CSK Video on Shivam Dube | IPL 2026 కి ముందు చెన్నైలో క్రికెట్ బాల్స్ ఆందోళన | ABP Desam

 క్రికెట్ ఆడుతున్నారా..సినిమాలు తీస్తున్నారా...ఐపీఎల్ జట్లు చేస్తున్న హడావిడి చూస్తే ఇదే మాట అనుకోవాలేమో. రీజన్ చెన్నై సూపర్ కింగ్స్ తమ ప్లేయర్ల ఎలివేషన్ వీడియోలను నెక్ట్స్ లెవల్ కి తీసుకువెళ్తోంది. అన్ని టీమ్స్ హోం కమింగ్ అంటూ తమ ప్లేయర్ల ఫోటోలు, వీడియోలు పెడుతుంటే..సీఎస్కే ఈ సారి కాన్సెప్ట్ వీడియోలతో ముందుకొచ్చింది. ప్రత్యేకించి టీ20 వరల్డ్ కప్ లో డెత్ లో ఫినిషర్ గా దుమ్మురేపిన శివమ్ దూబే కోసం ఓ స్పెషల్ వీడియోను రిలీజ్ చేసింది. అదేంటంటే చెన్నై చెపాక్ స్టేడియంలో క్రికెట్ బాల్స్ అన్నీ ప్రొటెస్ట్ చేస్తున్నాయంట. ఎంఎస్ ధోని ప్రాక్టీస్ చేయటానికి క్రికెట్ బాల్స్ లేవని కంప్లైంట్ రావటంతో అసలేం జరిగిందని చూస్తే చెన్నైలో ఉన్న క్రికెట్ బాల్స్ అసోసియేషన్ పెట్టుకుని మరీ ధర్నా చేస్తున్నాయంట. ఎందుకు అంటే సీఎస్కే సీఈవో కాశీ ని కలవాలి అని. సరే రమ్మని అంటే క్రికెట్ బాల్స్ వెళ్లి కాశీ ముందు తమ డిమాండ్ ను ఉంచాయి. అదేంటంటే శివమ్ దూబే తమపై దయతో ఉండాలని...మెల్లిగా కొట్టాలని వేడుకుంటున్నట్లు...దూబే బాదితే బాల్స్ వెళ్లి కిటీకీ గాజు అద్దాలకి తగలటం అవి బ్రేక్ అవటం తము డ్యామేజ్ అవటం జరుగుతున్నాయని బాల్స్ రిక్వెస్ట్ చేసుకుంటున్నట్లు వీడియో రిలీజ్ చేశారు. చివర్లో ఐ యామ్ డేంజర్ అని దూబేని చూపించారు. సో ఇది దూబే ఎలివేషన్ వీడియో. రజినీకాంత్ ఇంట్రో సాంగ్స్ ధోనికి వాడొద్దని SRH తమకు చెందిన జెమినీ సంస్థ ద్వారా నోటీసులు పంపటంతో ఇలా కాన్సెప్ట్ వీడియోలతో బరిలోకి దిగిందన్న మాట సీఎస్కే.