Healthy Recipes : వంట గ్యాస్ లేకున్నా చేసుకోగలిగే హెల్తీ రెసిపీ.. టేస్టీ ఫుడ్తో బరువు కూడా తగ్గొచ్చు
No-Cook Healthy Recipe : గ్యాస్ లేకుండానే సింపుల్గా కొన్ని హెల్తీ రెసిపీలు తయారుచేసుకోవచ్చు. అలాంటి వాటిలో యోగర్ట్తో చేసుకోగలిగే హెల్తీ రెసిపీ కూడా ఒకటి. మరి దీనిని ఎలా చేసుకోవాలో చూసేద్దాం.
- వంట గ్యాస్ అవసరం లేకుండా గ్రీక్ యోగర్ట్ సిద్ధం చేయవచ్చు.
- గ్రీక్ యోగర్ట్, నట్స్, గింజలతో నిమిషాల్లో రెసిపీ తయారీ.
- ఈ మిశ్రమం ప్రోటీన్, మంచి కొవ్వులతో శరీరానికి శక్తినిస్తుంది.
- జీర్ణక్రియ, మెదడు పనితీరును మెరుగుపరిచి బరువు తగ్గడంలో సహాయపడుతుంది.
No Gas Needed Quick Greek Yogurt Recipe : వంట గ్యాస్ లేకపోయినా కూడా ఆరోగ్యకరమైన ఆహారం తినడానికి ఎన్నో సింపుల్ మార్గాలు ఉన్నాయి. అలాంటి వాటిలో నట్స్, సీడ్స్తో చేసుకునే హెల్తీ రెసిపీ ఉంది. దీనిని వండాల్సిన అవసరం లేదు. కేవలం కొన్ని నిమిషాల్లోనే టేస్టీగా, హెల్తీగా తినేందుకు ఇది బెస్ట్ ఆప్షన్. అలాగే ఇది శరీరానికి అవసరమైన ప్రోటీన్, మంచి కొవ్వులు, విటమిన్లు అందిస్తుంది. మరి దీనిని ఎలా తయారు చేసుకోవాలో.. కావాల్సిన పదార్థాలు ఏంటో చూసేద్దాం.
నట్స్ & సీడ్స్తో గ్రీక్ యోగర్ట్ కోసం కావాల్సిన పదార్థాలు
గ్రీక్ యోగర్ట్ – ఒక బౌల్
బాదం – 4 నుంచి 5
వాల్నట్స్ – 2 నుంచి 3
గుమ్మడికాయ గింజలు (Pumpkin seeds) – ఒక టీ స్పూన్
తేనె – కొద్దిగా (పూర్తిగా ఆప్షనల్)
గ్రీక్ యోగర్ట్
గ్రీక్ యోగర్ట్ అనేది కొందరికి తెలియదు. ఇది సాధారణ పెరుగు కన్నా కాస్త మందంగా ఉంటుంది. దీనిని ప్రత్యేకంగా వడకట్టే ప్రక్రియలో తయారు చేస్తారు. అందువల్ల దీనిలో సాధారణ పెరుగు కంటే ఎక్కువ ప్రోటీన్ ఉంటుంది. జీర్ణక్రియకు కూడా సహాయం చేస్తుంది.
తయారీ విధానం
ఒక బౌల్లో గ్రీక్ యోగర్ట్ వేసి దానిపై బాదం, వాల్నట్స్, గుమ్మడికాయ గింజలు చల్లి కలిపితే సరిపోతుంది. కావాలంటే కొద్దిగా తేనె కూడా కలిపి తినవచ్చు. అంతే… హెల్తీ రెసిపీ రెడీ. దీనిని పిల్లల నుంచి పెద్దలవరకు అందరూ తీసుకోవచ్చు. ఎందుకుంటే ఇది ఆరోగ్యానికి ఎన్నో ప్రయోజనాలు అందిస్తుంది.
ఆరోగ్య ప్రయోజనాలు
దీనిని తీసుకోవడం వల్ల శరీరానికి ప్రోటీన్ ఎక్కువగా అందుతుంది. శరీరానికి శక్తి ఇస్తుంది. నట్స్, సీడ్స్లో ఉండే మంచి కొవ్వులు నెమ్మదిగా జీర్ణమవుతాయి. అందువల్ల ఎక్కువసేపు తృప్తిగా ఉంటుంది. ఆకలి వేయదు. చిరుతిళ్ల జోలికి వెళ్లరు. యోగర్ట్లో ఉండే ప్రోబయోటిక్స్ గట్ హెల్త్ను మెరుగుపరుస్తాయి. వాల్నట్స్, బాదంలో ఉండే పోషకాలు మెదడు పనితీరును మెరుగుపరచడంలో సహాయపడతాయి.
బరువు తగ్గాలనుకునేవారికి..
ఈ రెసిపీలోనీ ప్రోటీన్, ఫైబర్ వల్ల ఆకలి తగ్గి బరువు నియంత్రణలో ఉంటుంది. కాబట్టి బరువు తగ్గాలనుకునేవారు కూడా దీనిని తమ డైట్లో చేర్చుకోవచ్చు. ఉదయం బ్రేక్ఫాస్ట్గా తీసుకుంటే రోజంతా ఎనర్జీగా ఉంటుంది. వర్క్ఔట్ తర్వాత కూడా తీసుకోవచ్చు. దీనివల్ల కండరాల రికవరీకి సహాయపడుతుంది. సాయంత్రం హెల్తీ స్నాక్గా తినవచ్చు.
మరి ఇంకెందుకు ఆలస్యం వంట గ్యాస్ లేకపోయినా.. ఉన్న గ్యాస్ సేవ్ చేస్తూ హెల్తీగా ఉండాలనుకున్నా.. ఈ ఇలా సింపుల్ గ్రీక్ యోగర్ట్ రెసిపీని తయారుచేసుకోండి.
టాప్ హెడ్ లైన్స్
ట్రెండింగ్ వార్తలు
