Miss Universe 2021: '21 ఏళ్ల తర్వాత 21 ఏళ్ల అమ్మాయి గెలిచింది'.. హర్నాజ్‌పై సుశ్మితా ఆసక్తికర పోస్ట్!

విశ్వసుందరి టైటిల్ గెలిచిన హర్నాజ్ సంధుపై బాలీవుడ్ హీరోయిన్ సుశ్మితా సేన్ ప్రశంసించింది.

హర్నాజ్ సంధుపై సుశ్మితా సేన్ పోస్ట్

మిస్ యూనివర్స్ 2021 గెలిచిన పంజాబ్ సుందరి హర్నాజ్ సంధుపై ప్రశంసల వర్షం కురుస్తోంది. తాజాగా బాలీవుడ్ హీరోయిన్, మాజీ విశ్వసుందరి సుశ్మితా సేన్ కూడా హర్నాజ్‌కు శుభాకాంక్షలు చెప్పింది. హర్నాజ్ గురించి ఇన్‌స్టాగ్రామ్‌లో ఇంట్రెస్టింగ్ పోస్ట్‌లు పెట్టింది.

 

 

 

 

 

View this post on Instagram

 

 

 

 

 

 

 

 

 

 

 

A post shared by Sushmita Sen (@sushmitasen47)

" హర్నాజ్ సంధుకు నా అభినందనలు. నిన్ను చూస్తే గర్వంగా ఉంది. భారత్‌ను విశ్వవేదికపై ఇంత అందంగా చూపించినందుకు నీకు కృతజ్ఞతలు. 21 ఏళ్ల తర్వాత విశ్వసుందరి కిరీటాన్ని 21 ఏళ్ల అమ్మాయి తిరిగి భారత్‌కు అందించడం అనేది విధి లిఖితం అనిపిస్తుంది. ఈ ఆనందాన్ని నువ్వు ప్రతిక్షణం గుర్తుంచుకోవాలి. నీకు, మీ కుటుంబసభ్యులకు నా అభినందనలు.                                 "

- సుశ్మితా సేన్, బాలీవుడ్ నటిి 

లారా దత్తా..

హర్నాజ్ సంధును మరో మాజీ విశ్వసుందరి లారా దత్తా కూడా ప్రశంసించింది. సంధు చాలా బలమైన కంటెండర్ అని పేర్కొంది. బిలియన్ డ్రీమ్స్ నిజమైనట్లు అనిపిస్తుందని లారా అంది.

భారత యువతి హర్నాజ్ సంధు మిస్​ యూనివర్స్​-2021 కిరీటాన్ని దక్కించుకుంది. ఇజ్రాయెల్ వేదికగా జరిగిన ఈ పోటీల్లో 80 దేశాల నుంచి ముద్దుగుమ్మలు పాల్గొన్నారు. వారందరినీ వెనక్కినెట్టి మిస్ యూనివర్స్ కిరీటాన్ని సొంతం చేసుకుంది. దీంతో 21 ఏళ్ల తర్వాత భారత్​కు ఈ టైటిల్ దక్కింది. తాను టైటిల్ గెలిచేందుకు సహకరించిన ప్రతి ఒక్కరికి ఆమె కృతజ్ఞతలు తెలిపారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి