Satyabhama Serial Today December 28 Highlights: పూర్తిగా పుష్పరాజ్ లా మారిన సత్యభామ.. మహదేవయ్యకి కౌంట్ డౌన్ మొదలు - సత్యభామ డిసెంబర్ 28హైలెట్స్!

Satyabhama Today Episode: క్రిష్.. మహదేవయ్య కొడుకు కాదని సత్య బయటపెడదాం అనుకుంటే ప్లాన్ రివర్సైంది. ఇప్పుడు MLA గా బరిలో దిగేందుకు సిద్ధమయ్యారు మహదేవయ్య సత్య . ఈ రోజు ఎపిసోడ్ లో ఏం జరిగిందంటే....

Satyabhama Serial Today December 28 Highlights (Image Credit: Disney Plus Hotstar/ Star Maa)

సత్యను పిలిచి నామినేషన్ పేపర్లపై సంతకం పెట్టమని అడుగుతాడు మహదేవయ్య. అందరూ షాక్ అవుతారు. భైరవి, క్రిష్ , జయమ్మ సహా అందరూ నిర్ణయం వెనక్కు తీసుకోమంటారు. క్రిష్ సత్యపై ఫైర్ అవడం చూసి మహదేవయ్య సంతోషిస్తాడు..

సత్య మాత్రం తాను పదిమందికి సహాయం చేయాలంటే పదవి ఉండాలి...అందుకే MLA గా నిలబడి తీరుతా అంటుంది. తన నామినేషన్ వెనక్కు తీసుకుంటా అంటాడు మహదేవయ్య..ఎవరు అడ్డం వచ్చినా నిన్ను గెలిపించి తీరుతా బాపూ అని సవాల్ చేస్తాడు క్రిష్.

అత్త మాట వినవు..భర్త మాట కూడా వినవా..నిన్ను నెత్తిన పెట్టి చూసుకున్నాడు కదా అని నిందలు వేస్తుంది భైరవి. అది పొగరు కాదు నా లక్ష్యం ..నా నిర్ణయంలో ఎలాంటి మార్పు లేదని అక్కడి నుంచి వెళ్లిపోతుంది. ఎవరు చెప్తే మాట వింటుందో నాకు తెలుసు అంటాడు క్రిష్

విశ్వనాథం ఇంట్లో అంతా సంతోషంగా చెస్ ఆడుకుంటుంటే క్రిష్ వెళ్తాడు. సత్య సమస్యగా మారింది మీరు మాత్రమే సాల్వ్ చేయగలరు అని జరిగింది చెప్పి వెళ్లిపోతాడు. సంధ్య కూడా సత్యను తప్పుపడుతుంది..నందిని సపోర్ట్ చేస్తుంది..

ఈ టైమ్ లో రుద్ర ఉంటే కథ ఇక్కడివరకూ వచ్చేది కాదు...సత్య పీక పట్టుకుంటే గిలగిలకొట్టుకుని చస్తుందని భైరవి ఫైర్ అవుతుంటుంది ఇంతలో విశ్వనాథం వస్తాడు. అమాయక గొర్రెలెక్క మొహం పెట్టి దీనంగా నటించకు అని నోటికి పనిచేస్తుంది భైరవి.. నీ కూతురి నిర్ణయం వెనుక నువ్వున్నావని నాకు తెలుసు అంటుంది. నాకేం తెలియదు అన్నా తగ్గదు..

భైరవి మాటలు విని బయటకు వచ్చిన జయమ్మ ..వియ్యంకుడితో ఇట్లా మాట్లాడుతావా అని గడ్డి పెడుతుంది. సత్య ప్రవర్తన వల్ల ఇంటికి నష్టం జరుగుతుంది.. మీరు ఏదో ఒకటి నచ్చచెప్పండి అని లోపలకు పంపిస్తుంది జయమ్మ...

తండ్రిని చూడగానే కన్నీళ్లు పెట్టుకుంటుంది సత్య. నేను చేస్తుంది తప్పో ఒప్పో తెలుసుకోవడానికి ఇక్కడికి వచ్చావా నాన్న అంటే..నువ్వు నీ కుటుంబానికి ఎదురు వెళ్లకూడదమ్మా అంటాడు. నిన్ను ఎలా రక్షించుకోవాలో అర్థంకాక టెన్షన్ పడుతున్నా అంటాడు..

నాకు పవర్ కావాలి నాన్నా నా జీవితాన్ని కొందరు తొక్కిపెట్టేస్తున్నారు అంటుంది. ఎదురులేదని ఇష్టారాజ్యంగా ప్రవర్తిస్తున్నారు అంటుంది. మనం అనుకున్నవన్నీ జరిగిపోవమ్మా అని సర్దిచెబుతాడు. కానీ సత్య నిర్ణయం వెనక్కు తీసుకోదు...

సత్యభామ డిసెంబర్ 29 ఎపిసోడ్ లో... వడ్డించేందుకు వచ్చిన సత్యను నిలదీస్తుంది భైరవి.. ఎవరి మాటా వినని నీ భార్యని పుట్టింటికి పంపించెయ్ అంటుంది.. క్రిష్ నిర్ణయం ఎలా ఉండబోతోందో చూడాలి...