Vishnu Vinyasam OTT : ఆ ఓటీటీలోకి శ్రీవిష్ణు 'విష్ణు విన్యాసం' - ఎప్పుడు స్ట్రీమింగ్ కావొచ్చంటే?

Vishnu Vinyasam OTT Platform : యంగ్ హీరో శ్రీవిష్ణు లేటెస్ట్ కామెడీ ఎంటర్టైనర్ 'విష్ణు విన్యాసం' శుక్రవారం ప్రేక్షకుల ముందుకు వచ్చింది. ఈ మూవీ ఓటీటీపై అందరిలోనూ ఆసక్తి నెలకొంది.

విష్ణు విన్యాసం ఓటీటీ ప్లాట్ ఫాం ఫిక్స్

Source : https://www.instagram.com/p/DVNpHXbjwQz/?hl=en

Sree Vishnu's Vishnu Vinyasam OTT Platform Locked : టాలీవుడ్ కింగ్ ఆఫ్ ఎంటర్టైన్మెంట్ శ్రీవిష్ణు హీరోగా నటించిన లేటెస్ట్ కామెడీ ఎంటర్టైనర్ 'విష్ణు విన్యాసం' శుక్రవారం ప్రేక్షకుల ముందుకు వచ్చింది. తనదైన కామెడీతో శ్రీవిష్ణు అదరగొట్టగా... ఈ మూవీ ఓటీటీ స్ట్రీమింగ్ ప్లాట్ ఫాంపై అందరిలోనూ ఆసక్తి నెలకొంది.

ఎందులో స్ట్రీమింగ్ అంటే?

'విష్ణు విన్యాసం' మూవీ డిజిటల్ రైట్స్ ప్రముఖ ఓటీటీ 'అమెజాన్ ప్రైమ్ వీడియో' సొంతం చేసుకుంది. మూవీ థియేట్రికల్ రన్ పూర్తైన 4 నుంచి 6 వారాల తర్వాత ఓటీటీలోకి వచ్చే ఛాన్స్ ఉంది. సినిమాలో శ్రీవిష్ణు సరసన నయన్ సారిక హీరోయిన్‌గా నటించారు. న్యూ డైరెక్టర్ యదునాథ్ మారుతీరావు దర్శకత్వం వహించారు.

శ్రీవిష్ణు, నయన్ సారికలతో పాటు సత్య, మురళీ శర్మ, బ్రహ్మాజీ, ప్రవీణ్, సత్యం రాజేశ్, శ్రీకాంత్ అయ్యంగార్, శ్రీనివాస్ వడ్లమాని, గోపరాజు రమణ తదితరులు కీలకపాత్రలు పోషించారు. రాధన్ మ్యూజిక్ అందించగా... హేమ, షాలిని సమర్పణలో శ్రీ సుబ్రహ్మణ్యేశ్వర సినిమాస్ బ్యానర్‌పై సుమంత్ నాయుడు జి ప్రొడ్యూస్ చేశారు.

స్టోరీ ఏంటంటే?

జూనియర్ లెక్చరర్‌గా వర్క్ చేస్తున్న విష్ణు (శ్రీ విష్ణు)కు జాతకాల పిచ్చి ఎక్కువ. టైం చూసుకోనిదే ఏ పనీ చేయడు. వాస్తు, న్యూమరాలజీ ఇలా అన్నింటినీ తప్పకుండా ఫాలో అయిపోతుంటాడు. దీంతో 30 ఏళ్లు వచ్చినా ఇంకా పెళ్లి కాదు. తన కాలేజీలోనే మనీషా (నయన్ సారిక) అనే లెక్చరర్ కింద ఓ ఏడాది పాటు పని చేయాల్సి వస్తుంది. ఆమెది కూడా విష్ణు లాగే ఓ విచిత్రమైన సమస్య. దీంతో పదేళ్లుగా ఎన్ని సంబంధాలు చూసినా పెళ్లి కాదు.

విష్ణును ఫస్ట్ టైం చూసిన వెంటనే లవ్‌లో పడిపోతుంది మనీషా. తొలుత ఆమె పద్ధతి చూసి ఓకే చెప్పడానికి సందేహించినా జాతకాలు కలవడంతో ఆమె లవ్‌కు గ్రీన్ సిగ్నల్ ఇస్తాడు విష్ణు. సరిగ్గా ఇద్దరూ పెళ్లి చేసుకుందామనుకునే టైంకు మనీషా తన సమస్యను బయటపెడుతుంది. దీంతో ఒక్కసారిగా షాక్ అవుతాడు విష్ణు. ఆ తర్వాత ఏం జరిగింది? అసలు మనీషాకు ఉన్న సమస్య ఏంటి? విష్ణు ఆ సమస్యను అర్థం చేసుకున్నాడా? ఆఖరికి వీరి ప్రేమ పెళ్లి వరకూ వెళ్లిందా? అనేది తెలియాలంటే మూవీ చూడాల్సిందే.

మరిన్ని చదవండి

'ఈటీవీ విన్' జాతర - శివగామితో సినిమా... రాబోయే లైనప్ ఇదే