Ghani: వరుణ్ తేజ్ బర్త్ డే స్పెషల్.. 'గని' పవర్ ప్యాక్డ్ పంచ్..
ఈరోజు వరుణ్ తేజ్ పుట్టినరోజు కానుకగా.. 'గని' సినిమా నుంచి చిన్న టీజర్ వదిలారు.
బ్యాక్ టు బ్యాక్ హిట్స్ తో దూసుకుపోతున్న మెగాహీరో వరుణ్ తేజ్ నటిస్తోన్న లేటెస్ట్ సినిమా 'గని'. బాక్సింగ్ క్రీడా నేపథ్యంలో తెరకెక్కుతోన్న ఈ సినిమాతో కిరణ్ కొర్రపాటి అనే కొత్త దర్శకుడు ఇండస్ట్రీకి పరిచయం అవుతున్నారు. ఇప్పటికే షూటింగ్ పూర్తి చేసుకున్న ఈ సినిమా ప్రస్తుతం పోస్ట్ ప్రొడక్షన్ కార్యక్రమాలు జరుపుకుంటోంది. ఇప్పటికే ఈ సినిమా నుంచి 'గని ఫస్ట్ పంచ్', 'గని యాంథెమ్', తమన్నా ఐటెం సాంగ్ ను విడుదల చేశారు. ఇవి సోషల్ మీడియాలో ట్రెండ్ అయ్యాయి.
ఇక ఈరోజు వరుణ్ తేజ్ పుట్టినరోజు కానుకగా.. సినిమా నుంచి చిన్న టీజర్ వదిలారు. అందులో వరుణ్ తేజ్ ని చాలా పవర్ ఫుల్ గా చూపించారు. సునీల్ శెట్టి.. వరుణ్ తేజ్ కి ట్రైనింగ్ ఇస్తున్నట్లుగా కనిపించారు. కొంతమంది యోధులుగా తయారవుతారు కానీ 'గని' యోధుడిగా పుట్టాడు అంటూ క్యాప్షన్ ఇచ్చి ఈ వీడియోను సోషల్ మీడియాలో షేర్ చేశారు.
ఇక ఈ సినిమాలో వరుణ్ తేజ్ సరసన బాలీవుడ్ బ్యూటీ సాయి మంజ్రేకర్ హీరోయిన్ గా నటిస్తోంది. అలానే ఉపేంద్ర, జగపతిబాబు, నవీన్ చంద్ర కీలకపాత్రలు పోషిస్తున్నారు. అల్లు అరవింద్ సమర్పణలో అల్లు బాబీ-సిద్దు ముద్ద సంయుక్తంగా ఈ సినిమాను నిర్మిస్తున్నారు. తమన్ సంగీతం అందిస్తున్న ఈ సినిమాను ఈపాటికే విడుదల కావాల్సింది కానీ కరోనా కారణంగా వాయిదా పడుతోంది.
Some fighters are made BUT #Ghani was Born to be one !!
— GA2 Pictures (@GA2Official) January 19, 2022
Celebrating our Mega Prince @IAmVarunTej Birthday with this Power-packed Punch 👊#PowerOfGhani - https://t.co/1oWdsD5gqK #HBDVarunTej 🥳@saieemmanjrekar @dir_kiran @MusicThaman @george_dop @sidhu_mudda @Bobbyallu
Also Read: ఫ్యాక్షన్ బ్యాక్ డ్రాప్ లో.. 60 ఏళ్ల వృద్ధుడిగా బాలయ్య..
టాప్ హెడ్ లైన్స్
ట్రెండింగ్ వార్తలు
