Vijay Deverakonda Rashmika : విజయ్ రష్మిక పోస్టర్ వెనుక ఎమోషనల్ స్టోరీ - రణబాలి దర్శకుడు ఏం చెప్పారంటే?
Ranabaali First Look : విరోష్ కపుల్ వెడ్డింగ్ సర్ప్రైజ్గా 'రణబాలి' నుంచి ఇద్దరి పోస్టర్తో పాటు పెళ్లి పాట కూడా రిలీజ్ చేశారు. ఈ పోస్టర్ ట్రెండ్ అవుతుండగా డైరెక్టర్ రాహుల్ ఎమోషనల్ స్టోరీ షేర్ చేశారు.
Rahul Sankrityan Reveal Story About Vijay Deverakonda Rashmika Mandanna Wedding Poster : స్టార్ హీరో విజయ్ దేవరకొండ, నేషనల్ క్రష్ రష్మిక వెడ్డింగ్ గిఫ్ట్గా శనివారం 'రణబాలి' నుంచి పోస్టర్ రిలీజ్ చేశారు. మూవీ సందర్భంగా విజయ్, రష్మిక పెళ్లి సందర్భంగా వచ్చిన పాటను సైతం విడుదల చేయగా ట్రెండ్ అవుతోంది.
మూవీలో రణబాలిగా విజయ్ దేవరకొండ, జయమ్మగా రష్మిక మందన్న నటిస్తున్నారు. వీరిద్దరి కాంబోలో మూడో మూవీ కావడంతో భారీ హైప్ క్రియేట్ అవుతోంది. ఇక పోస్టర్ విషయానికొస్తే... విజయ్ గంభీరంగా, భార్య జయమ్మ అమాయకంగా ఓ పాత తరం దంపతుల్లా ఉన్న లుక్ అదిరిపోయింది. ఈ జంట చూడ ముచ్చటగా ఉందంటూ ఫ్యాన్స్ కామెంట్స్ చేశారు.
పోస్టర్ వెనుక ఎమోషనల్ స్టోరీ
తాజాగా ఈ పోస్టర్ వెనుక ఉన్న ఎమోషనల్ స్టోరీని 'రణబాలి' డైరెక్టర్ రాహుల్ సంకృత్యాన్ షేర్ చేశారు. ఇది కేవలం పోస్టర్ మాత్రమే కాదని... ఎన్నో ఎమోషన్స్ దాగి ఉన్నాయని అన్నారు. 'నాకు పాత కాలం నాటి ఫోటోలంటే చాలా ఇష్టం. మా పేరెంట్స్, తాత మామ్మలు కెమెరా ముందు నిలబడి ఎలాంటి ఫోజులు ఇవ్వలేదు. రిహార్సల్స్ చేసి చిరునవ్వులు లేవు. అప్పట్లో కేవలం రియాలిటీ మాత్రమే ఉండేది. రణబాలి ప్రపంచాన్ని నిర్మిస్తున్నప్పుడు నేను అదే నిజాయతీని కోరుకున్నా.
1800ల చివరి కాలం నాటి నేపథ్యంలో రణబాలి ఉండనుంది. అప్పటి గాంభీర్యం, అమాయకత్వం, మట్టి, మనుగడ లోతుగా పాతుకుపోయాయి. అప్పటి వివాహ సంప్రదాయం కళ్లకు కట్టేలా ఈ పోస్టర్ డిజైన్ చేశాం. విజయ్, రష్మిక పెళ్లి దుస్తుల్లో వచ్చిన రోజు వారు నటులుగా కనిపించలేదు. ఆ పూర్వ కాలానికి చెందిన వారుగా కనిపించారు. ఎలాంటి స్టైలిష్ ఫోజులు లేకుండా కేవలం సాధారణ వ్యక్తుల్లాగా వారిని కెమెరాల్లో బంధించాం. వాళ్లు ఆ క్షణంలో ఎలా ఒదిగిపోయారో అనేది నన్ను కదిలించింది.' అంటూ రాసుకొచ్చారు.
STORY BEHIND THE WEDDING POSTER
— Rahul Sankrityan (@Rahul_Sankrityn) March 1, 2026
Yesterday, we released the wedding poster of Ranabaali.
But this wasn’t designed as a “poster.” It was a moment.
I’ve always been fascinated by old photographs — our parents, grandparents… the way they stood before a camera. No posing. No… pic.twitter.com/ppuBj9tMjQ
ఈ పోస్టర్ రిలీజ్ చేసే నాటికి వారు రియల్గా భార్యాభర్తలు కావడం ఆశ్చర్యంగా అనిపించిందని అన్నారు రాహుల్. ఒక్కోసారి సినిమా, నిజ జీవితం రెండూ పలకరించుకుంటాయని తెలిపారు. ఈ ఫోటో చూస్తుంటే వారి గత జన్మకు సంబంధించిన పెళ్లి ఫోటోలా అనిపించిందని చెప్పారు. కొన్ని బంధాలు శాశ్వతమైనవి అంటూ రాసుకొచ్చారు. తన ఫ్యామిలీ పాత ఫోటోలను షేర్ చేశారు.
Also Read : ఆ ఓటీటీలోకి నవాబ్ కేఫ్ - నెల రోజుల్లోపే స్ట్రీమింగ్... ఎప్పుడు, ఏ ప్లాట్ ఫాంలో అంటే?
ఈ మూవీకి రాహుల్ సంకృత్యాన్ దర్శకత్వం వహిస్తుండగా... విజయ్, రష్మికలతో పాటు ఆర్నాల్డ్ వోస్లో బ్రిటిష్ అధికారిగా నటిస్తున్నారు. మైత్రీ మూవీ మేకర్స్ బ్యానర్పై నవీన్ యెర్నేని, వై రవిశంకర్ నిర్మిస్తున్నారు. అజయ్ అతుల్ మ్యూజిక్ అందిస్తున్నారు. 1854 - 1878 మధ్య కాలంలో యదార్థ సంఘటనల ఆధారంగా ఈ మూవీని రూపొందించినట్లు తెలుస్తోంది. వరల్డ్ వైడ్గా సెప్టెంబర్ 11న సినిమా ప్రేక్షకుల ముందుకు రానుంది.
టాప్ హెడ్ లైన్స్
ట్రెండింగ్ వార్తలు
