Unstoppable: పులిహోర కబుర్లు చెప్పొద్దు.. నానికి కౌంటర్ వేసిన బాలయ్య..

బాలయ్య షోలో నానిని గెస్ట్ గా తీసుకొచ్చారు. తాజాగా ఈ ఎపిసోడ్ కి సంబంధించిన ప్రోమోను విడుదల చేశారు. 

బాలయ్య షోలో నాని..

నందమూరి బాలకృష్ణ ప్రముఖ ఓటీటీ సంస్థ 'ఆహా' కోసం ఓ షో చేస్తోన్న సంగతి తెలిసిందే. 'Unstoppable' అంటూ బాలయ్య రచ్చ చేస్తున్నారు. దీపావళి రోజు నుంచి ఈ షోను స్ట్రీమింగ్ చేస్తున్నారు. తొలి ఎపిసోడ్ కి మంచు మోహన్ బాబు గెస్ట్ గా వచ్చారు. ఆయనతో పాటు మంచు విష్ణు, మంచు లక్ష్మి సైతం ఈ షోలో పాల్గొన్నారు. ఈ ఎపిసోడ్ కి సంబంధించిన ప్రోమో వచ్చినప్పటినుంచి ప్రేక్షకుల్లో ఆసక్తి పెరిగిపోయింది. పలు ఇంట్రెస్టింగ్ విషయాలతో ప్రోమోను కట్ చేశారు. ఎపిసోడ్ కూడా బాగా క్లిక్ అయింది. ప్రేక్షకుల నుంచి భారీ రెస్పాన్స్ వచ్చింది. దెబ్బకి 'ఆహా' సబ్ స్క్రిప్షన్స్ ఓ రేంజ్ లోపెరిగిపోయాయి. 

ఇప్పుడు రెండో ఎపిసోడ్ ను టెలికాస్ట్ చేయడానికి రెడీ అవుతున్నారు. ఈసారి గెస్ట్ గా నేచురల్ స్టార్ నానిని తీసుకొస్తున్నారు. దానికి సంబంధించిన ఫొటోలను ఇప్పటికే విడుదల చేశారు. ''మనలో ఒకడు.. సెల్ఫ్ మేడ్‏కి సర్ నేమ్.. మన రెండో గెస్ట్ నాని..'' అంటూ బాలయ్యతో కలిసి షోలో తీసుకున్న ఫొటోలను షేర్ చేశారు. తాజాగా ఈ ఎపిసోడ్ కి సంబంధించిన ప్రోమోను విడుదల చేశారు. 
'దెబ్బకి థింకింగ్ మారిపోవాలా' అంటూ స్టేజ్ పైకి ఎంట్రీ ఇచ్చేశారు బాలకృష్ణ. 'ఈరోజు మన గెస్ట్ మీ నుంచి వచ్చాడు.. సెల్ఫ్ మేడ్‏కి సర్ నేమ్.. నాని' అంటూ అరిచి చెప్పారు బాలయ్య. అరుస్తున్న ఫ్యాన్స్ ను ఉద్దేశిస్తూ.. 'ఆగండి.. ఆగండి.. ఎక్కడ నాని' అని అడగ్గా.. జనాల్లో నుంచి లేచి స్టేజ్ పైకి వచ్చాడు నాని. 'నువ్వేంటి నాని.. జనం, అభిమానుల మధ్య నుంచి వచ్చావ్' అని బాలయ్య అడగ్గా.. 'మీతో పెరిగాడు.. మీ మధ్య నుంచి వచ్చాడు అని అన్నారు. సో వాళ్ల దగ్గరనుంచి రావడం కరెక్ట్ అనిపించింది' అంటూ బదులిచ్చారు. 

ఆ తరువాత బాలయ్య 'గల్లీ క్రికెట్ ఆడడం అలవాటా..? లేక నేర్చుకున్నావా..?' అని నానిని అడగ్గా.. 'గల్లీ క్రికెట్ అలవాటు సార్' అనగా.. 'నాక్కూడా క్రికెట్ బాగా వచ్చయ్యా.. ఏ స్టూడియోలో షూటింగ్ జరిగినా.. నా కార్ డిక్కీలో క్రికెట్ కిట్ ఉండాల్సిందే' అని చెప్పారు బాలయ్య. ఆ తరువాత ఇద్దరూ సరదాగా స్టేజ్ పై క్రికెట్ ఆడారు. బాలయ్య ఆడే సమయంలో నాని.. 'మీరు కావాలనుకుంటే చెమట పట్టకుండా చంపేయడమే' అంటూ డైలాగ్ వేశారు. బాలయ్య ముందు ఆయన డైలాగే చెప్పి ఇంప్రెస్ చేశారు నాని. మధ్యలో బాలయ్య పులిహోర కబుర్లు చెప్పొద్దు అంటూ నానికి డైలాగ్ వేశారు. ఈ షోలో నాని ఎదుర్కొన్న డిస్ట్రిబ్యూటర్స్ సమస్య గురించి బాలయ్య అడిగారు. ఓవరాల్ గా ప్రోమో అయితే ఇంట్రెస్టింగానే ఉంది. నవంబర్ 12న ఈ ఎపిసోడ్ ను టెలికాస్ట్ చేయనున్నారు. 

Adiripoye entertainment ki idi chinna sample maatrame 😉#UnstoppableWithNBK Ep-2 promo out now 💥💥

▶️https://t.co/kI14jdCwJp

Full Episode Premieres November 12 🤩#NandamuriBalakrishna @NameisNani #MansionHouse @swargaseema #NandGokulGhee #TilakNagarIndustries pic.twitter.com/cIvlKVv8VW

— ahavideoIN (@ahavideoIN) November 8, 2021

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి