Karthika Deepam జులై 15 ఎపిసోడ్ 1405: శాడిస్ట్ లా తయారైన శౌర్య - హిమ అనుకుని రౌడీబేబీకి మళ్లీ ఐ లవ్ యూ చెప్పిన డాక్టర్ సాబ్

Karthika Deepam july 15 Episode 1405: బుల్లితెర ప్రేక్షకుల్ని మెప్పిస్తోన్న ‘కార్తీకదీపం’ సీరియల్ లో ప్రస్తుతం హిమ-జ్వాల(శౌర్య) చుట్టూ కథ నడుస్తోంది. ఈ రోజు ఎపిసోడ్ లో ఏం జరిగిందంటే...

Karthika Deepam july 15 Episode 1405 (Image Credit: Star Maa/Hot Star)

కార్తీకదీపం జులై 15 శుక్రవారం ఎపిసోడ్ (Karthika Deepam july 15 Episode 1405)

బయటి నుంచి హిమను భోజనానికి రమ్మని సౌందర్య పిలుస్తుంది. తాను వెళ్లి కూర్చుంటే శౌర్య తినదేమో అని ఆలోచించిన హిమ తర్వాత తింటాను అంటుంది. నేనిక్కడ ఉన్నానని భయపడుతోందా అనుకున్న శౌర్య...నానమ్మ రమ్మని చెప్పు అంటుంది. మనం తిన్న తర్వాత తినడం ఏంటి వచ్చి కూర్చోమను అంటుంది. హిమ సంతోషంగా భోజనానికి కూర్చుంటుంది. నా కళ్లలోకి కళ్లు పెట్టి చూస్తూ తినమని చెప్పు..చేసిన ద్రోహం నన్ను చూసి ప్రతిక్షణం గుర్తుకురావాలి, తినే ప్రతీసారీ నా కడుపుమంట తెలియాలి అంటుంది... 

అటు నిరుపమ్ ఫోన్లో హిమ ఫొటో చూసి తనతో తానే మాట్లాడుకుంటాడు
నీకు నేనంటే ఇష్టం అని తెలుసు అయినా కూడా నీ మనసులో ప్రేమను చంపుకుని జ్వాలని పెళ్లిచేసుకోమంటున్నావ్ ఎందుకిదంతా..జ్వాలే శౌర్య అని నాకు ఇప్పుడు తెలిసింది కానీ నీ మనసులో ఏముందో తెలియడం లేదు. ఈ గందరగోళం ఏంటో నేను క్లియర్ చేసుకుంటాను. నీ మనసులో ఏముందో తెలుసుకుంటాను. శుభలేఖల వరకూ వచ్చిన పెళ్లిని పీటల వరకూ తీసుకెళ్లడం కష్టం కాదు కానీ ఈ చిక్కుముడులు నువ్వే విప్పాలి.

ఇంట్లో కూర్చుని హిమ తనలో తాను మాట్లాడుకుంటుంది
నువ్వు ఇంట్లో అడుగుపెట్టడం నాకు ఆనందం...నీకోపం ఎప్పుడు తీరుతుందో అర్థంకావడం లేదు. నీ చూపులు నేను తట్టుకోలేకపోతున్నాను, నీతో మాట్లాడలన్నా భయం వేస్తోంది. నిరుపమ్ బావతో నీ పెళ్లి చేయాలనే ఉద్దేశంతోనే క్యాన్సర్ అని అబద్ధం ఆడాను. కానీ ఆ విషయం నీకు అర్థం కావడం లేదు. నాపై కోపం తెచ్చుకుని నేనేదో నీదగ్గర్నుంచి బావని లాక్కుంటున్నట్టు అపార్ఠం చేసుకుం  టున్నావ్. కానీ నీదగ్గరకు వచ్చి మాట్లాడితే కోపంతో ఎక్కడ వెళ్లిపోతావో అని భయం వేస్తోంది. నిన్ను అపురూపంగా చూసుకోవాలి...నీ మనసులో ఉన్న కోపాన్ని నేనే తగ్గించాలి....

సౌందర్య-ఆనందరావు: చిన్నప్పుడూ ఇద్దరూ ముద్దుగా కలసి మెలసి ఉండేవారు..ఇప్పుడేంటో ఇలా అయిపోయారు..వీళ్లిద్దరి మధ్యా దూరం ఎప్పుడు తగ్గుతుందో అని ఆనందరావు అంటే... అది రావడమే గొప్ప..రాగానే అలాంటి ప్రయత్నం చేస్తే మళ్లీ వెళ్లిపోయినా అంటుంది సౌందర్య. మరోవైపు తెల్లారగానే ప్లాన్ ప్రకారం  ఇంట్లో బట్టలన్నీ ఉతకడానికి వేసేసిన సౌందర్య-ఆనందరావు...హిమకి-శౌర్యకి సేమ్ డ్రెస్ వేసుకునేలా ప్లాన్ చేస్తారు.     

అటు ప్రేమ్...హిమను గుర్తుచేసుకుంటాడు. నా మనసులో ఉన్న మాటని నీకు వీడియో పంపించాను నువ్వు చూడలేదు అనుకుంటాడు. నువ్వు నిరుపమ్ తో పెళ్లి వద్దన్నావ్....ఏం జరుగుతుందో ఏంటో అనుకుంటాడు. ఇంతలో శౌర్య-హిమ ఇద్దరూ నానమ్మ-తాతయ్య ఇచ్చిన డ్రెస్ వేసుకుని వస్తారు. ఒకరికి తెలియకుండా మరొకరు సేమ్ డ్రెస్ వేసుకుని ఎదురు పడగానే ఒకర్నొకరు చూసుకుని షాక్ అవుతారు.  డ్రెస్ లు ఒకటైనంత మాత్రాన మనుషులు ఇద్దరూ ఒక్కటే ఎందుకవుతారు. ఇదంతా నీ ప్లానేనా నాకు తెలుసు అంటుంది. హిమ చెప్పేందుకు ట్రై చేసినా శౌర్య అస్సలు విననే వినదు.  ఇలాంటి పిచ్చి పనులు ఇంకోసారి చేస్తే నా కోపం ఏంటో నీకు తెలుసు కదా అంటుంది. నిరుపమ్ కాల్ చేయడంతో వస్తున్నాను బావా అని వెళ్లిపోతుంది హిమ.

మరోవైపు స్వప్న..నిరుపమ్ మాటలు గుర్తుచేసుకుని టెన్షన్ పడుతుంటుంది. ప్రేమ్ ఆ పరిష్కారం ఏంటో త్వరగా చెప్పరా అంటే...నిరుపమ్ ఎట్టి పరిస్థితుల్లోనూ హిమను పెళ్లిచేసుకోడు అని చెప్పేస్తాడు. ఆ మాటకి స్వప్న సంతోషిస్తుంది. హోటల్లో కలసిన నిరుపమ్ పెళ్లిపై హిమకు క్లారిటీ ఇస్తాడు. శౌర్యపై నీకు ప్రేమ ఉంటే ఇంకేదైనా సహాయం చేయి కానీ... పెళ్లి మధ్యలోకి తనని లాగొద్దు అని చెబుతాడు. బావ కోపంగా ఉన్నట్టున్నాడు ఇలాంటి టైమ్ లో శౌర్య గురించి చెప్పకపోవడమే మంచిది అనుకుంటుంది హిమ. ఇంతలో అక్కడకు వచ్చిన శౌర్య....హిమ-నిరుపమ్ ని చూసి కోపంగా వెళ్లిపోతుంది. ఆ వెంటనే హిమ కూడా లేచి వెళ్లిపోతుంది. నిరుపమ్ ఎంత పిలుస్తున్నా నన్ను క్షమించు బావా అనుకుంటూ వెళ్లిపోతుంది. ఇంటికి కోపంగా వచ్చిన శౌర్యని చూసి సౌందర్య షాక్ అవుతుంది. ఇప్పుడే వెళ్లావ్ అప్పుడే వచ్చావేంటి అంటుంది. బయటకు వెళ్లిన వెంటనే ఇంట్లోకి రాకూడదని మీ ఇంట్లో రూల్ ఉందా అని రివర్సవుతుంది. ఆ వెనుకే హిమ వస్తుంది.  సౌందర్య ఆనందరావు ఇద్దరూ పిలుస్తున్నా వినకుండా హిమ కూడా లోపలకు వెళ్లిపోతుంది. 

డాక్టర్ సాబ్ తో పెళ్లిచేసే బాధ్యత నాది అన్నావ్ నువ్వే పెళ్లిచేసుకుంటున్నావ్ అంటూ కోపంగా ఏరోస్ విసురుతుంటుంది శౌర్య. అంత కోపం ఉంటే ఫొటోపై విసరడం ఎందుకు నాపై విసురు అని వచ్చి నిల్చుంటుంది. నీ ప్లాన్ లో ఇదో భాగమా అని శౌర్య అంటే...ప్లాన్ ఏదీ లేదు నీకు ఎన్నిసార్లు చెప్పినా వినడం లేదు...నన్ను చెప్పనీయడం లేదు అంటుంది...

రేపటి( శనివారం) ఎపిసోడ్ లో
హిమ-శౌర్య సేమ్ డ్రెస్ వేసుకోవడంతో హిమ అనుకుని శౌర్యకి ఐ లవ్ యూ చెప్పి...అక్కడున్నది శౌర్య అని తెలియగానే sorry అంటాడు. మరోవైపు నాపై ప్రేమ ఉంటే శౌర్యని పెళ్లిచేసుకో బావా అని అడుగుతుంది. ఇదంతా విన్న రౌడీ బేబీ... హిమా నాకోసం ఇంత చేస్తున్నావా అని హగ్ చేసుకుంటుంది.  (ఇది కలో నిజమో తెలియదు కానీ రౌడీ బేబీ మారినట్టు చూపించారు)