Pakistan vs Sri Lanka: టీ20 వరల్డ్ కప్‌లో కోహ్లీ రికార్డు బద్ధలుకొట్టిన పాక్ ఓపెనర్ సాహిబ్‌జాదా ఫర్హాన్

Sahibzada Farhan Stats: ఒకే టీ20 ప్రపంచ కప్‌లో అత్యధిక పరుగులు చేసిన ఆటగాడిగా సాహిబ్‌జాదా ఫర్హాన్ ప్రపంచ రికార్డు సృష్టించాడు. ఈ ఘనత సాధించడానికి అతను విరాట్ కోహ్లీని అధిగమించాడు.

విరాట్ కోహ్లీ, సాహిబ్‌జాదా ఫర్హాన్

Source : social media

Most Runs in Single T20 World Cup Series: ఒకే టీ20 వరల్డ్ కప్ సీజన్‌లో అత్యధిక పరుగులు చేసిన ఆటగాడిగా సాహిబ్‌జాదా ఫర్హాన్ సరికొత్త ప్రపంచ రికార్డు సృష్టించాడు. విరాట్ కోహ్లీని వెనక్కి నెట్టి పాక్ ఓపెనర్  సాహిబ్‌జాదా ఫర్హాన్ ఈ ఘనత సాధించాడు. సూపర్ 8లో భాగంగా శ్రీలంకతో జరుగుతున్న మ్యాచులో 38 పరుగులు పూర్తి చేయగానే ఫర్హాన్, విరాట్ రికార్డును బద్దలు కొట్టాడు. ఫర్హాన్ ఇప్పటివరకు ఇదే వరల్డ్ కప్‌లో 3 హాఫ్ సెంచరీలు, ఓ సెంచరీ చేయగా.. ఈ మ్యాచ్ లోనూ సెంచరీ సాధించాడు. దాంతో ఓ టీ20 వరల్డ్ కప్ లో రెండు సెంచరీలు చేసిన ఏకైక బ్యాటర్‌గా నిలిచాడు.

విరాట్ కోహ్లీ రికార్డు బద్ధలు
ఇంతకుముందు ఒకే టీ20 వరల్డ్ కప్‌లో అత్యధిక పరుగులు చేసిన రికార్డు టీమిండియా క్రికెటర్ విరాట్ కోహ్లీ పేరిట ఉండేది. విరాట్ 2014 వరల్డ్ కప్‌లో 319 పరుగులు చేశాడు. శ్రీలంకతో జరిగిన సూపర్-8 మ్యాచ్‌కు ముందు వరకు సాహిబ్‌జాదా ఫర్హాన్ 283 పరుగులతో ఉన్నాడు. శ్రీలంకపై జరిగిన మ్యాచ్‌లో అర్థ సెంచరీ చేసే క్రమంలో పాక్ ఓపెనర్ ఈ రికార్డును నెలకొల్పాడు. ఫస్ట్ బ్యాటింగ్‌కు దిగిన పాక్ జట్టు ఫర్హాన్ (100), ఫఖర్ జమాన్ (84) రాణించడంతో నిర్ణీత ఓవర్లలో 8 వికెట్లు కోల్పోయి 212 పరుగులు చేసింది.

ఒక వరల్డ్ కప్‌లో అత్యధిక పరుగులు చేసిన బ్యాటర్లు

సాహిబ్‌జాదా ఫర్హాన్ (PAK) - 383+ పరుగులు

విరాట్ కోహ్లీ (IND) - 319 పరుగులు

తిలకరత్నే దిల్షాన్ (SL) - 317 పరుగులు

బాబర్ ఆజం (PAK) - 303 పరుగులు

మహేల జయవర్ధనే (SL) - 302 పరుగులు

విరాట్ కోహ్లీ 2014 టీ20 వరల్డ్ కప్‌లో 6 ఇన్నింగ్స్‌ల్లో 106.33 సగటుతో 319 పరుగులు సాధించాడు. ఆ టీ20 వరల్డ్ కప్‌లో విరాట్ బ్యాటింగ్ లో రాణించి 4 అర్థ సెంచరీలు చేశాడు. ఇది కాకుండా విరాట్ కోహ్లీ 2022 వరల్డ్ కప్‌లో కూడా 296 పరుగులు చేశాడు.

టీ20 వరల్డ్ కప్‌లో అత్యధిక పరుగులు చేసిందెవరు 
టీ20 వరల్డ్ కప్ చరిత్రలో అత్యధిక పరుగులు చేసిన రికార్డు ఇప్పటికీ విరాట్ కోహ్లీ పేరిటనే ఉంది. విరాట్ తన వరల్డ్ కప్ కెరీర్‌లో 33 ఇన్నింగ్స్‌ల్లో 1,292 పరుగులు చేశాడు. ఈ జాబితాలో రెండో స్థానంలో కూడా భారత్‌కు చెందిన రోహిత్ శర్మ ఉన్నాడు. తన టీ20 వరల్డ్ కప్ కెరీర్‌లో హిట్ మ్యాన్ 1,220 పరుగులు చేశారు. వీరిద్దరికీ అత్యంత సమీపంలో జోస్ బట్లర్ ఉన్నాడు, బట్లర్ ఇప్పటివరకు 1,075 పరుగులు చేశాడు.

శ్రీలంకకు ఏమాత్రం ఊరట లభించడం లేదు. షనక వేసిన 15వ ఓవర్ మొదటి బంతికే ఫర్హాన్ స్ట్రెయిట్ సిక్సర్ బాదాడు. దీనితో ఫఖర్ జమాన్, ఫర్హాన్ మధ్య భాగస్వామ్యం 156 పరుగులకు చేరుకుంది. టీ20 వరల్డ్ కప్ చరిత్రలో పాకిస్థాన్ తరపున ఏ వికెట్‌కైనా ఇదే అత్యధిక భాగస్వామ్యం. 2021లో భారత్‌పై బాబర్ ఆజం, మహ్మద్ రిజ్వాన్ నెలకొల్పిన 152 పరుగుల అజేయ భాగస్వామ్యమే అత్యుత్తమ రికార్డుగా ఉండేది. నేటి మ్యాచులో ఫఖర్ జమాన్, ఫర్హాన్ జోడీ ఏకంగా 176 పరుగుల భాగస్వామ్యంతో సరికొత్త రికార్డులు నెలకొల్పింది.