Kids Brushing Tips : పిల్లలు పళ్లు తోముకునేటప్పుడు తల్లిదండ్రులు తీసుకోవాల్సిన జాగ్రత్తలు.. డెంటిస్ట్​ల సూచనలివే

Kids Brushing : చిన్న పిల్లలు పళ్లు తోముకునేప్పుడు తల్లిదండ్రులు అలా వదిలేయకుండా కొన్ని జాగ్రత్తలు తీసుకోవాలని డెంటిస్ట్​లు సూచిస్తున్నారు. అవేంటో.. ఇప్పుడు తెలుసుకుందాం.

పిల్లలు బ్రష్ చేస్తున్నప్పుడు తీసుకోవాల్సిన జాగ్రత్తలు

పిల్లలు రోజుకు రెండుసార్లు.. ఒక్కోసారి 2 నిమిషాల పాటు పళ్లు బ్రష్ చేసుకునేలా అలవాటు చేయాలి. ముఖ్యంగా రాత్రి పడుకునే ముందు బ్రష్ చేయడం చాలా ముఖ్యం.

చిన్న పిల్లలకు చిన్న హెడ్, మెత్తని బ్రిసిల్స్ ఉన్న టూత్‌బ్రష్ ఉపయోగించాలి. పెద్దల బ్రష్‌ను పిల్లలకు ఉపయోగించకపోవడం మంచిది.

3 ఏళ్లలోపు పిల్లలకు సాధారణంగా బియ్యం గింజంత, 3–6 ఏళ్ల పిల్లలకు బఠానీ గింజంత ఫ్లోరైడ్ టూత్‌పేస్ట్ ఉపయోగించవచ్చు. పిల్లలు టూత్‌పేస్ట్‌ను మింగకుండా తల్లిదండ్రులు జాగ్రత్తలు తీసుకోవాలి.

చిన్న పిల్లలకు బ్రషింగ్‌లో సరైన పద్ధతి తెలియకపోవచ్చు. తల్లిదండ్రులు పర్యవేక్షించి, అవసరమైతే తామే బ్రష్ చేయడంలో సహాయం చేయాలి. పిల్లలు స్వయంగా బాగా బ్రష్ చేయగలిగే వరకు పెద్దల సహాయం చేయడం మంచిది.

ముందు పళ్లు మాత్రమే కాకుండా వెనుక పళ్లు, నమిలే భాగాలు, పళ్ల లోపలి భాగాలను కూడా మెల్లగా శుభ్రం చేసేలా చూసుకోవాలి. గట్టిగా రుద్దడం వల్ల చిగుళ్లు దెబ్బతినే అవకాశం ఉంటుంది.

ముఖ్యంగా రాత్రి బ్రష్ చేసిన తర్వాత పాలు, జ్యూస్, స్వీట్లు వంటి చక్కెర ఉన్న పదార్థాలు పిల్లలకు ఇవ్వకూడదు. తరచూ స్వీట్స్ ఇవ్వడం వల్ల పిల్లల్లో దంత క్షయం పెరుగుతుంది.

పళ్లలో నొప్పి, నల్లటి మచ్చలు, చిగుళ్ల నుంచి రక్తం రావడం, పంటి సెన్సిటివిటీ వంటి లక్షణాలు కనిపిస్తే ఆలస్యం చేయకుండా డెంటిస్ట్‌ను సంప్రదించాలి. సమస్యలు లేకపోయినా క్రమం తప్పకుండా దంత పరీక్షలు చేయించడం మంచిది.

గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.