Ram Gopal Varma: బాలయ్యకు వర్మ రిక్వెస్ట్.. 'అన్ స్టాపబుల్' షోలో ఛాన్స్ దొరుకుతుందా..?
ఏ విషయాన్నైనా ఓపెన్ గా మాట్లాడే వర్మ.. అంతే ఓపెన్ గా ప్రశ్నించే బాలయ్య 'అన్ స్టాపబుల్' షోలో కనిపిస్తే రచ్చ మాములుగా ఉండదు.
నందమూరి బాలకృష్ణ వెండితెరపైనే కాదు.. బుల్లితెరపై కూడా సత్తా చాటుతున్నారు. 'ఆహా' యాప్ లో 'అన్ స్టాపబుల్' షోకి ఆయన హోస్ట్ గా వ్యవహరిస్తున్నారు. సెలబ్రిటీలను తీసుకొచ్చి ఇంటర్వ్యూలు చేసే రెగ్యులర్ కాన్సెప్ట్ అయినప్పటికీ.. బాలయ్య తన హోస్టింగ్ స్కిల్స్ తో షోని ఎంటర్టైనింగ్ గా మార్చేశారు. దీంతో ఈ ఒక్క షోకి మిలియన్లలో వ్యూస్ వస్తున్నాయి. ఇప్పటివరకు టెలికాస్ట్ అయిన ఎపిసోడ్స్ అన్నీ హిట్టే.
అందుకే ఈ షోలో పాల్గొనాలని ఉందంటూ దర్శకుడు రామ్ గోపాల్ వర్మ ట్వీట్ వేశాడు. బాలయ్య హోస్ట్ చేసే ఈ షో అంటే తనకు చాలా ఇష్టమని.. ఛాన్స్ ఇస్తే ఈ షోలో పాల్గొనాలనుందంటూ ట్విట్టర్ వేదికగా బాలయ్యను కోరారు. దీంతో ఈ ట్వీట్ క్షణాల్లో వైరల్ అయింది. కానీ వెంటనే తన ట్వీట్ ను డిలీట్ చేశారు వర్మ. బాలయ్య-వర్మ కలిస్తే ఈ షో ఎలా ఉంటుందో చెప్పనక్కర్లేదు.
ఏ విషయాన్నైనా ఓపెన్ గా మాట్లాడే వర్మ.. అంతే ఓపెన్ గా ప్రశ్నించే బాలయ్య 'అన్ స్టాపబుల్' షోలో కనిపిస్తే రచ్చ మాములుగా ఉండదు. కానీ వర్మను పిలవడానికి బాలయ్య ఒప్పుకుంటారా అనే ప్రశ్నలు తలెత్తుతున్నాయి. ఎందుకంటే గతంలో ఎన్టీఆర్ జీవితం ఆధారంగా 'లక్ష్మీస్ ఎన్టీఆర్' సినిమాను తీశారు వర్మ. ఈ సినిమా ఎన్టీఆర్ ఇమేజ్ ని డ్యామేజ్ చేసేలా ఉందనేది బాలయ్య అభిప్రాయం.
కానీ వర్మపై తన కోపాన్ని ఎప్పుడూ ప్రదర్శించలేదు బాలయ్య. ఈ లెక్కన చూస్తే వర్మను షోకి పిలిచే ఛాన్స్ లేదనిపిస్తుంది. కానీ అల్లు అరవింద్ కి ఈ ఐడియా నచ్చితే మాత్రం కచ్చితంగా రామ్ గోపాల్ వర్మ తీసుకొస్తారు. అదే జరిగితే వ్యూవర్ షిప్ ఎక్కడికో వెళ్లిపోతుంది.
Also Read: వరుణ్ తేజ్ బర్త్ డే స్పెషల్.. 'గని' పవర్ ప్యాక్డ్ పంచ్..
Also Read: ఫ్యాక్షన్ బ్యాక్ డ్రాప్ లో.. 60 ఏళ్ల వృద్ధుడిగా బాలయ్య..
టాప్ హెడ్ లైన్స్
ట్రెండింగ్ వార్తలు
