Bangarraju's Laddunda Song: కందిసేను కాడ... పంపుషెడ్డు కాడ... డాంట‌కు డ‌డ‌న‌! 'బంగార్రాజు' లడ్డుండా!!

కింగ్ అక్కినేని నాగార్జున, ఆయన తనయుడు నాగచైతన్య హీరోలుగా నటిస్తున్న సినిమా 'బంగార్రాజు'. ఇందులో 'లడ్డుండా' సాంగ్ నేడు విడుదలైంది.

By : ABP Desam | Updated at : 09 Nov 2021 10:21 AM (IST)

Akkineni Nagarjuna Bangarraju's Laddunda Song released today and watch it here Bangarraju's Laddunda Song: కందిసేను కాడ... పంపుషెడ్డు కాడ... డాంట‌కు డ‌డ‌న‌! 'బంగార్రాజు' లడ్డుండా!!

'బంగార్రాజు'లో నాగార్జున

'ఓ కందిసేను కాడ... డాంట‌కు డ‌డ‌న‌
కన్ను కలిపితే డాంట‌కు డ‌డ‌న‌
పంపుషెడ్డు కాడ... డాంట‌కు డ‌డ‌న‌
పైట తగిలితే డాంట‌కు డ‌డ‌న‌...
లడ్డుండా! లడ్డుండా!!' అని బంగార్రాజు పాట పాడుతున్నాడు.
అక్కినేని నాగార్జున, ఆయన తనయుడు నాగచైతన్య హీరోలుగా నటిస్తున్న లేటెస్ట్ సినిమా 'బంగార్రాజు'. 'సోగ్గాడే చిన్ని నాయనా'కు ప్రీక్వెల్ ఇది. ఆ సినిమాకు దర్శకత్వం వహించిన కల్యాణ్ కృష్ణ కురసాల ఈ సినిమాకూ దర్శకత్వం వహిస్తున్నారు. సినిమాలో 'లడ్డుండా' పాటను ఈ రోజు (మంగళవారం) విడుదల చేశారు. పైన చెప్పినవి అందులో లిరిక్స్.

Nana no one can match your swag !
Here’s the first lyrical #Laddunda from #Bangarraju https://t.co/xdqepkq4S9 @iamnagarjuna @IamKrithiShetty @kalyankrishna_k @AnnapurnaStdios @anuprubens @ZeeStudios_@lemonsprasad @zeemusiccompany
— chaitanya akkineni (@chay_akkineni) November 9, 2021

పాట ప్రారంభంలో కొన్ని లైన్లను నాగార్జున పాడటం విశేషం. 'బాబూ తబలా... అబ్బాయ్ హార్మోనీ... తానన నన డాంట‌కు డ‌డ‌న‌' అని నాగార్జున పాడగా... సంగీత దర్శకుడు అనూప్ రూబెన్స్ 'రాజుగారూ డాంట‌కు డ‌డ‌న‌ అనగా ఏమి?' అని అమాయకంగా అడిగారు. అప్పుడు 'ఓరి బుడ్డోడా ఇంతకాలం తెలుసుకోకుండా ఏం చేస్తున్నావ్ రా! అడగాలి కదా! నేర్పిస్తాం కదా! బంగారు పాపలు' అని నాగార్జున చెప్పడంతో పాట ప్రారంభమైంది. భాస్కరభట్ల రవికుమార్ రాసిన ఈ పాటను నాగార్జునతో పాటు ధనుంజయ, మోహన భోగరాజు, నూతన మోహన్, హరిప్రియ పాడారు.

నాగార్జున, రమ్యకృష్ణ ఓ జంటగా... అక్కినేని నాగ చైతన్య, 'ఉప్పెన' ఫేమ్ కృతి శెట్టి మరో జంటగా నటిస్తున్న ఈ సినిమాను సంక్రాంతికి విడుద‌ల చేసే అవ‌కాశాలు ఉన్నాయి. అన్న‌పూర్ణ‌ స్టూడియోస్, జీ స్టూడియోస్ పతాకాలపై అక్కినేని నాగార్జున సినిమాను నిర్మిస్తున్నారు.