమాదకరమో మరోసారి నిరూపిస్తోంది. చాలా మంది యువకులు మరియు ఉద్యోగులు తక్కువ సమయంలో ఎక్కువ డబ్బు సంపాదించాలనే ఆశతో వీటిలో చిక్కుకుని ఆర్థికంగా దివాళా తీస్తున్నారు. కుటుంబ సభ్యులకు దూరం అవుతున్నారు. తీవ్రమైన మానసిక ఒత్తిడికి లోనై చివరకు ప్రాణాల మీదకు తెచ్చుకుంటున్నారు.
టాప్ హెడ్ లైన్స్
ట్రెండింగ్ వార్తలు
