Nani: 'శ్యామ్ సింగరాయ్' రీమేక్ లో హృతిక్ రోషన్.. నిజమేనా..?

'శ్యామ్ సింగరాయ్' సినిమా గురించి నాని మీడియాతో మాట్లాడారు. ఈ క్రమంలో కొన్ని ఆసక్తికర విషయాలను చెప్పుకొచ్చారు.

నాని సినిమా హిందీ రీమేక్ లో హృతిక్ రోషన్

హీరో నాని ఇప్పటివరకు కామెడీ, ఎమోషనల్, ప్రేమ కథల్లో ఎక్కువగా నటించారు. కానీ తొలిసారి ఆయన పూర్తిస్థాయి పీరియాడికల్ సినిమాలో నటిస్తున్నారు. అదే 'శ్యామ్ సింగరాయ్'. ఈ సినిమాలో నాని రెండు వేరియేషన్స్ ఉన్న క్యారెక్టర్ లో కనిపించనున్నారు. కలకత్తా బ్యాక్ డ్రాప్ లో ఈ సినిమాను తెరకెక్కించారు. సినిమాలో భారీ యాక్షన్స్ ఉంటాయని తెలుస్తోంది. 'టాక్సీవాలా' ఫేమ్ దర్శకుడు రాహుల్ సాంకృత్యాన్ డైరెక్ట్ చేసిన ఈ సినిమా డిసెంబర్ 24న ప్రేక్షకుల ముందుకు రానుంది. తెలుగుతో పాటు తమిళ, కన్నడ, మలయాళ భాషల్లో ఈ సినిమాను విడుదల చేయనున్నారు. 

తాజాగా ఈ సినిమా గురించి నాని మీడియాతో మాట్లాడారు. ఈ క్రమంలో కొన్ని ఆసక్తికర విషయాలను చెప్పుకొచ్చారు. ఈ సినిమాను హిందీలో రిలీజ్ చేయరా..? అని ప్రశ్నించగా.. ఇది పాన్ ఇండియా సబ్జెక్ట్ అని, అన్ని భాషల వాళ్లు చూడదగ్గ సినిమా అని చెప్పిన నాని.. ఈ సినిమాకి ఎలాంటి పరిధులు లేవనే దక్షిణాది భాషల్లో విడుదల చేస్తున్నట్లు చెప్పారు. ప్రస్తుతానికి హిందీలో విడుదల చేసే ఆలోచన లేదని.. ఏమో చూద్దాం.. ఏ హృతిక్‌ రోషనో ఈ చిత్రాన్ని హిందీలో చేసేస్తారనే నమ్మకం ఉంది అంటూ చెప్పుకొచ్చారు. 

ఇప్పటికే బాలీవుడ్ వర్గాల్లో ఈ సినిమా రీమేక్ కి సంబంధించిన చర్చలు జరుగుతున్నాయని.. త్వరలోనే ఎవరు నటిస్తారనే విషయంపై క్లారిటీ రానుంది. నాని నటించిన 'జెర్సీ' సినిమాను బాలీవుడ్ లో రీమేక్ చేస్తోన్న సంగతి తెలిసిందే. ఈ సినిమాలో షాహిద్ కపూర్ హీరోగా నటిస్తున్నారు. త్వరలోనే ఈ సినిమా ప్రేక్షకుల ముందుకు రానుంది. ఇప్పుడు నాని నటించిన 'శ్యామ్ సింగరాయ్' సినిమా కూడా బాలీవుడ్ కి వెళ్లే ఛాన్స్ ఉందని అంటున్నారు. మొత్తానికి నాని తన స్క్రిప్ట్ సెలెక్షన్ తో బాలీవుడ్ తారలను ఆకట్టుకుంటున్నాడు. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి