Gandhi Talks OTT : ఓటీటీలోకి మూకీ మూవీ 'గాంధీ టాక్స్' - ఆ ప్లాట్ ఫామ్లో స్ట్రీమింగ్... స్మాల్ ట్విస్ట్ ఏంటంటే?
Gandhi Talks OTT Platform : విజయ్ సేతుపతి, అరవింద్ స్వామి ప్రధాన పాత్రల్లో నటించిన మూకీ సినిమా 'గాంధీ టాక్స్' ఓటీటీలోకి వచ్చేసింది. అయితే, ప్రస్తుతం రెంటల్ విధానంలో అందుబాటులోకి వచ్చింది.
Vijay Sethupathi's Gandhi Talks Movie OTT Streaming : కోలీవుడ్ స్టార్స్ విజయ్ సేతుపతి, అరవింద్ స్వామి ప్రధాన పాత్రల్లో నటించిన లేటెస్ట్ సైలెంట్ ఎమోషనల్ డ్రామా గాంధీ టాక్స్. జనవరి 30న ప్రేక్షకుల ముందుకు వచ్చిన ఈ మూవీ మిక్స్డ్ టాక్ సొంతం చేసుకుంది. దాదాపు నెల రోజుల తర్వాత ఇప్పుడు తాజాగా ఓటీటీలో స్ట్రీమింగ్ అవుతోంది.
ఆ ఓటీటీలో... స్ట్రీమింగ్ కానీ
'గాంధీ టాక్స్' ప్రముఖ ఓటీటీ 'అమెజాన్ ప్రైమ్ వీడియో'లో స్ట్రీమింగ్ అవుతోంది. అయితే, ప్రస్తుతానికి రెంటల్ విధానంలో మాత్రమే అందుబాటులోకి వచ్చింది. మూవీ చూడాలనుకునే వారు రెంట్ పే చేసి చూడొచ్చు. త్వరలోనే ఫ్రీగా అందుబాటులోకి వచ్చే ఛాన్స్ ఉంది. ఈ మూవీకి కిశోర్ పాండురంగ్ దర్శకత్వం వహించగా... విజయ్ సేతుపతి, అరవింద్ స్వామిలతో పాటు అదితీ రావ్ హైదరి, మహేశ్ మంజ్రేకర్, సిద్దార్థ్ జాదవ్, జరీనా వహాబ్ తదితరులు కీలకపాత్రలు పోషించారు.
ఆస్కార్ విన్నర్ ఏఆర్ రెహమాన్ మ్యూజిక్ అందించగా... జీ స్టూడియోస్, క్యూరియస్ మూవీ మిల్ సంయుక్తంగా నిర్మించాయి. ఎలాంటి డైలాగ్స్ లేకుండా కేవలం ఎక్స్ప్రెషన్స్, మ్యూజిక్, ఎమోషన్స్తోనే మూవీ మొత్తం నడిపించారు.
Also Read : మీనా, వినీత్ సైకలాజికల్ థ్రిల్లర్ వెబ్ సిరీస్ - ఆ ఓటీటీలో తెలుగులోనూ స్ట్రీమింగ్
స్టోరీ ఏంటంటే?
ముంబయిలోని ధారావిలో నివసించే నిరుపేద యువకుడు మహాదేవ్ విష్ణు (విజయ్ సేతుపతి)కు చదువుకు తగిన ఉద్యోగం దొరకదు. ముంబయిలోని ఓ మున్సిపాలిటీలో ఉద్యోగం కోసం ప్రయత్నించగా రూ.50 వేల లంచం అడుగుతారు. తన తల్లి ఆరోగ్యం మెరుగు పడాలన్నా, తను ప్రేమించిన అమ్మాయి (అదితీ రావ్ హైదరీ)ని పెళ్లి చేసుకోవాలన్నా ఆ ఉద్యోగం రావడం ముఖ్యం. దీంతో తన ఎథిక్స్ పక్కన పెట్టి ఓ తప్పుడు పనికి సిద్ధమవుతాడు.
మరోవైపు, ముంబయిలోని బోస్మన్ (అరవింద్ స్వామి)ది మరో కథ. ఇండియాలోనే బిగ్గెస్ బిజినెస్ మ్యాన్గా ఎదిగిన అతను వరుస నష్టాలతో ఒక్కసారిగా రోడ్డున పడతాడు. అతని వ్యాపార సామ్రాజ్యమంతా కుప్పుకూలిపోతుంది. అప్పుల వారి ఒత్తిడితో సొంత బంగ్లాను కూడా ఖాళీ చేయాల్సి వస్తుంది. ఈ క్రమంలో తన ఇబ్బందుల నుంచి బయట పడేందుకు బోస్మన్ ఓ ఆలోచన చేస్తాడు. అసలు ఆ ఆలోచన ఏంటి? డబ్బు వల్ల బోస్మన్, మహాదేవ్ ఎలా కలిశారు? మహాదేవ్ చేయాలనుకున్న తప్పు ఏంటి? చివరకు తాను అనుకున్నది సాధించగలిగాడా? అనేది తెలియాలంటే మూవీ చూడాల్సిందే.
టాప్ హెడ్ లైన్స్
ట్రెండింగ్ వార్తలు
