Thalapathy Vijay First Salary: విజయ్ ఫస్ట్ సినిమా రెమ్యూనరేషన్ ఎంత? ఇప్పుడు దానికంటే 'జన నాయగన్'కు 440000000 రెట్లు ఎక్కువ

Thalapathy Vijay Total Net Worth: దళపతి విజయ్ నుంచి విడాకులు కోరుతూ ఆయన భార్య సంగీత కోర్టుకు వెళ్లిన సంగతి తెలిసిందే. దాంతో ఆయన ఆస్తి, రెమ్యూనరేషన్ గురించి చర్చ మొదలైంది.

విజయ్ విడాకులు: భార్య సంచలన ఆరోపణలు, ఒక్క సినిమాకే ₹220 కోట్లు

Source : ABPLIVE AI

ప్రస్తుతం తమిళ సినీ ఇండస్ట్రీలో పాపులర్ హీరో దళపతి విజయ్ (Thalapathy Vijay) కష్టాల్లో చిక్కుకున్నాడు. ఆయన నుంచి విడాకులు కోరుతూ... భార్య సంగీత సోర్నలింగం (Sangeetha Sornalingam) కోర్టు మెట్లు ఎక్కారు. చెంగల్‌పట్టు ఫ్యామిలీ కోర్టులో విడాకుల కోసం దరఖాస్తు చేసుకున్నారు. వివాహమైన 27 సంవత్సరాలు తర్వాత విడాకులు కోరడం, అందుకు ఆమె పేర్కొన్న కారణాలు చర్చనీయాంశంగా మారాయి.

విజయ్ మరొక నటితో వివాహేతర సంబంధం కలిగి ఉండటమే విడాకులకు కారణం అని సంగీత పేర్కొన్నారు. ఆవిడ నటి పేరును రివీల్ చేయలేదు. అయితే అందరి వేళ్లు త్రిష వైపు చూస్తున్నాయి. ఇటువంటి పరిస్థితుల్లో విజయ్ ఆస్తిపాస్తులు ఎంత? ఆయన రెమ్యూనరేషన్ ఎంత వంటి విషయాలు చర్చకు వస్తున్నాయి. ఆయన సంబంధించిన చిన్న, పెద్ద విషయాలు అన్నీ తెలుసుకోవడానికి అభిమానులు ఆసక్తి చూపిస్తున్నారు. వాటి కోసం ఎదురు చూస్తున్నారు. విజయ్ సంపాదన ఎంత? ఆయన నికర విలువ ఎంత? అనేది తెలుసుకోండి.

తమిళ సినిమా పరిశ్రమలోని సూపర్ స్టార్లలో విజయ్ ఒకరు. కోలీవుడ్‌లో రజనీకాంత్‌ తర్వాత నంబర్ వన్ స్థానాన్ని కైవసం చేసుకున్నారని ఫ్యాన్స్‌ చెబుతారు. గత కొన్ని సంవత్సరాలుగా పాన్ ఇండియా సినిమాలో నటించకుండా... బాక్సాఫీస్ వద్ద అద్భుతమైన స్టార్‌డమ్‌ను ప్రూవ్ చేసుకున్నారు. విజయ్ నటించిన 'లియో' ప్రపంచ వ్యాప్తంగా రూ. 600 కోట్లకు పైగా వసూలు చేసింది. ఆసక్తికరమైన విషయం ఏమిటంటే... ఆ సినిమాకు మిక్స్డ్ రివ్యూలు వచ్చాయి. అయినా అంత వసూలు చేసింది. దాన్ని బట్టి విజయ్‌కు మంచి ఫ్యాన్ ఫాలోయింగ్ ఉందని చెప్పడంలో ఎలాంటి సందేహం లేదు. విజయ్ తన కెరీర్‌లో పీక్‌ చూస్తున్నారు. అయితే... 'జన నాయగన్' తర్వాత సినిమాలకు దూరంగా ఉంటానని తెలిపారు.

చివరి సినిమా కోసం విజయ్ రెమ్యూనరేషన్ ఎంతంటే?

'జన నాయగన్' బాక్సాఫీస్ బరిలో అద్భుతమైన వసూళ్లు సాధిస్తుందని కోలీవుడ్ అంచనా. ఆ సినిమా కోసం మేకర్స్ విజయ్‌ దాదాపు 220 కోట్ల రూపాయల భారీ రెమ్యూనరేషన్ తీసుకున్నారట. అయితే... విజయ్‌కు అంత పెద్ద మార్కెట్ విలువ ఒక్క రోజులో రాలేదు. దీని వెనుక ఆయన సంవత్సరాల కష్టం, శ్రమ ఉన్నాయి. ఇప్పుడు కోట్లలో పారితోషికం తీసుకుంటున్న విజయ్ తన కెరీర్ ప్రారంభంలో చాలా తక్కువ డబ్బులు తీసుకున్నారు. తమిళ చిత్ర దర్శక - నిర్మాత ఎస్.ఎ. చంద్రశేఖర్ కుమారుడిగా ఆయన తమిళ చిత్రసీమలోకి వచ్చారు. చిన్నతనంలో చిత్ర పరిశ్రమలోకి ప్రవేశించారు.

'వెట్రీ'తో తన కెరీర్‌ను ప్రారంభించారు విజయ్. ఆ సినిమాకు ఆయన తండ్రి దర్శకత్వం వహించారు. డెక్కన్ క్రానికల్ ప్రకారం... 2017లో ఒక ఇంటర్వ్యూలో 'వెట్రీ' కోసం తన కుమారునికి 500 రూపాయల పారితోషికం వచ్చిందని ఎస్.ఎ. చంద్రశేఖర్ చెప్పారు. ఇప్పుడు చెప్పండి... 500 రూపాయలతో తన కెరీర్‌ను ప్రారంభించిన విజయ్, తన చివరి సినిమా కోసం దాదాపు 220 కోట్ల రూపాయలు వసూలు చేశాడు. అంటే... ఆయన ఆదాయంలో 440000000% పెరుగుదల ఉంది.