Sirivennela: నెల రాజుని... ఇల రాణిని... కలిపింది కదా 'సిరివెన్నెల'! ఆయన చివరి సంతకం విన్నారా?

'శ్యామ్ సంగ రాయ్' సినిమాలో రెండు పాటలను దివంగత రచయిత 'సిరివెన్నెల' రాశారు. అందులో ఓ పాటను ఆయన రాశారు. నేడు దానిని విడుదల చేశారు.

Written By : ABP Desam | Updated at : 07 Dec 2021 04:31 PM (IST)

Sirivennela Song from Shyam Singha Roy is out now Sirivennela: నెల రాజుని... ఇల రాణిని... కలిపింది కదా 'సిరివెన్నెల'! ఆయన చివరి సంతకం విన్నారా?

'శ్యామ్ సింగ రాయ్'లో సాయి పల్లవి, నాని

'నెల రాజుని... ఇల రాణిని... కలిపింది కదా సిరివెన్నెల! దూరమా... దూరమా... తీరమై చేరుమా' - 'శ్యామ్ సింగ రాయ్'లో 'సిరివెన్నెల' సీతారామశాస్త్రి రాసిన ఓ పాటలో కొన్ని పంక్తులు ఇవి. పాటలో ఆయన ఇంటి పేరుగా మారిన తొలి సినిమా పేరు వచ్చేలా రాశారు. 'సిరివెన్నెల చివరి సంతకం' పేరుతో నేడు ఈ పాటను చిత్రబృందం విడుదల చేసింది.

సిరివెన్నెల చివరి సంతకం! ✍️❤️

The Last Song of the Legendary #SirivennelaSeetharamaSastry Garu 🙏 #Sirivennela Lyrical Song from #ShyamSinghaRoy is out now!!

▶️https://t.co/ecCzuPULfz @NameisNani @Sai_Pallavi92 @MickeyJMeyer @anuragkulkarni_ @Rahul_Sankrityn @NiharikaEnt
— Niharika Entertainment (@NiharikaEnt) December 7, 2021

'తన నవ్వుల్లో తళుకు తళుకు... తన చెంపలలో చెమకు చెమకు... తమ మువ్వల్లో ఝనకు ఝనకు... సరికొత్త కళ' అంటూ ఈ పాటలో కథానాయికను కథానాయకుడు వర్ణించడమూ ఉంది. ఆ తర్వాత
'చాంగురే ఇంతటిదా నా సిరి...
అన్నది ఈ శారద రాతిరి...
మిలమిలా చెలి కన్నుల తన కళలను కనుగొని అచ్చెరువున మురిసి...
అయ్యహో ఎంతటిదీ సుందరి!
ఎవ్వరూ రారు కదా తన సరి...
సృష్టికే అద్దము చూపగా పుట్టినదేమో నారి సుకుమారి...
ఇది నింగికి నెలకు జరిగిన పరిచయమే' అంటూ 'సిరివెన్నెల' మార్క్ సాహిత్యమూ ఉంది. మిక్కీ జే. మేయర్ ఈ పాటకు చక్కటి బాణీ అందించగా... అనురాగ్ కులకర్ణి ఆలపించారు.
Also Read: ఏదో ఏదో... పాటలోనూ మళ్లీ ముద్దును చూపించారు! మరి, మరో ముద్దును?
నాని, సాయి పల్లవిపై ఈ పాటను తెరకెక్కించారు. సాయి పల్లవి కాకుండా ఈ సినిమాలో కృతీ శెట్టి, మడోన్నా సెబాస్టియన్ హీరోయిన్లుగా నటించారు. రాహుల్ సంకృత్యాన్ దర్శకత్వంలో 'శ్యామ్ సింగ రాయ్' సినిమాను వెంకట్ బోయనపల్లి నిర్మించారు. డిసెంబర్ 24న సినిమా ప్రేక్షకుల ముందుకు రానుంది.
'Sirivennela' Lyrical song from Shyam Singha Roy: