Regina Cassandra: చిరు కోసం ఒప్పుకున్నా.. ఇంకెప్పటికీ అలా చేయను.. రెజీనా వ్యాఖ్యలు..

చిరంజీవి గారి పక్కన సాంగ్ చేయాలని చెప్పినప్పుడు ఏ మాత్రం ఆలోచించకుండా ఓకే చెప్పేశానని తెలిపింది రెజీనా కసాండ్ర.

రెజీనా వ్యాఖ్యలు..

టాలీవుడ్ లో టాప్ హీరోయిన్ గా గుర్తింపు తెచ్చుకున్న రెజీనా.. తెలుగులో చివరిగా 'ఎవరు' అనే సినిమాలో కనిపించింది. ఆ తరువాత కోలీవుడ్ లో వరుస అవకాశాలు రావడంతో అక్కడికి షిఫ్ట్ అయింది. తెలుగులో ప్రస్తుతం ఒకట్రెండు సినిమాలు చేస్తోంది. ఇదిలా ఉండగా.. తాజాగా విడుదలైన 'ఆచార్య' సినిమా ఐటెం సాంగ్ లో రెజీనా కనిపించింది. మెగాస్టార్ చిరంజీవితో కలిసి స్టెప్పులేసింది. 

అయితే ఈ ఐటెం సాంగ్ కేవలం చిరు కోసమే చేశానని చెబుతోంది రెజీనా. ఇదివరకు ఎప్పుడు ఇలాంటి పాటల్లో నటించలేదని.. కానీ కొణిదెల ప్రొడక్షన్స్ నుంచి కాల్ వచ్చి చిరంజీవి గారి పక్కన సాంగ్ చేయాలని చెప్పినప్పుడు ఏ మాత్రం ఆలోచించకుండా ఓకే చెప్పేశానని తెలిపింది. తన లైఫ్ లో ఐటెం సాంగ్ చేయడం ఇదే మొదటిసారి అని.. అలానే ఆఖరిసారి అని క్లారిటీగా చెప్పేసింది. 

ఇంతకముందు ఎప్పుడూ చిరంజీవి గారిని కలవలేదని.. సెట్ లో మొదటిసారి కలిసినప్పుడు కొంచెం భయపడ్డానని చెప్పింది. కానీ.. ఆయన యంగ్ జెనరేషన్ వాళ్లతో చాలా బాగా కలిసిపోతారని.. చాలా గ్రేస్ ఫుల్ గా డాన్స్ చేస్తారని చెప్పుకొచ్చింది. చిరంజీవి గారితో కలిసి పని చేయడం చాలా అద్భుతమైన అనుభవమని చెప్పుకొచ్చింది. 

ఇక ఈరోజు సాయంత్రం విడుదలైన ఈ పాట సోషల్ మీడియాలో వైరల్ అవుతోంది. కొరటాల శివ డైరెక్ట్ చేసిన 'ఆచార్య' సినిమా ఫిబ్రవరి 4న ప్రేక్షకుల ముందుకు రానుంది. ఈ సినిమాలో రామ్ చరణ్ మరో హీరోగా కనిపించనున్నారు. కాజల్ అగర్వాల్, పూజాహెగ్డే హీరోయిన్లుగా నటిస్తున్నారు.  

4M+ people are grooving to the Party Song #SaanaKastam 🕺💃

▶️ https://t.co/q4ZSaDk8OX#Acharya#AcharyaOnFeb4th

Megastar @KChiruTweets @AlwaysRamCharan #SivaKoratala @ReginaCassandra #ManiSharma @MatineeEnt @KonidelaPro @adityamusic pic.twitter.com/ElF18cQx13

— Konidela Pro Company (@KonidelaPro) January 3, 2022

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి