Balakrishna: 'అన్ స్టాపబుల్' రివైండ్.. అల్లరి బాలయ్య..

బాలయ్య హోస్ట్ చేసిన ఎపిసోడ్స్ అన్నింటినీ రెండు నిమిషాల నిడివి గల ప్రోమోలో చూపించారు.

Written By : ABP Desam | Updated at : 19 Jan 2022 03:31 PM (IST)

'అన్ స్టాపబుల్' రివైండ్.. అల్లరి బాలయ్య..

నందమూరి బాలకృష్ణ ఆహా యాప్ లో 'అన్ స్టాపబుల్' షోని హోస్ట్ చేస్తోన్న సంగతి తెలిసిందే. ఈ షోకి మోహన్ బాబు, నాని, రానా, విజయ్ దేవరకొండ, రాజమౌళి, అల్లు అర్జున్, రవితేజ ఇలా పేరున్న సెలబ్రిటీలు చాలా మంది గెస్ట్ లుగా వచ్చారు. వారిని తన ప్రశ్నలతో ఓ ఆట ఆడుకున్నారు బాలయ్య. ఇప్పటివరకు విడుదలైన ఎపిసోడ్స్ అన్నింటికీ మంచి రెస్పాన్స్ వచ్చింది.

ఇప్పటివరకు ఏ టాక్ షోకి రానన్ని వ్యూస్ ఈ షో రాబడుతోంది. తాజాగా 'ఆహా' ఈ షోకి సంబంధించిన ప్రోమోను వదిలింది. అదొక రివైండ్ ప్రోమో. ఇప్పటివరకు బాలయ్య హోస్ట్ చేసిన ఎపిసోడ్స్ అన్నింటినీ రెండు నిమిషాల నిడివి గల ప్రోమోలో చూపించారు. ఇందులో బాలయ్య అల్లరికి ఫ్యాన్స్ ఫిదా అవుతున్నారు.

ఈ ప్రోమోను సోషల్ మీడియాలో షేర్ చేస్తూ.. ఈ షోకి సంబంధించిన స్పెషల్ ఎపిసోడ్ రాబోతుందంటూ క్యాప్షన్ ఇచ్చింది. దీంతో అందరూ మహేష్ బాబు ఎపిసోడ్ అంటూ కామెంట్స్ చేస్తున్నారు. ఇప్పటికే ఈ ఎపిసోడ్ కి సంబంధించిన ఫొటోలు సోషల్ మీడియాలో చక్కర్లు కొట్టాయి. మరికొన్ని రోజుల్లో ఈ ఎపిసోడ్ ని టెలికాస్ట్ చేయనున్నారని సమాచారం.

ఇక సినిమాల విషయానికొస్తే.. రీసెంట్ గా బాలయ్య నటించిన 'అఖండ' సినిమా ప్రేక్షకుల ముందుకు వచ్చి భారీ విజయాన్ని అందుకుంది. ప్రస్తుతం ఈ హీరో గోపీచంద్ మలినేని దర్శకత్వంలో ఓ సినిమా చేయనున్నారు. త్వరలోనే ఈ సినిమా రెగ్యులర్ షూటింగ్ మొదలుకానుంది.