Ustaad Bhagat Singh Trailer Tease: దమ్మున్నోడు దాటొచ్చు... 'ఉస్తాద్' ట్రైలర్‌కు ముందు పవన్ పవర్‌ఫుల్ డైలాగ్స్‌తో గ్లింప్స్‌

Ustaad Bhagat Singh Trailer: పవర్ స్టార్ పవన్ కళ్యాణ్ 'ఉస్తాద్ భగత్ సింగ్' ట్రైలర్ త్వరలో విడుదల కానుంది. దానికి ముందు ట్రైలర్ టీజ్ పేరుతో కల్ట్ కెప్టెన్ హరీష్ శంకర్ మార్క్ గ్లింప్స్ రిలీజ్ చేశారు.

ఉస్తాద్ భగత్ సింగ్ ట్రైలర్ టీజ్... పవన్ కళ్యాణ్ మార్క్ డైలాగ్స్ తో అభిమానుల్లో ఉత్సాహం

Source : https://www.instagram.com/mythriofficial/

పవర్ స్టార్ పవన్ కళ్యాణ్ (Pawan Kalyan) అభిమానులు మాత్రమే కాదు... తెలుగు ప్రేక్షకులు అంతా ఆసక్తిగా ఎదురు చూస్తున్న సినిమా 'ఉస్తాద్ భగత్ సింగ్' (Ustaad Bhagat Singh). త్వరలో ట్రైలర్ విడుదల చేయనున్నారు. దానికి ముందు ట్రైలర్ టీజ్ పేరుతో కల్ట్ కెప్టెన్ హరీష్ శంకర్ నుంచి ఆయన మార్క్ డైలాగులతో కూడిన గ్లింప్స్‌ విడుదలైంది. అది అభిమానుల్లో ఉత్సాహాన్ని నింపుతోంది. 

భగవద్గీత కాదు... ఇది భగత్ గీత!
పవన్ కళ్యాణ్, హరీష్ శంకర్ కలయికలో వచ్చిన 'గబ్బర్ సింగ్' సినిమా, అందులో డైలాగులు ఇప్పటికీ అభిమానుల నోట వినిపిస్తూ ఉంటాయి. 'ఉస్తాద్ భగత్ సింగ్' సినిమాలోనూ అంతకు మించి డైలాగులు ఉంటాయని అర్థం అవుతోంది.

వాయిస్ ఓవర్‌లో భగవద్గీత వినిపిస్తూ ఉంటే... తెరపై పవన్ పవర్ ఫుల్ అవతార్ చూపించారు. ఆ వాయిస్ ఆగిన తర్వాత 'ఇప్పటి వరకు విన్నది భగవద్గీత. ఇది భగత్ గీత. దమ్మునోడు దాటొచ్చు' అని తనదైన శైలిలో పవర్ ఫుల్ పంచ్ డైలాగ్ చెప్పారు పవన్ కళ్యాణ్. ఆయన స్టైలిష్ స్క్రీన్ ప్రెజెన్స్, డైలాగ్స్, బాడీ లాంగ్వేజ్ అభిమానులతో పాటు ప్రేక్షకులను ఎంతో ఆకట్టుకుంటున్నాయి. దీనికి తమన్ మాంచి బ్యాగ్రౌండ్ స్కోర్ ఇచ్చారు.

మార్చి 19వ తేదీన థియేటర్లలోకి 'ఉస్తాద్ భగత్ సింగ్'ను తీసుకు వస్తున్న సంగతి తెలిసిందే. త్వరలో ట్రైలర్ విడుదల చేయనున్నారు. ఈ చిత్రానికి రాక్‌ స్టార్ దేవి శ్రీ ప్రసాద్ పాటలు అందించగా... ఎస్ తమన్ నేపథ్య సంగీతం అందిస్తున్నారు. ఈ చిత్రాన్ని మైత్రీ మూవీ మేకర్స్ పతాకంపై నవీన్ యెర్నేని, రవిశంకర్ యలమంచిలి అత్యంత ప్రతిష్టాత్మకంగా నిర్మిస్తున్నారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Mythri Movie Makers (@mythriofficial)

పవన్ కళ్యాణ్ సరసన శ్రీలీల, రాశి ఖన్నా హీరోయిన్లుగా నటించిన ఈ సినిమాలో పార్థిబన్ విలన్. ఈ చిత్రానికి కథనం: కె. దశరథ్ - రమేష్ రెడ్డి, రచనా సహకారం: ప్రవీణ్ వర్మ - చంద్ర మోహన్, కూర్పు: కార్తిక శ్రీనివాస్, కళ: ఆనంద్ సాయి, సీఈఓ: చెర్రీ, ఎగ్జిక్యూటివ్ నిర్మాతలు: ఆర్. చంద్రశేఖర్ - దినేష్ నరసింహన్, క్రియేటివ్ ప్రొడ్యూసర్: హరీష్ పై, ఫైట్స్: రామ్ లక్ష్మణ్ - నబకాంత్ - పృథ్వీ.